1 Bõsbudạ 13:5 - সান্তালী বাইবেল

⁵ Onatege Kiriat-Jiyarim khon Isorakʼ sinduk ạgui lạgitʼ Dạud do Misor reakʼ Sihor gaḍa khon Homat reakʼ simạ hạbicʼ sanam Israelkoe jarwa mitʼketʼkoa.

1 Bõsbudạ 13:5 Referans Kwoze

1 Samuel 6:21

Ona tayom onko thoṛa hoṛkoante Kiriạt-Jearimren hoṛko ṭhenko roṛgotʼkada, “Philisṭiko do Probhu Isorakʼ sindukko ruạṛgotʼ akada. Ar pheḍ hijukʼte sinduk do ape ṭhen idipe.”

1 Rapajko 8:65

Nonkate Solomon ar uni sãoten sanam Israelko do ona jokhecʼ aboren Probhu Isor samaṅre eae din arhõ eae din, jotote gelpon din hạbicʼ mitʼṭecʼko porobena. Onko do lekhare ạḍi saṅgeko tahẽkana; onko do Hamat khon Misor reakʼ rohoṛ gaḍa hạbicʼ sanam ṭoṭha khonko hecʼakan tahẽkana.

2 Samuel 6:1

Dạud do arhõ Israelko mod khon pegel hajar bachao akan hoṛko mitʼ ṭhene jarwaketʼkoa.

1 Bõsbudạ 15:3

Ar Probhu Isorakʼ sinduk lạgitʼ Dạud okare ṭhạ̃iye ṭhik dohoakatʼ tahẽkan onḍe ạgui lạgitʼ uni do sanam Israelko mitʼ ṭhene jarwaketʼkoa.

1 Bõsbudạ 13:6

Jihudạ disạm reakʼ Bala, metakʼme Kiriat-Jiyarim khon Probhu Isorakʼ sinduk ạgui lạgitʼ Dạud ar uni sãoten sanam Israelko onḍeko senena. Niạ sinduk do Probhu Isor ńutumtege oprom tahẽkana, ente uni do onḍe Kerubkin talareye tahenkan tahẽkana.

2 Rapajko 25:21

Ar raj do Hamat disạm reakʼ Riblare noko sanam hoṛkoe gocʼketʼkoa. Nonkate Jihudạren hoṛko bondikate apnarakʼ disạm khon sạṅgińteko idiocoyena.

1 Rapajko 4:21

Phurạt gaḍa khon ehopʼkate Misor ar Philisṭikoakʼ disạm reakʼ simạ hạbicʼ sanam rajosṭiko do Solomonakʼ gobolrege tahẽkana. Solomon tinạkʼ din jiwetʼe tahẽkan unạkʼ dinge niạko disạmren hoṛko do bhejako emaekan tahẽkana ar uni gobolreko tahẽkana.

Jirimiạ 2:18

Ar ńitokʼ do nil gaḍa reakʼ dakʼ ńũi lạgitʼ cedakʼ Misorte dom calakʼ kana? Phurạt gaḍa reakʼ dakʼ ńũi lạgitʼ hõ Ạsurte do cedakʼem calakʼkana?

Josuạ 9:17

Unre Israelko do onkoakʼ elaka secʼko mohnḍayena ar pe din hilokʼre onḍeko seṭerena. Onkokoakʼ elakare do Gibeon, Kephira, Beerot ar Kiriat-Jearim nagrahako tahẽkana.

1 Samuel 7:1

Unre Kiriat-Jearimren hoṛko do hecʼkate Probhu Isorakʼ sindukko idikeda. Onko do sinduk idikate buru cetan reakʼ akoakʼ nagrahare Abinadabakʼ oṛakʼreko dohokada ar ona ńel todarot lạgitʼ Abinadabren hopon Eleasar do Probhu Isor ńutumteko begarkedea.

1 Bõsbudạ 13:4

Unre goṭa dolrenkoge ona ạgui lạgitʼko rạjiyena, ente joto hoṛko ṭhenge ona do lek kana menteko hudiskeda.

Jesaea 23:3

Sihon gaḍa, metakʼme nil gaḍa ḍhip aṛeteakʼ anaj do maraṅ jalapuri cetante hijukʼkan tahẽkana; ar Tur reakʼ arjaowakʼ do ona gaḍa aṛe reakʼ phosolge tahẽkana, ar Tur do sanam jạtkoren beparigeye tahẽkana.

1 Samuel 7:2

Probhu Isorakʼ sinduk do Kiriat-Jearimre dohoyen tayom ḍher din do paromena, metatʼme bargel bochor paromena. Onako oktere Israelko do Probhu Isor ṭhen ruạṛ hijukʼ lạgitʼ jiwi do ragokʼkan tahẽkantakoa.