1 Bõsbudạ 18:11 - সান্তালী বাইবেল

¹¹ Niạ lahare Dạud raj do Idomrenko, Moabrenko, Amonrenko, Philisṭiko ar Amalekakiko ṭhen khon sona ar rupạko ạgukate cetʼleka Probhu Isor ńutumteye begar doholetʼ onkage noako hõe begar dohokeda.

1 Bõsbudạ 18:11 Referans Kwoze

Mikạ 4:13

Probhu Isore meneda, “E Sion kuṛi, ma beredokʼte phosol manḍaeme; iń do mẽṛhẽtʼ reakʼ dereń ar pitạl reakʼ khurạń emama jemon ḍher jạtrenkom gejer daṛeako. Onkoakʼ behokte hameṭakʼ jinisko ar dhon do iń ńutumte, goṭa dhạrtiren Probhu Isor ńutumte maraokʼ reakʼem sarapakoa.”

2 Bõsbudạ 5:1

Nonkate Solomon raj do Probhu Isorakʼ oṛakʼ reakʼ sanamakʼe kạmi sạtkeda. Ona tayom uni do acʼren apat Dạud okako jinis Probhu Isor ńutumteye begar doholetʼ onakoe ạgukeda. Onako modre do sona, rupạ ar eṭakʼ eṭakʼ bhajanko tahẽkana. Onako uni do Isorakʼ oṛakʼ reakʼ dhon bhanḍarreye dohokada.

1 Bõsbudạ 29:14

“Menkhan E Probhu Isor, iń baṅiń okoekan ar ińren hoṛ baṅko okoekan, ale do kusite nonkale dan daṛeke? Aleakʼ jotowakʼge coṅ am ṭhen khonge hijukʼkan. Am ṭhen khon okale ńamakatʼ onage ale do amle em akatʼmea.

1 Bõsbudạ 26:20

Isorakʼ oṛakʼ reakʼ dhon bhanḍar ar Isor ńutumte begar dohoakatʼ jinisko reakʼ ńel todarot reakʼ bhar do sarecʼ Liwiko mod khon Ahiyạ cetanre tahẽkana.

1 Bõsbudạ 22:14

“Iń do ạḍi kosṭote Probhu Isorakʼ oṛakʼ lạgitʼ pe hajar are sae ṭon sona ar pegel are hajar ṭon rupạń jogaṛ dohoakada. Ona chaḍa nunạkʼ ḍher pitạl ar mẽṛhẽtʼkoń jogaṛ akada ona do ohoge soṅlena, dhiri ar kaṭ hõń jogaṛ dohoakada. Am do noare arhõm juṭucʼ daṛeakʼa.

2 Rapajko 12:18

Unre Jihudạren raj Joas do acʼ ar acʼren hapṛamkoren, metakʼme Jihudạren Jehosaphat raj, Jehoram ar Ahasiạ emakʼ Probhu Isor ńutumte begarakʼ sanam jinisko Aramren raj Hasael ṭhene kolkeda. Ona chaḍa uni do Probhu Isorakʼ khajańci oṛakʼre ńamakʼ raj oṛakʼ reakʼ joto sona hõ uni ṭhene kolkeda. Onate Hasael do Jerusalem bạgikateye calaoena.

1 Rapajko 7:51

Nonkate solomon raj do Probhu Isorakʼ oṛakʼ reakʼ sanamakʼe kạmi sạtkeda. Ona tayom uni do acʼren apat Dạud okako jinis Probhu Isor ńutumteye begar doholetʼ onakoe ạgukeda. Onako modre do sona, rupạ ar eṭakʼ eṭakʼ bhajanko tahẽkana. Ar uni do Probhu Isorakʼ oṛakʼ reakʼ khajańci kandhare onakoe dohokeda.

1 Samuel 30:20

Uni do Amalekikoren sanam ḍaṅgrako bhiḍikoe ạguketʼkoa. Uniren hoṛko do eṭakʼ pal janwarko laha lahateko laga idiketʼkoa. Onko doko menkeda, “Noko do Dạudren luṭ jinis kanako.”

1 Samuel 30:13

Dạud do uni hoṛe kulikedea, “Am dom okaren hoṛ kana? Ar oka khonem hecʼakana?” Uni hoṛ doe menkeda, “Iń do mitʼṭen misri hoṛ kạnạń, Ar Amalekikoren mitʼṭen gutige. Teheń pe din khon iń doń ruạkʼ kana, onate ińren kisạ̃ṛ do ińe bạgi giḍiakadińạ.

Josuạ 6:19

Sanam sona, rupạ ar pitạl ar mẽṛhẽtʼ reakʼ jinisko Probhu Isor ńutumte begar akana; ar ona iạte onako do uniyakʼ khajańci kandhare calakʼa.”

1 Bõsbudạ 18:10

Unre uni do Dạud sarhaoe ar johar emae lạgitʼ acʼren hopon Hadaram do Dạud raj ṭhene kolkadea. Toy do nui Hoddesor tulucʼge ạḍi dhaoe lạṛhạilena.

1 Bõsbudạ 18:12

Seruaren hopon Abisoe do buluṅ lodamre gel irạl hajar Idomren hoṛkoe gocʼketʼkoa.

Josuạ 6:24

Ona tayom onko do goṭa nagraha ar ona bhitri reakʼ jotowakʼko jeretʼ giḍikada, menkhan sona, rupạ, tama ar mẽṛhẽtʼ reakʼ jinisko do Probhu Isorakʼ khajańci oṛakʼreko jarwakeda.