1 Bõsbudạ 15:26 - সান্তালী বাইবেল

²⁶ Okoe Liwiko do Probhu Isorakʼ bondobos sindukko gokʼ ạguiyetʼ tahẽkan onko do Isorgeye ạyuretʼko tahẽkante eae goṭen phẽṭaṛ ar eae goṭen bheḍako samaṅketʼkoa.

1 Bõsbudạ 15:26 Referans Kwoze

Numeri 23:29

Unre Biliame menkeda, “Nonḍe iń lạgitʼ eae goṭecʼ pinḍ benaome ar eae goṭen ḍaṅgra ar eae goṭen bheḍa samaṅko lạgitʼ bondobosạńme.”

Jobakʼ 42:8

Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

1 Bõsbudạ 29:14

“Menkhan E Probhu Isor, iń baṅiń okoekan ar ińren hoṛ baṅko okoekan, ale do kusite nonkale dan daṛeke? Aleakʼ jotowakʼge coṅ am ṭhen khonge hijukʼkan. Am ṭhen khon okale ńamakatʼ onage ale do amle em akatʼmea.

2 Korinthiko 3:5

Menkhan apnarte jãhãnakʼ cekae reakʼ daṛe menakʼtalea mentele dạbi daṛeakʼa ona do baṅ, bickom ona lektetʼ do Isor ṭhen khonge hijukʼ kana.

2 Korinthiko 2:16

Menkhan okoeko nosṭokʼkan onko ṭhen aleakʼ so do moron leka; one ona reakʼ jo do jaejug moronkan; ar okoe bańcaoko ńametʼkan onko ṭhen do jion reakʼ jut so leka, one ona reakʼ jo do jaejug jionge. Noa kạmiren lekicʼ doe okoekana?

Aposkạmi 26:22

Menkhan Isor do teheń hạbicʼe goṛo akawạdińa ar onate nonḍe teṅgokate kạṭicʼ lạṭu sanamko ṭhen gohań emeda. Nạbiko ar Mose hõ okaṭakʼ hoyokʼgea menteko roṛakatʼ ona bahre do cetʼ hõ bạń roṛeda.

Jeheskel 45:23

Porob reakʼ eae din dinạmge uni do Probhu Isor ńutumte jeredokʼ samaṅokʼ lạgitʼ niphuṭ utạr eae goṭen ḍaṅgra ar eae goṭen bheḍa emokʼ hoyokʼtaea ar kại ńutumte samaṅokʼ lạgitʼ mitʼṭen merom boda hõ emokʼ hoyokʼtaea.

2 Samuel 6:13

Ar okoe do Probhu Isorakʼ sindukko ạguyetʼ tahẽkan onko do turui taṛamko taṛamketʼ tahẽkanre Dạud do mitʼṭen ḍaṅgra ar mitʼṭen phẽṭãṛe samaṅede tahẽkana.

1 Samuel 7:12

Unre Samuel do mitʼṭecʼ dhiri hataokate Mispa ar Sen ńutuman mitʼṭecʼ jaega talare dohoketʼteye menkeda, “Niạ hạbicʼ Probhu Isor do aboe goṛo akatʼbona.” Niạ menkate uni do ona reakʼ ńutum Ebenesere dohokeda (ona reakʼ mane do “gokʼṛowakʼ dhiri”).

Numeri 29:32

“Porob reakʼ eaeyakʼ dinre do eae goṭen ḍaṅgra, barea bheḍa ar gelpon goṭen mitʼ bochor umerren bheḍa hopon samaṅko hoyokʼa. Noko do jemon niphuṭ utạrko hoyokʼ.