1 Bõsbudạ 16:19 - সান্তালী বাইবেল

¹⁹ Onko do thoṛako tahẽkana, hẽ ạḍi thoṛako tahẽkana, ar onko do onḍe porjạtrenko lekako tahẽkana,

1 Bõsbudạ 16:19 Referans Kwoze

Genesis 34:30

Jakob do noa tayom Simeon ar Liwiye metatʼkinạ, “Aben do noa disạmren hoṛko ṭhen, bạ̃ṛtikaete Kananrenko ar Pherisiko ṭhen sĩṛĩcʼge ben so ocokedeńte muhinre ben paṛao ocokedińa. Aboren hoṛ doko thoṛagea. Onko do jarwa mitʼkate abo cetanre jhãpko ema, ar onate iń do gharońj sudhạń meṭao utạrokʼa.”

Dosar Biboron 7:7

“Eṭakʼ jạtrenko khonpe ḍherge iạte Probhu Isor do apeye dulạṛ akatʼpea seye bachao akatʼpea ona do baṅa, ente eṭakʼ jạtrenko khon apeakʼ lekha do thoṛagea.

Ibriko 11:13

Noko hoṛko do pạtiạu talate jion khemaokateko gocʼena. Isor okaṭakʼ emokʼ reakʼe gokʼatʼko tahẽkan ona do bako ńamleda, menkhan sạṅgiń khon onako ńelleda ar kusi hõko kusiyada. Noa dhạrtire bedisiạ ar upriạ lekako tahẽkan ona doko aṅgocletʼgea.

Aposkạmi 7:5

Ar acʼakʼ ạidạri lạgitʼ Isor do Abraham cetʼge bae emadea, jaṅga lebedokʼ leka jaega hõ baṅ. Menkhan Isor doe gokʼade tahẽkana, uni ar uniren bõsko do ạidạrilekate ona disạme emakoa. Menkhan unhạbicʼ Abrahamren do cele gidrạge bako tahẽkantaea.

1 Bõsbudạ 16:20

Onko do tinre onḍe eṭakʼ eṭakʼ jạtrenko talare eṭakʼ eṭakʼ rajosṭiko talareko ạcur baṛaekan tahẽkana,