1 Bõsbudạ 15:3 - সান্তালী বাইবেল

³ Ar Probhu Isorakʼ sinduk lạgitʼ Dạud okare ṭhạ̃iye ṭhik dohoakatʼ tahẽkan onḍe ạgui lạgitʼ uni do sanam Israelko mitʼ ṭhene jarwaketʼkoa.

1 Bõsbudạ 15:3 Referans Kwoze

1 Bõsbudạ 13:5

Onatege Kiriat-Jiyarim khon Isorakʼ sinduk ạgui lạgitʼ Dạud do Misor reakʼ Sihor gaḍa khon Homat reakʼ simạ hạbicʼ sanam Israelkoe jarwa mitʼketʼkoa.

1 Rapajko 8:1

Inạ tayom Solomon raj do Dạud nagraha, metakʼme Sion khon Probhu Isorakʼ bondobos sinduk ạgui lạgitʼ Israelren murubbiko, gusṭiren mathako ar Israelren mukhiyạko Jerusalemre acʼ ṭhene jarwaketʼkoa.

1 Bõsbudạ 15:1

Dạud nagrahare acʼ lạgitʼ oṛakʼ duạre benao sạtketʼ tayom Dạud do Isorakʼ sinduk lạgitʼ mitʼṭecʼ ṭhạ̃iye ṭhikketʼte onḍe mitʼṭecʼ tạmbui ṭaṅgaokeda.

2 Samuel 6:12

Dạud raj doe ańjom ńamkeda je Isorakʼ sinduk Obed-Idomakʼ oṛakʼre tahẽkan iạte Probhu do uniyakʼ oṛakʼren sanamko ar uniyakʼ sanamakʼkoe bhorada.

1 Bõsbudạ 15:12

Uni do onkoe metatʼkoa, “Ape do Liwi gusṭikoren judạ judạ bõsren mukhiyạko kanape; ape ar aperen sãoten Liwiko do Isor ńutumte apnartetʼpe begar dohokʼa, jemon oka ṭhạ̃iyiń sapṛao dohoakatʼ ona ṭhạ̃ire Israelren Probhu Isorakʼ sinduk ạgukatepe doho daṛeakʼ.

2 Samuel 6:17

Probhu Isorakʼ sinduk ạgukate onko do Dạude beretʼakatʼ tạmbureko dohokeda. Ar Dạud do unre Probhu Isor ńutumte jeredokʼ samaṅokʼakʼ ar sulukren samaṅokʼakʼe samaṅkeda.

Exodus 40:20

Ona tayom Mose do goha paṭa banar hataokate sinduk bhitrireye dohokeda ar sindukre ḍaṅkine hurạṛkada ar ona cetanre do ḍhalwakʼe dohokeda.

Levitikus 9:5

Onko do Moseyakʼ hukum leka ńapamokʼ tạmbu samaṅre jotowakʼ jinisko ạgukeda ar sanam Israelko do Probhu Isor samaṅreko teṅgoyena.

1 Bõsbudạ 13:2

Ona tayom uni do Israelren goṭa dolkoe metatʼko, “Bhagepe hudisetʼ khan ar niạge aboren Probhu Isorakʼ sanakan khan dela, abo do Israel ṭoṭharen aboren sarecʼ boehako ṭhen ar onko sãote naekeko ar Liwiko okoe do onkoakʼ atokore ar janwarkoakʼ ạtiń ṭạnḍikore menakʼko onko ṭhen hõ khobor bon kola jemon onko hõ hecʼkate abo sãoteko seletʼ daṛeakʼ.

1 Bõsbudạ 16:1

Probhu Isorakʼ sinduk ạgukate ona do Dạude beretʼakatʼ tạmbureko dohokeda. Ar inạ tayom do Isor samaṅre jeredokʼakʼ samaṅakʼ ar sulukren samaṅakʼko samaṅkeda.

2 Bõsbudạ 1:2

Solomon do sanam Israelko, metakʼme hajar lạṛhại phạdkoren ar sae sae lạṛhại phạdkoren subedarko, bikʼcạrko ar Israelren sanam bõsren mukhiyạko jarwa mitʼko lạgitʼe hukumkeda.

2 Bõsbudạ 1:4

Menkhan Isorakʼ sinduk do Jerusalemre tahẽkana, ente Dạud do Kiriat-Jiạrim khon onae ạguketʼte Jerusalemre okaṭakʼ tạmbui beretʼletʼ onḍegeye dohokeda.

2 Bõsbudạ 5:2

Inạ tayom Solomon raj do Dạud nagraha, metakʼme Sion khon Probhu Isorakʼ bondobos sinduk ạgui lạgitʼ Israelren murubbiko, gusṭiren mathako ar Israelren mukhiyạko Jerusalemre acʼ ṭhene jarwaketʼkoa.