1 Bõsbudạ 19:13 - সান্তালী বাইবেল

¹³ Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ ar dela abo do dil salakʼ bon lạṛhạilenge. Probhu Isorakʼ mẽtʼre oka bhageakʼ kan onage uni doe kạmi ma.”

1 Bõsbudạ 19:13 Referans Kwoze

Sereńko 27:14

Ape do Probhu Isor cetanre as dohojoṅpe; monre daṛe ar dil baṛe dohoytape ar Probhu Isorre as akae tahenpe.

Nehemiạ 4:14

Ona tayom iń do sanamakʼ ńel jut baṛakate lekman hoṛko, maraṅ hudạren hoṛko ar sarecʼ hoṛkoń metatʼkoa, “Onko do alope botorakoa. Menkhan maraṅ daṛeanicʼ ar botoranicʼ Probhu Isorakʼ katha baṛe disạipe ar aperen boehako, koṛa hoponko ar kuṛi hoponko, bạhuko ar oṛakʼ lạgitʼ lạṛhạipe.”

2 Samuel 10:12

Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ dela, dil salakʼ bon lạṛhạilenge. Ar Probhu Isor do acʼakʼ mẽtʼre oka bhageakʼkan onageye onkaema.”

Josuạ 10:25

Josuạ do onkoe metatʼkoa, “Alope botorokʼa, ar alope as chuṭạukʼa. Daṛeanko hoyokʼpe ar monre dil dohoype. Ente okoe bạiriko sãote lạṛhại lạgitʼpe oḍok calakʼ onko sanamkoakʼ dosa Probhu Isor do nonkageye hoe ocoytakoa.”

1 Korinthiko 16:13

Ape do jagwar akae tahenpe, biswạsre keṭecʼte teṅgo akan tahenpe, jhũkokʼpe ar daṛeanko hoyokʼpe.

1 Samuel 4:9

E Philisṭiko, dil akae tahenpe, ar herel hopon kanpe ona baṛe udug tabonpe. Ar baṅkhan Ibriko cetʼleka aperen golamko hoylen onkage ape hõ onkoren golampe hoyokʼa. Apepe herel hopon kan ona baṛe udugpe ar lạṛhạipe.”

Esra 10:4

Ado ma beretʼme; niạ reaṅ kạmi do amakʼ dạyik kangea. Ale do amle goṛowama, onate ma dil salakʼ kạmime.”

1 Samuel 17:32

Dạud do Sạule metadea, “Uni Philisṭi ńelte okoeyakʼ mon hõ alo andesalekʼma. Amren golam doe senokʼa ar uni sãoteye lạṛhạiya.”

Bikʼcạrko 10:15

Menkhan Israelko do Probhu Isorko metadea, “Ale dole ghạṭ akada. Am okaṭakʼ bhagem hudisetʼ alere onage onkaeme baṛe, menkhan dayakate niạ dhao do rukhiyạleme.”

Josuạ 1:7

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Jobakʼ 1:22

Niạko hoyenre hõ Job do bae kạileda se Isor hõ bae dusiledea.

2 Samuel 15:26

Menkhan uniye menkeda, ‘am cetanre bạń kusiya,’ enḍekhan uni oka bhageye hudis onage ińreye cekae ma.”

1 Samuel 3:18

Unre Samuel do Eli sanamakʼ kathae lạiyadea, cetʼge bae oko dohokada. Ona ańjomkate Eli doe menkeda, “Uni doe Probhu Isor kana; uni oka bhageye hudisetʼ onage baṛeye onkaema.”

1 Bõsbudạ 19:12

Joab do acʼren boehae metadea, “Aramrenko iń khon daṛeanko hoylen khan am do ińem goṛowạńa, ar Amonrenko am khon daṛeanko hoyokʼ enḍekhan iń hõ amiń goṛowama.

1 Bõsbudạ 19:14

Niạ menkate Joab do acʼren lạṛhại phạdkoante Aramrenko sãote lạṛhại lạgitʼe laha idiyen khan Aramrenko do uni samaṅ khonko ńir pharakena.