1 Bõsbudạ 15:13 - সান্তালী বাইবেল

¹³ Pạhil dhao ona bape ạgu daraletʼte abo cetanre aboren Probhu Isor do edreteye perecʼlen tahẽkana. Ar uniyakʼ hukum leka ona do cetʼlekate ạgui hoyokʼa ona do uni ṭhen khon baṅ baḍae hoylena.”

1 Bõsbudạ 15:13 Referans Kwoze

2 Samuel 6:3

Isorakʼ ona sinduk onko do buru cetan reakʼ Abinadabakʼ oṛakʼ khonko oḍok ạguketʼte mitʼṭecʼ nãwã sagaṛreko dohokeda. Us ar Ahio ńutuman Abinadabren hoponkin do taṛam taṛamte ona nãwã sagaṛkin laga idiyetʼ tahẽkana.

1 Korinthiko 14:40

Menkhan noako sanamakʼ do ṭhik leka ar napaetege baṛe hoyokʼma.

1 Korinthiko 11:2

Apeń sarhaoetʼpea, ente ape do sanamakʼkorepe disạyediń kana ar okań cetʼ akawatʼpe onape sapʼ dohoakatʼa.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

1 Bõsbudạ 15:2

Inạ tayom uni doe menkeda, “Isorakʼ sinduk do Liwiko chaḍa ar okoe hõ jemon aloko gokʼ bhạriại ente Probhu Isorakʼ sinduk gokʼ idi ar jaejug hạbicʼ uniyakʼ sewae lạgitʼ Probhu Isor do onkogeye bachao akawana.”

Dosar Biboron 31:9

Mose do ạn-ạriko olkate Liwi gusṭiren naekeko, okoe do Probhu Isorakʼ goha sindukko gokʼ bhạriạ idiyetʼ tahẽkan, onko ar Israelren sanam murubbiko onae ematʼkoa.

Numeri 7:9

Mose do Kohatrenko cetʼge bae ematʼkoa, ente sonotakʼ jinisko reakʼ ńel todarot bhar do onko cetanrege tahẽkana ar onako gokʼ idi reakʼ bhar hõ.

Numeri 4:15

“Aron ar uniren hoponko tinre noa sonot jinis ar sonot ṭhạ̃i reakʼ asbab poṭom reakʼ kạmiko sạta ar hoṛko hõ ḍera samṭaokate uṭhạukʼ lạgitʼko sapṛaokʼa unre Kohatren hoponko do noako gokʼ idi lạgitʼko hijukʼa. Menkhan onko do sonotakʼ okaṭakʼ jinisge bako joṭetʼ daṛeakʼa. Arko joṭetʼ lekhan onko doko gujukʼa. Ńapamokʼ tạmbure okako jinis tahen ona do Kohatren hoponkoko gokʼ idiya.

1 Bõsbudạ 13:3

Dela bon, aboren Isorakʼ goha sunduk do abo ṭhen bon ruạṛ ạguiyma; Sạulakʼ rajokʼ oktere abo do sinduk secʼge babon lutur akawatʼ tahẽkana.”