1 Bõsbudạ 16:30 - সান্তালী বাইবেল

³⁰ E dhạrtiren sanam hoṛko, ape do uni samaṅre thar tharaokʼpe. Dhạrti do khạndri khon bạisại akana, ona do tisge baṅ ḍikạ ḍakekʼa.

1 Bõsbudạ 16:30 Referans Kwoze

Sereńko 33:9

Ente uni doe menkeda ar sanamakʼ do sirjạuena; uni doe hukumkeda ar sanamakʼ tearena.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Sereńko 93:1

Probhu Isorge rapaj do; uni do ṭhonok reakʼ kicricʼe horokʼeda, uni do kajakte ḍanḍae paṭhe akatʼtaea; dhạrti do ạḍi keṭecʼte tearakana, ona do tishõ baṅ ḍikạḍakekʼa.

Kolossiko lạgitʼ Pạul Apostolakʼ ciṭhi 1:17

Uni do sanamakʼko khon laharen kanae ar unirege jotowakʼ do ṭarhao mitʼakana.

Jirimiạ 10:12

Probhu Isor do acʼakʼ daṛete dhạrtiye sirjạu akada, ar acʼakʼ ạkiltege pirthimi reakʼ rehetʼe bạisạu akada ar uniyakʼ bujte sermae pasnao akada.

Jesaea 49:8

Probhu Isor do nonkae meneda, “Bạsutakʼ okterege amiń roṛ ruạṛama ar bańcaokʼ reakʼ dinre amiń goṛowama. Iń do amiń rukhiyạmea ar am hotete hoṛko lạgitʼ mitʼṭecʼ bondobosiń dohoya, jemon disạmem teṅgo ruạṛ daṛeakʼ ar ujạṛakʼ jaegakore hoṛko arhõm ạidạri daṛeako.

Sereńko 96:9

Probhu Isorakʼ ṭhonokte perecʼ sonot reakʼ katha hudiskate uni manotepe; dhạrtiren sanam hoṛko, ape do uni samaṅre thar tharaokʼpe.

1 Bõsbudạ 16:25

Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon hõ uni doe botorangea.

1 Bõsbudạ 16:23

Dhạrtiren sanam hoṛko, ape do Probhu Isor ńutumte sereńpe; uniyakʼ emakʼ bańcao reakʼ katha dinke din lại pasnaope.

1 Bõsbudạ 16:29

Sanam sarhaoteakʼ do Probhu Isorakʼ mente aṅgocpe; ar samaṅokʼakʼ jinisko uni samaṅre ạguipe. Probhu Isorakʼ ṭhonokte perecʼ sonot reakʼ kathako hudiskate uni manotepe.

1 Bõsbudạ 16:31

Serma do rạskạkʼma, ar dhạrti do hulạsokʼma; eṭakʼ eṭakʼ jạtrenko talare onko doko lại jạhirma, “Probhu Isorgeye rajokʼ kana mente.”

Sereńko 76:8

Serma khon amakʼ bicạr reakʼem ańjom ocokeda; E Isor, am do bicạr lạgitʼgem beretʼena

Sereńko 99:1

Probhu Isor doe raj kana; sanam jạtrenko thar tharaokʼma. Uni do Kerubkin cetan siṅghạsonreye duṛupʼ akana; ar dhạrti do dalmalaokʼma.