1 Bõsbudạ 15:18 - সান্তালী বাইবেল

¹⁸ Onko sãote onko bõsren tayom sạrren naekeko hõko bahalketʼkoa. Onko doko hoyokʼkana Sakhariạ, Ben, Jasayel, Somiramoth, Jihiyel, Unni, Eliyab, Bonae, Maseyo, Motithiyạ, Elipholehu, Mikneo ar Obed-Idom ar Jiyiyel ńutuman duạrren barea pharadarkin.

1 Bõsbudạ 15:18 Referans Kwoze

1 Bõsbudạ 26:4

Obed Edom do bõskoren apate tahẽkana. Isor do Obed-Edom irạl goṭen hoponkoe emadea are bhoradea. Uniren hoponko doko hoyokʼkana; pạhilicʼ do Somoyiạ, dosaricʼ do Jihosabod, tesaricʼ do Joyaho, ponicʼ do Sakor, mõṛẽyicʼ do Nothnel, Turuyicʼ do Ammiyel, eaeyicʼ do Isakar ar irạlicʼ do Piyullotoy.

1 Bõsbudạ 26:15

Dạkhin secʼakʼ phaṭok duạr lạgitʼ guli do Suppim ar Hosawakʼ ńutumte rakapʼena.

1 Bõsbudạ 26:8

Noko sanamkoge Obed-Edom bõsren hoṛko tahẽkana. Onko ar onkoren hoponko ar bõsrenko do lek lekan ar daṛean hoṛko tahẽkana. Obed-Edom bõsren hoṛko do jotote turuigel bar hoṛko tahẽkana.

1 Bõsbudạ 16:38

Ar onko goṛowako lạgitʼ uni do Obed-Idom ar uniren turui gel irạl hoṛ hõe dohoketʼkoa. Jiduthonren hopon Obed-Idom ar Hosa do rurukhiyạ hoṛkin tahẽkana.

1 Bõsbudạ 13:14

Idomakʼ oṛakʼre acʼakʼ gharońjrenko ṭhen sinduk do pe cando tahẽyena. Ar Probhu Isor do uniyakʼ gharońj ar uniyakʼ sanamakʼe bhoratʼtaea.

2 Rapajko 7:10

Onate onko do senkate nagraha reakʼ phaṭok duạrren pahradarko metatʼkoa, “Ale do Aramrenkoakʼ ḍeratele senlena. Onḍe do mitʼṭecʼ hoṛ hõ bạnukʼkoa, cetʼ sabadge bạnukʼa; eken sadomko ar gadhako tol akan menakʼkoa ar tạmbuko do cetʼleka tahẽkan onkage bạgikate onko doko calao akana.”

1 Bõsbudạ 15:17

Onate Liwiko do Joelren hopon Hemon ar uni bõsren hoṛko mod khon Berikhiạ hopon Asaph ar onkoren peṛa Morariko mod khon Kusawaren hopon Ethonko bahalketʼkoa.

1 Bõsbudạ 15:19

Pitạl reakʼ kortal ruru reakʼ bhar do gaenaha Hemon, Asoph ar Ethon cetanre tahẽkana.

1 Bõsbudạ 15:20

Ar ãṭ aṛaṅte binạ banam banam lạgitʼ bhar do Sakhariạ, Asiyel, Somiramoth, Jihiyel, Unni, Eliab, Maseyo ar Bonaeteko cetanre dohoyena.

1 Bõsbudạ 15:21

Latar rạṛte peṛesaṅ bakʼnamkoakʼ bhar do Motithiạ, Elipholehu, Mikneo, Obed-Idom, Jiyiyel ar Asosiyer cetanre dohoyena.

2 Samuel 6:10

Unre Dạud do Probhu Isorakʼ sinduk acʼakʼ nagrahate ạgu bae rebenlena. Uni do ona Gatren Obed-Idomakʼ oṛakʼreye doho oṭokada.