1 Bõsbudạ 16:25 - সান্তালী বাইবেল

²⁵ Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon hõ uni doe botorangea.

1 Bõsbudạ 16:25 Referans Kwoze

Sereńko 89:7

Sonot goḍetkoakʼ bạisire sanamkoge Isor do botor arko bhoktiaea; uni beṛhaeten sanamko khon uni kangeae ḍher botoranicʼ do.

Sereńko 76:7

Am, hẽ amge ạḍi botoranicʼ kanam; amakʼ edre rakapʼlenre okoe hale am samaṅre doe teṅgo daṛeakʼa?

Jirimiạ 5:22

Iń do cetʼ bape botorạń kana? Iń samaṅre cetʼ bape thar tharaokʼ kana? Ińge jaejug reakʼ mitʼṭecʼ bondobos lekate gitilte doreão reakʼ simạnań ṭhik dohoakada, jemon jalapuri do ona bae parom daṛeakʼ. Ona reakʼ ḍheoko hecʼlenre hõ ona do bae leṭecʼ daṛeakʼa; ar ona do hud hudạukʼre hõ bae parom daṛeakʼa.

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

1 Bõsbudạ 16:24

Eṭakʼ eṭakʼ jạtrenko modre uniyakʼ ṭhonok lại sodorpe; sanam hoṛko talare uniyakʼ sanam hahaṛa kạmiko reakʼ katha lại pasnaope.

2 Bõsbudạ 2:5

“Okaṭakʼ oṛakʼ benao iń menjoṅkan ona do maraṅakʼ hoyokʼa, ente aboren Isor do sanam debotako khon hõe maraṅgea.

Sereńko 48:1

Aboren Isorakʼ nagrahare, ar uniyakʼ sonot burure, Probhu Isor doe maraṅgea ar joto khon bạ̃ṛti sarhao lek kanae

Sereńko 76:8

Serma khon amakʼ bicạr reakʼem ańjom ocokeda; E Isor, am do bicạr lạgitʼgem beretʼena

Sereńko 145:3

Probhu Isor doe maraṅgea ar joto khon sarhaoanicʼ lek kanae; okoe hõ uniyakʼ maraṅtetʼ do bako bhujhạu daṛeakʼa.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.