1 Bõsbudạ 17:1 - সান্তালী বাইবেল

¹ Raj oṛakʼre girobasokʼ jokhecʼ mitʼdin Dạud do Nathan nạbiye metadea, “Iń do debdạru kaṭ reakʼ oṛakʼreń tahenkana menkhan Probhu Isorakʼ bondobos sinduk do tạmburege menakʼa.”

1 Bõsbudạ 17:1 Referans Kwoze

1 Bõsbudạ 17:5

Misor disạm khon Israelkoń oḍok ạguko hilokʼ khon teheń hạbicʼ iń do okaṭakʼ oṛakʼre hõ bạń tahẽkana. Mitʼ tạmbu khon eṭakʼ tạmbure, mitʼ tahen oṛakʼ khon eṭakʼ tahen oṛakʼteń senlena.

1 Bõsbudạ 15:1

Dạud nagrahare acʼ lạgitʼ oṛakʼ duạre benao sạtketʼ tayom Dạud do Isorakʼ sinduk lạgitʼ mitʼṭecʼ ṭhạ̃iye ṭhikketʼte onḍe mitʼṭecʼ tạmbui ṭaṅgaokeda.

Hagae 1:9

“Ape do ḍher phosol ńam lạgitʼpe aslena, menkhan thoṛagepe ńam akada. Ar oṛakʼte tinạkʼpe aderan tahẽkan ona doń oṭaṅ giḍi akatʼtapea. Cedakʼ iń onka akatʼtapea? Ińakʼ oṛakʼ lạgitʼge ona doń onka akada, ente ińakʼ oṛakʼ do dhaṅ dhaser akana, ar ape do apan ạpin oṛakʼ lạgitʼpe odoṛ dhopuṛ baṛaekana.

Hagae 1:4

“Noa do cetʼ ṭhik hoyokʼkana, ape do noksa akatʼ oṛakʼrepe tahenkana ar ińakʼ oṛakʼ do dhaṅdhaserakʼ hoyakantińạ?

Daniel 4:4

Iń Nebukadnesar do ińakʼ oṛakʼre nirạiteń tahenkan tahẽkana ar ińakʼ raj dolanre iń do ḍag ḍagiń sahrekʼkan tahẽkana.

Jirimiạ 22:15

Aema Aema debdạru dareko tahẽlen khan ona do cetʼ raje benao daṛeama? Amren ạpum do bhage bhageye jom-ńũiyetʼ tahẽkanre hõ okaṭakʼ ṭhikakʼ ar hok reakʼakʼ kan onageye onkayetʼ tahẽkante un jokhecʼ jotowakʼ do bhagege tahẽkana.

Sereńko 132:5

ar tin hạbicʼ Probhu Isor lạgitʼ mitʼṭecʼ ṭhạ̃i bạń sendra ńam, Jakobren uni daṛeanicʼ Isor lạgitʼ mitʼṭecʼ tahen ṭhạ̃i bạń sendra ńam.”

2 Bõsbudạ 1:4

Menkhan Isorakʼ sinduk do Jerusalemre tahẽkana, ente Dạud do Kiriat-Jiạrim khon onae ạguketʼte Jerusalemre okaṭakʼ tạmbui beretʼletʼ onḍegeye dohokeda.

1 Bõsbudạ 29:29

Ar ńeńelicʼ Samuelren nạbi Nathan ar ńeńelicʼ Gad reakʼ itihãs puthire Dạud raje rajokʼ reakʼ sanam kathako do etohopʼ khon mucạtʼ hạbicʼ ol menakʼa.

1 Bõsbudạ 16:1

Probhu Isorakʼ sinduk ạgukate ona do Dạude beretʼakatʼ tạmbureko dohokeda. Ar inạ tayom do Isor samaṅre jeredokʼakʼ samaṅakʼ ar sulukren samaṅakʼko samaṅkeda.

1 Bõsbudạ 14:1

Tayomte Turren raj Hiram do Dạud ṭhen adom hoṛe kolketʼkoa. Ar onko sãote Dạud lạgitʼ raj oṛakʼ benaoa mente debdạru kaṭko, raj mistriko ar chutạr mistriko hõe kolketʼkoa.

1 Rapajko 1:44

Ar raj do uni sãote Sadok naeke, Nathan, Jehoyadaren hopon Banae, Korethiạ ar Polethiạkoe kol akatʼkoa. Onko do rajakʼ duṛupʼakʼre uniko duṛupʼkedea,

1 Rapajko 1:23

Unre mitʼ hoṛ do raje metadea, “Nathan nạbi do nonḍeye hecʼ akana.” Unre Nathan do raj samaṅre senkate otre ombakʼkateye joharadea.

1 Rapajko 1:8

Menkhan Sadok naeke ar Jehoyada hopon Bonae, Nathan nạbi, Simai, Reyi ar Dạudren birbanṭa hoṛko do Dạud secʼgeko tahẽyena.

2 Samuel 12:1

Probhu Isor do unre Dạud ṭhen Nathan nạbiye kolkedea. Uni do Dạud ṭhen senkateye metadea, “Mitʼ nagrahare bar hoṛkin tahẽkana. Unkin modre mitʼ hoṛ do kisạ̃ṛ ar eṭakʼicʼ do ạḍitetʼ reṅgecʼe tahẽkana.

2 Samuel 6:17

Probhu Isorakʼ sinduk ạgukate onko do Dạude beretʼakatʼ tạmbureko dohokeda. Ar Dạud do unre Probhu Isor ńutumte jeredokʼ samaṅokʼakʼ ar sulukren samaṅokʼakʼe samaṅkeda.

Aposkạmi 7:46

Dạud do Isorakʼ daya ńamkate Jakobren Isorakʼ tahen jaega benao lạgitʼe koean tahẽkana;

1 Rapajko 8:17

“Israelren Probhu Isor lạgitʼ mitʼṭecʼ oṛakʼ benao reakʼ monsubạ do ińren ạpuń Dạudakʼ ontorre tahẽkangea.

1 Bõsbudạ 17:2

Nathan do Dạude roṛ ruạṛadeteye menkeda, “Amakʼ monre oka cekae reakʼ menakʼ onage onkaeme; Isor do am soṅgere menaea.”

1 Bõsbudạ 22:7

Dạud do Solomone metadea, “E beṭa, ińren Probhu Isor lạgitʼ mitʼṭecʼ oṛakʼ benao reakʼ ạḍi monsubạ tahẽkantińạ.

1 Bõsbudạ 28:2

Ar Dạud raj do teṅgoyente onkoe metatʼkoa, “E ińren boehako ar ińren hoṛko, ińakʼ katha baṛe luturakʼpe. Probhu Isorakʼ bondobos sinduk lạgitʼ, metakʼme aleren Isorakʼ jaṅga dohoytae lạgitʼ mitʼṭecʼ oṛakʼ benao reakʼ mone tahẽkantińạ, ar iń do ona benao lạgitʼ hõń sapṛaolena.

Exodus 26:1

“Ńapamokʼ tạmbu do gel goṭecʼ orwal kicricʼtem benaoa. Ona orwalko do ũńakʼ mĩhĩ musnạ sutạmte ar nil, beguni ar jeṅgetʼ arakʼ sutạmte benao hoyokʼa. Ar gạkhuṛ kạrigol hotete onare Kerubkoakʼ chubim dohoya

1 Bõsbudạ 22:6

Ona tayom acʼren hopon Solomone hohoadete uni cetanre Israelkoren Probhu Isor ńutumte mitʼṭecʼ oṛakʼ benao lạgitʼ bhare emadea.