1 Bõsbudạ 16:42 - সান্তালী বাইবেল

⁴² Isor ńutumte sereń jokhecʼ pẽpṛẽtʼ kortal ar eṭakʼ bajnako rui lạgitʼ si Hemon ar Jiduthon cetanre bhar tahẽkana. Ar Jiduthon bõsren hoṛko do rurukhiyạ lekateko bahal ocolena.

1 Bõsbudạ 16:42 Referans Kwoze

Sereńko 84:10

Eṭakʼ jaegare hajar din khemao khon amakʼ oṛakʼ reakʼ racare mitʼṭecʼ din khemaoge ḍher bhagea; bạṛicʼ hoṛkoakʼ tạmbure ḍerakʼ khon bickom ińren Isorakʼ duạr ṭhen teṅgo tahenge ḍher bhagea.

2 Bõsbudạ 7:6

Naekeko do akoakʼ ṭhạ̃ireko teṅgoyena ar Liwiko hõ Probhu Isor ńutumte banam ar rui lạgitʼ akoakʼ jaegareko teṅgoyena. Ar naekeko ar Liwiko do samna sạmniko teṅgoyente sakwako oroṅkeda ar sanam Israelko doko teṅgo tahẽyena. Liwikoakʼ niạ banam ar ruruwakʼko Dạud raj do Probhu Isor sarhaoe lạgitʼe benao ocoleda ar onakoe banam are ruyetʼ tahẽkana ar Probhu Isor sarhaoateye menetʼ tahẽkana, “Uniyakʼ dulạṛ do jaejug hạbicʼ tahenkana.”

1 Bõsbudạ 25:3

Jiduthanren turui goṭen hoponko do Gedaliạ, Sori, Jisayaho, Simiyi, Hosbiạ ar Mottithiạ. Onko do akoren apattetʼ Jiduthanakʼ ạyurte peṛesaṅ banamate Probhu Isor sarhao ar õṛhẽ talate uniyakʼ kathako sodoretʼ tahẽkana.

1 Bõsbudạ 15:17

Onate Liwiko do Joelren hopon Hemon ar uni bõsren hoṛko mod khon Berikhiạ hopon Asaph ar onkoren peṛa Morariko mod khon Kusawaren hopon Ethonko bahalketʼkoa.