1 Bõsbudạ 16:23 - সান্তালী বাইবেল

²³ Dhạrtiren sanam hoṛko, ape do Probhu Isor ńutumte sereńpe; uniyakʼ emakʼ bańcao reakʼ katha dinke din lại pasnaope.

1 Bõsbudạ 16:23 Referans Kwoze

Sereńko 71:15

Amakʼ dhorom kạmi ar amakʼ bańcaokʼ reakʼ katha do goṭa dinge ińakʼ mocare tahena, ente onako do baṅge lại cabakʼa.

Jesaea 12:5

Probhu Isor ńutumte sereńpe, ente uni do ṭhonok reakʼe kạmi akada; ar goṭa dhạrtire niạ katha do baḍae ocoype.

Sereńko 40:10

Amakʼ dhorom reakʼ katha do ińakʼ ontorre bạń oko dohoya; iń do amakʼ pạtiạr ar bańcao reakʼ kathań lại idiya; amakʼ asambheṛ dulạṛ ar pạtiạr reakʼ katha maraṅ bạisire bạń oko dohoya.

Sereńko 30:4

E Probhu Isor botorae kanko, ape do uni sereńaepe; ar uni sonottetʼ reakʼ sarhaotaepe;

1 Bõsbudạ 16:9

Uni ńutumte sereńpe, uni sarhao sereńaepe; uniyakʼ sanam hahaṛa kạmi reakʼ katha lạipe.

Exodus 15:21

Moseyakʼ sereń reakʼ roṛ ruạṛre Mạriạm do noa sereńe sereńkeda; “Ape do Probhu Isor ńutumte sereńpe, ente hoṛkoakʼ mẽtʼãhãre uniyakʼ ṭhonok do maraṅena. Sadomko ar aswariko do unige doreão dakʼreye khadleketʼkoa.”

1 Bõsbudạ 16:24

Eṭakʼ eṭakʼ jạtrenko modre uniyakʼ ṭhonok lại sodorpe; sanam hoṛko talare uniyakʼ sanam hahaṛa kạmiko reakʼ katha lại pasnaope.