1 Bõsbudạ 16:41 - সান্তালী বাইবেল

⁴¹ Onko sãote Hemon ar Jiduthon ar sarecʼ hoṛko tahẽkana, ar okoekoakʼ ńutum roṛ rakapʼkate bachao hoylena jemon onko do Probhu Isorakʼ jaejug hạbicʼ daya lạgitʼ uniko sarhao daṛeae.

1 Bõsbudạ 16:41 Referans Kwoze

Esra 3:11

Onko do Probhu Isorakʼ sarhao ar ṭhonok reakʼ sereń sereńteko menkeda, “Uni doe bhạlạyạnicʼ kana, Israelko cetanre uniyakʼ daya do jaejug hạbicʼ tahenkana.” Probhu Isorakʼ oṛakʼ reakʼ rehetʼ bạisạuen khan sanam hoṛko do ãṭ aṛaṅte Probhu Isorko sarhaokedea.

2 Bõsbudạ 20:21

Jehosaphat do hoṛko sãoteye sopolhaketʼte Probhu Isor ńutumte sereń ar uniyakʼ ṭhonokte perecʼ sonottetʼ sarhaotae lạgitʼ hoṛkoe bahalketʼkoa jemon onko do lạṛhại phạdko laha lahate niạ kathako roṛ idi, “Probhu Isor sarhaoepe, ente uniyakʼ daya do jaejug hạbicʼkana.”

2 Bõsbudạ 7:3

Seṅgel pheḍ hijukʼko ńelketʼte ar koejoṅ oṛakʼ coṭre Probhu Isorakʼ ṭhonokko ńelketʼte sanam Israelko do dhirite tol akatʼ racareko ombakʼente Probhu Isorko ḍobokʼadea ar niạ menkateko sarhaokedea, “Uni doe bhạgangea; uniyakʼ daya do jaejug hạbicʼ tahenkana.”

1 Bõsbudạ 16:34

Probhu Isorge gunmanao joharaepe, ente uni doe bhagegea; ar uniyakʼ daya do jaejug hạbicʼ tahẽ akae tahenkana.

1 Bõsbudạ 6:33

Niạ sewa kạmire okoe hoṛko ar onkoren okoeko bõskoko bahal ocolen onko doko hoyokʼkana: Kohatrenko modre do gaenaha Hemone tahẽkana. Hemon do Joelren hopone tahẽkana, ar Joel do Samuelren hopon,

Numeri 1:17

Probhu Isor okoekoakʼ ńutume menletʼ Mose ar Aron do onko kin hohowatʼkoa ar inạ bochor reakʼ dosar cando reakʼ pạhil hilokʼ do sanam Israel hoponko mitʼ ṭhenkin jarwaketʼkoa. Ar Israel hoponko do gusṭi ar gharońj reakʼ ńutum lekate onkoren hapṛamkoakʼ opromko emkeda. Ar unkin do bargel se ona khon ḍher umeran herel hoponkoakʼ ńutumkin ol caṛhaoketʼtakoa.

Luk 1:50

Ar okoe uniko sewawaekan uni do onkoreye dayakʼ kana, piṛhi cetan piṛhige.

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

1 Bõsbudạ 16:37

Din hilokʼ reakʼ jaruṛokʼakʼko sapʼ sosor lạgitʼ Dạud do Probhu Isorakʼ bondobos sinduk ṭhen Asaph ar uniren hoṛkoe dohoketʼkoa.

1 Bõsbudạ 12:31

Manase gusṭiren adha bõsren do gel irạl hajar hoṛko tahẽkana. Noko hoṛko do ńutum ńum ocokateko men ocolena jemon onko do hecʼkate Dạudko raje.

Sereńko 39:1

Ińiń menkeda, “Iń calakʼ hor reaṅ iń do sontor akae iń tahena, jemon alaṅte aloń kại; ar tin hạbicʼ iń samaṅre bạṛicʼ hoṛko tahena un hạbicʼ ińakʼ moca doń gumạikakʼa.”

Sereńko 77:1

Iń do ãṭ aṛaṅte Isor ṭheniń rakʼeda; ar ãṭ aṛaṅteń guhereda jemon uni doe luturakʼtiń.

Sereńko 106:1

Probhu Isorakʼge sarhao hoyokʼtae ma. Ape do Probhu Isor gunmanao joharaepe, ente uni doe bhagegea; ar uniyakʼ daya do jaejug hạbicʼ tahenkana.

Sereńko 136:1

Probhu Isor gun manao joharaepe, ente uni doe bhagegea; uniyakʼ dulạṛ do jaejuggetaea.

Jeheskel 40:44

Bhitri raca talare phaṭok duạr aṛere sekʼreńko lạgitʼ pe secʼ jhicʼge kandha tahẽkana; barea do utạr phaṭok aṛere dạkhin duạr ar mitʼṭecʼ do purub phaṭok aṛere utạr duạr.

1 Bõsbudạ 15:17

Onate Liwiko do Joelren hopon Hemon ar uni bõsren hoṛko mod khon Berikhiạ hopon Asaph ar onkoren peṛa Morariko mod khon Kusawaren hopon Ethonko bahalketʼkoa.