1 Bõsbudạ 14:1 - সান্তালী বাইবেল

¹ Tayomte Turren raj Hiram do Dạud ṭhen adom hoṛe kolketʼkoa. Ar onko sãote Dạud lạgitʼ raj oṛakʼ benaoa mente debdạru kaṭko, raj mistriko ar chutạr mistriko hõe kolketʼkoa.

1 Bõsbudạ 14:1 Referans Kwoze

Esra 3:7

Onko do rajmistriko ar chutạr mistriko ṭakako ematʼkote Sidon ar Turren hoṛkoakʼ jomakʼ, darkha rasa ar sunumko ematʼkoa jemon onko do Parasren Keros rajakʼ hukum lekate Lebanon khon Jappho hạbicʼ jalapurite debdạru kaṭkoko ạgu daṛeakʼ.

2 Bõsbudạ 2:3

Solomon do Turren raj Hirạm noa khobore koladea, “Ińren ạpuń Dạudakʼ mitʼṭecʼ raj oṛakʼ benao lạgitʼ cetʼleka debdạru kaṭkom kolletʼ tahẽkan onkage iń hõ debdạru kaṭko kolạńme.

1 Bõsbudạ 22:2

Etạkʼ jạtren okoeko hoṛ do Israel disạmreko girobasokʼ kan tahẽkan Dạud do onko jarwako lạgitʼe hukumkeda. Onko mod khon uni do dhiri lakʼ rog lạgitʼ hoṛkoe bachaoana jemon onko do Isorakʼ oṛakʼ benao lạgitʼ dhiriko lakʼ rokʼ daṛeakʼ.

1 Bõsbudạ 17:1

Raj oṛakʼre girobasokʼ jokhecʼ mitʼdin Dạud do Nathan nạbiye metadea, “Iń do debdạru kaṭ reakʼ oṛakʼreń tahenkana menkhan Probhu Isorakʼ bondobos sinduk do tạmburege menakʼa.”

1 Rapajko 5:18

Solomon ar Hiramren mistriko ar Gibearenko do ona dhiriko getʼkate mundil oṛakʼ benao lạgitʼ kaṭ ar dhiriko sapṛaoetʼ tahẽkana.

1 Rapajko 5:6

“Onate hukum emokʼme iń lạgitʼ Lebanon disạm khon debdạru dareko jemon makʼ ạgukʼ. Ińren hoṛ hõ amren hoṛko sãoteko tahena ar am cetʼleka mujurim ṭhik dohoako onkage iń do amren hoṛkoń emakoa. Entem baḍaegea Sidonrenko do dare makʼ ar gegetʼreko gạkhuṛgea.”

1 Rapajko 5:1

Turren raj Hiram do tinreye ańjomkeda, Solomon do acʼ apatakʼ jaegare raj hudạreye ojokʼ bahal ocoakana unre uni do Solomon ṭhen acʼren hoṛkoe kolkatʼkoa, ente Dạud tulucʼ uni do gate peṛa leka jopoṛao tahẽkantaea.

2 Samuel 7:2

Mitʼ do raj do Nathan nạbiye metadea, “Ńelme, iń do debdạru kaṭ reakʼ oṛakʼreń girobasokʼ kana menkhan Isorakʼ sinduk do tạmbure menakʼa.”

1 Bõsbudạ 14:2

Unre Dạud doe bujhạukeda, Probhu Isor do Israelko cetanre acʼakʼ raj hudại teṅgo dohoakada ar uniren hoṛko, metatʼme Israelko lạgitʼ acʼakʼ rajosṭiye maraṅketʼtaea.

1 Rapajko 5:15

Solomon tabere do eaegel hajar gokʼ bhạriạkoko tahẽkana ar buru khon dhiri la ạgui lạgitʼ do irạlgel hajar hoṛko tahẽkana.

2 Bõsbudạ 2:2

Uni do eaegel hajar hoṛko bojha gokʼ lạgitʼ ar irạlgel hajar hoṛko do burure dhiri gegetʼ lạgitʼ ar pe hajar turui sae hoṛko do onko ńel todarotko lạgitʼe dohoketʼkoa.