1 Bõsbudạ 15:23 - সান্তালী বাইবেল

^23-24 Sinduk horhoe reakʼ bhar do Berikhiạ, Elkana, Obed-Idom ar Jihiyi cetanre paṛaoena. Isorakʼ sinduk samaṅre pẽpṛẽtʼ oroṅ reakʼ bhar do naeke Soboniạ, Jehosaphat, Nothnel, Amasae, Sakhariạ, Bonae ar Eliyesor cetanre paṛaoena.

1 Bõsbudạ 15:23 Referans Kwoze

Sereńko 84:10

Eṭakʼ jaegare hajar din khemao khon amakʼ oṛakʼ reakʼ racare mitʼṭecʼ din khemaoge ḍher bhagea; bạṛicʼ hoṛkoakʼ tạmbure ḍerakʼ khon bickom ińren Isorakʼ duạr ṭhen teṅgo tahenge ḍher bhagea.

2 Rapajko 25:18

Jihudikoren maraṅ naeke Seruya, ar dosaricʼ naeke Sephaniạ ar pene pahradarko do uni rurukhiyạ dolren subedare bondi idiketʼkoa.

2 Rapajko 22:4

“Am do maraṅ naeke Hiskiạ ṭhen calakʼme ar Probhu Isorakʼ oṛakʼre lạgitʼ hoṛkoakʼ ạguakʼ okaṭakʼ ṭaka poesa do horhokoko uṭhạu akatʼ ona reakʼ hisạb jemon ṭhik lekako dohokakʼ.

1 Samuel 3:15

Ar Samuel do setakʼ hạbicʼ giticʼgeye tahẽyena, ar ona tayom beretʼkate Probhu Isorakʼ oṛakʼ reakʼ duạrkoe jhicʼkeda; menkhan niạ dorson reakʼ katha Eli ṭhen lạlại do bae dilleda.

2 Rapajko 7:10

Onate onko do senkate nagraha reakʼ phaṭok duạrren pahradarko metatʼkoa, “Ale do Aramrenkoakʼ ḍeratele senlena. Onḍe do mitʼṭecʼ hoṛ hõ bạnukʼkoa, cetʼ sabadge bạnukʼa; eken sadomko ar gadhako tol akan menakʼkoa ar tạmbuko do cetʼleka tahẽkan onkage bạgikate onko doko calao akana.”

1 Bõsbudạ 15:22

Sereń ạyur lạgitʼ do Liwi mukhiyạ Kononiạ cetanre paṛaoena. Uni do sereń guruye tahẽkante uni cetanre ona dạyik do dohoyena.