1 Bõsbudạ 16:11 - সান্তালী বাইবেল

¹¹ Probhu Isor ar uniyakʼ daṛe bujhạu reakʼ kurumuṭuipe; sanam ghạṛicʼ uni sãote helmelokʼ reakʼ gagoj baṛe dohoype.

1 Bõsbudạ 16:11 Referans Kwoze

Sereńko 68:35

E Isor, amakʼ sonot ṭhạ̃ire amem hạjirlenre do botor hijukʼa. Israelren Isor do uniren hoṛkoakʼ daṛe ar ektiạriye emako kana. Isorakʼ sarhaoge baṛe hoyokʼtae ma.

Sereńko 67:1

E Isor, dayawaleme ar bhoraleme baṛe; amakʼ daya do marsal leka alere paṛaokʼma; (Sela)

Sereńko 24:6

Nonkan hoṛ do Probhu Isorko sewawaea, onko do uniyakʼ mẽtãhãko ńam bakʼṛa kana ar noko kangeako Jakobren bõsko do. (Sela)

Sereńko 4:6

Ḍher hoṛko mena, “Bhageakʼ do okoeye ńel oco daṛeabona?” E Probhu Isor, amakʼ daya reakʼ mẽtʼãhã do ale cetanre marsal leka baṛe rakapʼ aleme.

Amos 5:6

Probhu Isor ṭhen calakʼpe enḍekhanpe bańcaokʼa; ar baṅkhan uni do seṅgel leka Josephren, metakʼme Israelren hoṛko talareye jol rakabokʼa. Ar seṅgel do onae joma ar Bethelren okoehõ ona do bako ĩṛĩcʼ daṛeakʼa.

2 Bõsbudạ 6:41

“E Probhu Isor, ńitokʼ do amakʼ jirạukʼ ṭhạ̃ite hijukʼme; dela hijukʼme ar amakʼ daṛeanakʼ sinduk hijukʼma. E Probhu Isor, amren naekeko do dhorom reakʼ kicricʼko horogma. Am okam bhạlại akatʼ ona lạgitʼ am bhuktiamko doko rạskạ joṅma.

Sereńko 78:61

Uniyakʼ daṛe reakʼ cinhạ do bondi dosa oktereye kolleda; uniyakʼ ṭhonok reakʼ cinhạ do uniren bạirikoakʼ tireye emkeda.

1 Bõsbudạ 16:10

Uniyakʼ ṭhonoktetʼ reakʼ sarhaotaepe; okoe do Probhu Isorakʼ khạndritetʼ baḍae sanayetʼko onkoakʼ ontor do rạskạkʼtakoma.

Sereńko 84:6

Onko do rakʼjoṅ lodam talate calakʼ jokhecʼ ona jaega do dakʼ jharnako hoyocoyeda; ar laha dakʼ do borkot iạte onae perecʼeda.