1 Bõsbudạ 16:6 - সান্তালী বাইবেল

⁶ Ar naeke Bonae ar Johosiyel do Isorakʼ ona bondobos sinduk samaṅre jaoge sakwakin oroṅetʼ tahẽkana.

1 Bõsbudạ 16:6 Referans Kwoze

2 Bõsbudạ 13:12

Isor do ale sãore menaea; unikangeae aleren mukhiyạ do. Uniren naekeko do sakwako oroṅetʼte ape upạrte lạṛhại lạgitʼ ale sãote menaea. E Israelren hoṛko, aperen hapṛamkoren Probhu Isor upạrte do alope lạṛhạiya, ente bape jo baha daṛeakʼa.”

Numeri 10:8

“Noa pepṛẽtʼ do Aronren hoponko, metakʼme naekekoko oroṅa. Noa do amren ar am bõsrenko lạgitʼ jaejug hạbicʼ mitʼṭecʼ niạmge hoyokʼa.

1 Bõsbudạ 16:5

Noko hoṛkoren mukhiyạ do Asaphe tahẽkana, dosaricʼ do Sakariại tahẽkana, ona tayom do Jiyiyel, Somiramoth, Jihiyel, Motithiạ, Eliyab, Bonae, Obed-Edom ar Jiyiyel. Noko do binạ banam ar peṛesaṅko banametʼ tahẽkana ar Ashaph do kortale rurukan tahẽkana;

1 Bõsbudạ 16:7

Enhilokʼ Dạud do pạhilre Probhu Isor ńutumte sarhaoe reakʼ niạ sereń reakʼ bhar do Asaph ar uniren hoṛko cetanreye emkeda:

1 Bõsbudạ 15:18

Onko sãote onko bõsren tayom sạrren naekeko hõko bahalketʼkoa. Onko doko hoyokʼkana Sakhariạ, Ben, Jasayel, Somiramoth, Jihiyel, Unni, Eliyab, Bonae, Maseyo, Motithiyạ, Elipholehu, Mikneo ar Obed-Idom ar Jiyiyel ńutuman duạrren barea pharadarkin.