1 Bõsbudạ 15:29 - সান্তালী বাইবেল

²⁹ Probhu Isorakʼ bondobos sinduk do tinre Dạudakʼ nagrahate seṭerena unre Sạulren hoponera Mikạl do jalna khone oyoṅ akatʼ tahẽkana. Ar Dạud raj do enejokʼ ar rạskạ joṅe ńelkede khan uni do mon monte Dạude nihạ̃tkedea.

1 Bõsbudạ 15:29 Referans Kwoze

2 Samuel 6:16

Probhu Isorakʼ sinduk do Dạudakʼ nagrahate seṭerena khan Sạulren hoponera Mikal do jalna khon oyoṅkate onakoe ńelkeda. Ar Probhu Isor samaṅre Dạud do donate enecʼkane ńelkedete uniye nihạ̃tkedea.

Ibriko 9:4

Noa hạṭińre dhup jered lạgitʼ sona reakʼ pinḍ ar bondobos reakʼ sunduk tahẽkana. Ona sunduk do beṛhaete sonate tolakatʼ tahẽkana. Ar ona cetanre sona reakʼ bhajanre dohoakatʼ Manna, ar Aronakʼ oka ṭheṅgare baha bhoṭokʼlen ona ṭheṅga, ar bondobos olakʼ dhiri reakʼ barea paṭa.

2 Korinthiko 5:13

Alele pagla akan khan enḍekhan do Isor lạgitʼgele hoyakana, ar napae monankole hoyakan khan enḍekhan ape lạgitʼgele hoyakana.

1 Korinthiko 2:14

Okoe Jiurene baṅkan, uni do Isorren Jiu ṭhen khon oka hijukʼ ona bae aṅgoca; ente uni ṭhen ona do lelhateakʼ kana. Uni do onako bae baḍae daṛeakʼa, ente sonot Jiu bae cetʼae khan onako do ohoe tojbij daṛelea.

Aposkạmi 2:13

Arhõ eṭakʼko do celakoko cigạriwatʼkoteko menkeda, “Onko do bubulakʼteko ńu bhuteṛ akana.”

Jirimiạ 30:19

Ar ona khon do rạskạ reakʼ aṛaṅ ar sarhao reakʼ sereńge ańjomokʼa. Onkoakʼ lekha doń baṛhaotakoa, onko do bako komaokʼa. Onko doń manotkoa, onko do okoege bako nihạ̃t ocokʼa.

Jirimiạ 3:16

Ona jokhecʼ disạmre aperen hoṛkoakʼ lekha tinre ḍher idikʼa unre hoṛko do Probhu Isorakʼ bondobos sinduk reaṅ ar do bako roṛ baṛaea. Uniyakʼ katha doko hiṛiń cabaya ar disạ hõ bako disạya; ona do bako khojogokʼa, ar benao hõ bako benaojoṅa.

Sosolhayic̕ 3:4

rakʼjoṅ okte ar landae okte, homor halaṅ okte ar enecʼ lạgitʼ okte,

Sereńko 150:4

Tabla ruwate enecʼ enecʼte uni sarhaoepe, taranakʼ banam ar tạriạ oroṅate uni sarhaoepe.

Sereńko 149:3

Onko do enecʼ enecʼte uniko sarhao sereńae ma, tabla ar banamte uniko õṛhẽyema;

Sereńko 30:11

Ińakʼ homorokʼ bodolte am do enecʼjoṅem pherao ạdińa; ar gõṛẽ kicricʼem raṛaketʼtińte rạskạ dom oyo ạdińa,

1 Samuel 25:44

Ar Sạul do acʼren hoponera, Dạudren bạhu Mikal do Palṭi sãoteye baplaledea. Palṭi do Galim atoren Layisren hopone tahẽkana.

1 Samuel 4:3

Ado Israelren lạṛhại phạdko akoakʼ ḍerateko ruạṛ calaoen khan onkoren murubbikoko metatʼkoa, “Philsiṭiko ṭhen Probhu Isor do cedakʼ teheńe bhagao ocoketʼbona? Dela, Probhu Isorakʼ goha sinduk do Silo khon bon ạguiya jemon Probhu Isor do abo sãote tahẽkate bạirikoakʼ ti khone rukhiyạ bon.”

Bikʼcạrko 20:27

Onako dinre Isorakʼ bebosta sinduk do Bethelrege tahẽkana, ar Aronren goṛomtetʼ koṛa, metakʼme Eliaser hopon Pinhas do ona samaṅre teṅgokateye sewayetʼ tahẽkana. Ona iạte Israelko do onḍe Probhu Isorakʼ sana baḍae lạgitʼko kuliyana, “Ale do aleren boeha Benjamin gusṭiren upạrte arhõ lạṛhại lạgitʼle calakʼa se baṅa?” Probhu Isore roṛ ruạṛatʼkoa, “Do calakʼpe, ente gapage apeakʼ tire onkoń jimạkoa.”

Dosar Biboron 31:26

“Ạn-ạri reakʼ noa puthi idikate Probhu Isorakʼ bondobos reakʼ sinduk aṛere dohokakʼpe. Noa do Israelko upạrte goha leka tahena.

Numeri 10:33

Nonkate Israelko do Probhu Isorakʼ buru khonko mohnḍayente pe din reakʼ horko sen idiyena. Ar jirạukʼ lạgitʼ mitʼṭecʼ jaega sendra ńam lạgitʼ Probhu Isorakʼ bondobos sinduk do pe din hạbicʼ onko laha lahate sen idiyena.

Exodus 15:20

Aronren miserat Mạriạm do mitʼṭen maejiu nạbigeye tahẽkana. Uni do toblae sapʼkeda, ar uni tayom tayomte eṭakʼ maejiuko hõ tobla sapʼkate enecʼ enecʼteko oḍok hecʼena.

1 Bõsbudạ 17:1

Raj oṛakʼre girobasokʼ jokhecʼ mitʼdin Dạud do Nathan nạbiye metadea, “Iń do debdạru kaṭ reakʼ oṛakʼreń tahenkana menkhan Probhu Isorakʼ bondobos sinduk do tạmburege menakʼa.”

1 Bõsbudạ 15:28

Nonkate sanam Israelko do ãṭ aṛaṅte hohowate, pẽpṛẽtʼ ar sakwa oroṅate, kortal ruwate, binạ banama ar peṛesaṅ banamate Probhu Isorakʼ sinduk do Jerusalemteko ạgukeda.