1 Bõsbudạ 17:23 - সান্তালী বাইবেল

²³ “Ńitokʼ do E Probhu Isor, ińakʼ ar ińakʼ bõsko reaṅ okam gokʼ akatʼ ona do jaejug hạbicʼ rukhiyạime baṛe. Ar amakʼ gokʼakʼ lekage ona do hoyokʼma.

1 Bõsbudạ 17:23 Referans Kwoze

Luk 1:38

Mạriạme menkeda, “Iń doń Probhu Isorren kạ̃ṛmĩ kana, amakʼ katha lekage ińre jotowakʼ baṛe hoyokʼma.” Ona tayom serma goḍet do Mạriạm ṭhen khone calaoena.

Jirimiạ 11:5

Iń do aperen hapṛamko ṭhen nonkan disạm emako lạgitʼ iń kiriạlena one okare do toa, darkha rasa ar cetʼ jãhãnakʼ reakʼ okulạnge bạnukʼ, ar ona gokʼakʼ doń purạugea.’ Ona disạmge teheń do apepe ạidạri akawana.” Ińiń roṛ ruạṛkeda, “Amen, Probhu Isor!”

Sereńko 119:49

Amren golam ṭhen okaṭakʼem gokʼakatʼ ona baṛe disạime; ona hotetege am do ińem as akadińạ.

Genesis 32:12

Menkhan am dom metadiń tahẽkana, ‘khạṭige amiń bhạlạiymea ar am bõsren hoṛ do jalapuri reakʼ gitil lekań saṅge ocokoa ar onko do okoehõ bako lekha caba daṛeakoa.’ ”

1 Bõsbudạ 17:22

Amren hoṛ Israelko do jaejug amren hoṛem hoyocoakatʼkoa, ar am do, E Probhu Isor, onkoren Isorem hoyakana.

1 Bõsbudạ 17:24

Onate ińakʼ bõs do ṭikạu tahena ar jaejug amakʼ ṭhonokʼ hoyokʼa. Unre hoṛko mena, ‘sanam daṛean Probhu Isor do Israelkoren Isor kanae! Sạrige Israelkoren Isor kanae’! Ar amren guti Dạudakʼ bõs do am samaṅre ṭikạu tahena.

1 Bõsbudạ 28:4

“Enhõ Israelren Probhu Isor do jaejug Israelko cetanre raj hoyokʼ lạgitʼ ińakʼ goṭa gharońjrenko tala khon ińe bachao ledińa. Uni do mukhiyạ lekate Jihudại bachaoledea, ona tayom Jihudạ khũṭrenko khon iń babawakʼ khũṭe bachaoana ar Israelko cetanre raj hoyokʼ lạgitʼ uniyakʼ kusi lekate ińren boehako tala khon ińgeye bachaoledeńa.

1 Rapajko 8:26

E Israelren Isor, amren guti ińren ạpuń Dạud ṭhen okaṭakʼem gokʼletʼ ona baṛe purạume.

2 Bõsbudạ 1:9

E Probhu Isor, ińren ạpuń Dạud ṭhen okam gokʼ akatʼ ona baṛe ńitokʼ purạume, ente nonkan mitʼ jạtrenko cetanrem raj akadińạ okoe do dhạrtiren dhuṛi leka ohoko lekha caba daṛelen.