1 Bõsbudạ 19:4 - সান্তালী বাইবেল

⁴ Hanun do unre Dạudren hoṛko sapʼkate gocokoe hoyo poṭorketʼtakoa ar onkoakʼ jeleṅ aṅgrop hõ barabạri, metakʼme ḍanḍa hạbicʼe getʼ kuṭrạketʼtakoa are bidạkatʼkoa.

1 Bõsbudạ 19:4 Referans Kwoze

Mark 12:4

Unre kisạ̃ṛ do eṭakʼ ar mitʼṭen gutiye kolkedea. Khan cacasko do uni guti hõ bohokʼreko dalkedea ar uni tulucʼ ạḍi bạṛicʼko beoharkeda.

Jirimiạ 48:37

Onko do duk sodor lạgitʼ mitʼke mitʼ bohokʼko ceḍe akatʼtakoa ar gocoko hoyo giḍi akatʼtakoa; tiko getʼ sirạsoro akana ar ḍanḍare gõṛẽ kicricʼko horokʼ akawana.

Jesaea 20:4

onkage Ạsurren raj do Misor lajao ocoye lạgitʼ Misorren ar Kusren bondi akan koṛakoge cetʼ ar haṛamkoge cetʼ jotoge koṭo ar eken jaṅga ar oṭakʼ dhaṛakateye idikoa.

Jesaea 15:2

Moabren hoṛko do rakʼjoṅ lạgitʼ Dibonakʼ mundilre ar than boṭkocʼkoreko rakapʼ akana. Onko do Nebo ar Medeba ńutumteko homor halaṅeda. Onko do jotoge bohokʼko hoyo munḍrạ akana ar goco hõko kaṭopʼ akatʼtakoa.

Sereńko 35:12

Bhạlại bodol onko do bạṛicʼakʼko halawạń kana; Hae, iń okoḍa do!

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

Levitikus 19:27

Bohokʼ reakʼ beṛhaete alope kaṭopʼ ạcura ar goco hõ alope bạṛija.

1 Bõsbudạ 19:3

Menkhan Amonren mukhiyạko do Hanunko metadea, “Cetʼem hudiseda uni do amren ạpum manot emae ar jiwi raṛejtam lạgitʼ hoṛe kol akatʼkoa? Ona do baṅa, uni doe kol akatʼkoa disạm ciyại lạgitʼ jemon amakʼ disạm reakʼ khoj khoborko hatao daṛeakʼ ar tayomte onako jarkhar daṛeakʼ.”

1 Bõsbudạ 19:5

Dạud do oneye kolletʼko hoṛakʼ jãhãnakʼ hoyakana menteye baḍaeketʼ khan onko tulucʼ ńapamokʼ lạgitʼ thoṛa hoṛkoe kolkatʼkoa, ente onko hoṛ do ạḍi lajaoreko paṛao akan tahẽkana. Raj do onko ṭhene roṛgotʼkada, “Apeakʼ gocoko ạuri harakʼ hạbicʼ ape do Jerikhorege tahenpe; ar ona tayom do ruạṛ hạjukʼpe.”