1 Bõsbudạ 18:13 - সান্তালী বাইবেল

¹³ Uni do Idom reakʼ adomakʼ jaegakore lạṛhại phạdkoe dohoketʼkoa ar onate Idomren hoṛko do Dạud gobolreko tahẽyena. Ar Dạud do jãhãtegeye calakʼkan tahẽkan onḍege Probhu Isor doe jitạu ocoyede tahẽkana.

1 Bõsbudạ 18:13 Referans Kwoze

1 Bõsbudạ 18:6

Dạud do Aram rajosṭi reakʼ Damesekre lạṛhại phạdkoe dohoketʼkoa. Onate Aramrenko do uni gobolre tahen hoyentakote khajna emaeko ehopʼena. Nonkate Dạud do jãhã jaegateye calakʼkan tahẽkan onḍege Probhu Isor do uniye jitạu ocoyede tahẽkana.

Genesis 27:37

Isahake roṛ ruạṛkeda, “Ńelme, uni do amren mạlik iń hoyoco akadea ar uniyakʼ gusṭiren sanamko do acʼren gutiń hoe ocoakatʼkoa. Iń do uni lạgitʼ phosol ar nãwã darkha rasań bondobos akada. Am lạgitʼ do ńit cetʼ iń cekaea?”

2 Korinthiko 11:32

Damesekre Aretas rajren disạm cakʼlaoyicʼ do sabeń lạgitʼ Damesek renkoakʼ nagraha pahra reakʼe hukumleda.

Sereńko 144:10

Am do rapajkom jitạu ocoyetʼkoa; amren golam Dạud hõ tarwaṛe reakʼ ti khonem rukhiyạedekana.

Sereńko 121:7

Joto lekan bạṛicʼakʼ khon Probhu Isorge ame rukhyiạmea; ar unige amakʼ jiwiye horhoytama.

2 Samuel 23:14

Un jokhecʼ Dạud do hahaṅkar reakʼ aotan gaṛreye tahẽkana ar Philisṭiren lạṛhại phạdko do Bethlehemreko tahẽkana.

1 Samuel 14:1

Mitʼdin Sạulren hopontetʼ Jonathan do acʼren khanḍa bhanḍa asenicʼ koṛae metadea, “Dela, Philisṭikoakʼ ḍera telaṅ calakʼa.” Menkhan uni do acʼren apattetʼ hõ bae baḍae ocoledea.

1 Samuel 13:3

Ar Gebeare Philisṭikoren lạṛhại phạdko do okareko ḍera akan tahẽkan ona do Jonathone akromonkeda ar ona do Philisṭikoko ańjomkeda. Unre Sạul do disạm reakʼ sanam jaegare sakwa oroṅkateye menkeda, “Ibrikoko ańjomma.”

1 Samuel 10:5

“Ona tayom am do Gibea-elohim nagrahatem calakʼa. Onḍe do Philisṭiren lạṛhại phạdkoakʼ mitʼṭecʼ ḍera menakʼa. Ar nagrahatem seṭerlen khan nonkan mitʼ dol nạbiko sãotem ńapamokʼa onko do Isorakʼ emakʼ katha roṛ roṛte sewae reakʼ cetan jaega khonko pheḍ hijukʼa. Ar onko dolren samaṅ secʼren hoṛko do binạ banam, peṛesaṅ, tiriạ ar tabla ru-ruteko calakʼa.

Numeri 24:18

Bạiriko do Edom, metakʼme Seyirko dokhol joṅa, menkhan Israelko do birbanṭa hoṛ leka ektiạriko hameṭ joṅa.

Genesis 27:40

Amakʼ tarwaṛegete jiwetʼem tahena, ar am do bokomren gutim hoyokʼa. Menkhan khạtirjoma tinre bam tahẽ daṛeakʼa unre am do amakʼ taren khon uniyakʼ araṛem giḍikakʼa.”

Genesis 27:29

Eṭakʼ jạtrenko do amko sapʼ sorama, ar sanam hoṛge amko ḍobokʼama. Am gusṭiren hoṛkoren mạlikkem hoyokʼa, onko do amko ḍobokʼama. Okoe amko sarapam onko cetanre hõ sarap paṛaokʼma; ar okoe amko bhoram onko hõ bhor hecʼakoma.”

Genesis 25:23

Probhu Isor do uniye metadea, “Amakʼ kukhire barea jạtrenkoakʼ etohopʼ hoyakana, janam khonge unkin do barea bõskin hoyokʼa. Mitʼṭen khon eṭakʼicʼakʼ daṛe do ḍherokʼa, ar maraṅicʼ do huḍińicʼren gutiye hoyokʼa.”

1 Rapajko 11:15

Dạud do tinre Edom disạm upạrteye lạṛhạilena unre uniren senaputi Joab do gocʼ hoṛko topako lạgitʼ Edomteye senlena. Ar onḍe tahen jokhecʼge uni do Edomren sanam herel hoponkoe gocʼketʼkoa.

1 Bõsbudạ 18:12

Seruaren hopon Abisoe do buluṅ lodamre gel irạl hajar Idomren hoṛkoe gocʼketʼkoa.

1 Bõsbudạ 18:14

Dạud do goṭa Israel disạm cetanre rajokʼe ehopʼena. Uni do acʼren hoṛko dhorom reakʼ bicạrteye ḍanṭaoetʼko tahẽkana.

1 Samuel 18:14

Probhu Isor do uni sãoteye tahẽkante jotowakʼrege bud salakʼ kạmikateye jo bahakʼkan tahẽkana.