1 Bõsbudạ 19:6 - সান্তালী বাইবেল

⁶ Amonrenko do tinreko bujhạukeda, onko do Dạud ṭhen hirkhạwan hoṛko hoyakana, unre Hanun ar Amonrenko do Aram-Nohoriạm, Aram-Makha ar Soba khon rãt gạḍiko ar rãt cakʼlaoko bhaṛa ạguko lạgitʼ pe gel are hajar keji rupạko kolkeda.

1 Bõsbudạ 19:6 Referans Kwoze

1 Bõsbudạ 18:9

Homatren raj Toy do tinreye ańjomkeda, Dạud do Sibaren raj Hoddesorren sanam lạṛhại phạdkoe bhagao akatʼkoa mente.

1 Bõsbudạ 18:5

Ar Damesekren Aramren hoṛko do tinre Sibaren raj Hoddesor goṛowae lạgitʼko hecʼena unre Dạud do onkoren bargel bar hajar hoṛkoe gocʼketʼkoa.

2 Samuel 10:6

Amonrenko tinreko bujhạu daṛeada, onko do Dạud ṭhenko kurud ocoakana mente. Unre onko do Bethrehobren ar Sobaren bargel hajar otten lạṛhại phạdko, ar Makaren mitʼ hajar hoṛko ar Toabren gelbar hajar hoṛkoe bhaṛaketʼkoa.

Genesis 34:30

Jakob do noa tayom Simeon ar Liwiye metatʼkinạ, “Aben do noa disạmren hoṛko ṭhen, bạ̃ṛtikaete Kananrenko ar Pherisiko ṭhen sĩṛĩcʼge ben so ocokedeńte muhinre ben paṛao ocokedińa. Aboren hoṛ doko thoṛagea. Onko do jarwa mitʼkate abo cetanre jhãpko ema, ar onate iń do gharońj sudhạń meṭao utạrokʼa.”

1 Thessalonikikko 4:8

Onate okoe noa cecetʼakʼ bae hetawakʼ uni do manwa do baṅ, bickom okoe acʼren sonot Jiue dan akawatʼpe uni Isorge bae hetawae kana.

Luk 10:16

Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tediń kana. Ar okoe ińko nihạ̃tedińkan onko do kol akadińicʼgeko nihạ̃tedekana.”

Sereńko 46:9

Uni do dhạrti reakʼ joto lạṛhạiye thir ocoyeda, uni do akʼe rạputʼ kaca kucạyeda, ar borlom doe kaṭra kuṭrạyeda, ar rãt gạḍi do seṅgelreye atar giḍiyeda.

Sereńko 14:3

Uni doe ńelkeda, sanamkoge sạri hor khonko ocokʼ akana, ar jotoge mitʼ domteko bạṛicʼ akana; bhageakʼ kạmi lạgitʼ do okoe hõ bạnukʼkoa, mitʼ hoṛ hõ baṅa.

2 Bõsbudạ 27:5

Amonikoren raj upạrteye lạṛhạiyente onkoe bhagaoketʼkoa. Onate Amoniko do ona bochor pe hajar are sae keji rupạ, mitʼ hajar irạlsae ṭon guhum ar mitʼ hajar irạlsae ṭon jaoko emena. Dosar ar Tesar bochorre hõ onko do inạkʼkategeko emkeda.

2 Bõsbudạ 25:6

Uni do pe hajar are sae keji rupạte Israel khon mitʼ lakh birbanṭae bhaṛa ạguketʼkoa.

2 Bõsbudạ 18:9

Israelren raj ar Jihudạren raj Jehosaphat do raj posak horokʼkate Samariạ nagraha reakʼ phaṭok duạr ṭhen guhum saphae khạrạire unkin do ạkinakʼ siṅghạsonre kin duṛupʼ akan tahẽkana ar sanam nạbiko do unkin samaṅre tayom daram dinko reakʼko nạbiyetʼ tahẽkana.

2 Bõsbudạ 18:5

Onate Israelren raj do nạbikoe hoho jarwaketʼkoa. Ar onkoakʼ lekha do ponsae tahẽkana. Uni do onkoe kuliketʼkoa, “Ramot-gilead upạrte lạṛhại bon calakʼa se bon ikạkakʼa?” Onkoko menkeda, “Do calakʼme, ente Isor do rajakʼ tire onae jimạ akada.”

2 Samuel 8:3

Tayomte Sobaren raj Rehobren hopon Hadadeser do tinre phurạt gaḍa hạbicʼ arhõ ektiạri ńam ruạṛ lạgitʼe senena unre Dạud do uni sãoteye lạṛhạiyena.

1 Samuel 27:12

menkhan Akis do Dạude pạtiạuaekan tahẽkana are hudisetʼ tahẽkana Dạud do niạko kạmi iạte acʼ jạtren Israel hoṛko ṭhen hirkhạwạnicʼe hoyokʼa ar onate jaejug ińren golam akane tahena.

1 Samuel 14:47

Sạul do Israelkoren raj hoyen tayom disạm beṛhaeten sanam bạiriko sãote, metakʼme Moabrenko, Amonrenko, Edomrenko, Sobaren rajko ar Philisṭiko sãoteye lạṛhạilena. Ar jãhã secʼge uniye calakʼkan tahẽkan onḍege ạḍiye khutiketʼtakoa.

1 Samuel 13:4

Onate Israelren sanam hoṛko ańjomkeda, Sạul do Philisṭikoren lạṛhại phạdkoakʼ ḍerae akromon akada ar Philisṭiko do Israelkoko hirkhạwako kana. Unre Israelkoko hoho ocoyena jemon onko do Gilgolte senkate Sạul sãoteko midokʼ.

Exodus 5:21

Cakʼlaoko do unkinko metatʼkinạ, “Probhu Isor do aben baṛe sạjạiye emaben ma, ente Pharao ar uniren kạmiyạko ṭhen mitʼṭecʼ hirkhạwakʼ ben kạmi akada, ar aben do gocʼ ocole lạgitʼ onkoakʼ tire tarwaṛe ben cal akawatʼkoa.”

1 Bõsbudạ 19:5

Dạud do oneye kolletʼko hoṛakʼ jãhãnakʼ hoyakana menteye baḍaeketʼ khan onko tulucʼ ńapamokʼ lạgitʼ thoṛa hoṛkoe kolkatʼkoa, ente onko hoṛ do ạḍi lajaoreko paṛao akan tahẽkana. Raj do onko ṭhene roṛgotʼkada, “Apeakʼ gocoko ạuri harakʼ hạbicʼ ape do Jerikhorege tahenpe; ar ona tayom do ruạṛ hạjukʼpe.”