1 Bõsbudạ 13:3 - সান্তালী বাইবেল

³ Dela bon, aboren Isorakʼ goha sunduk do abo ṭhen bon ruạṛ ạguiyma; Sạulakʼ rajokʼ oktere abo do sinduk secʼge babon lutur akawatʼ tahẽkana.”

1 Bõsbudạ 13:3 Referans Kwoze

1 Samuel 23:2

Unre Dạud do Probhu Isore kulikedea, “Iń do cetʼ senkate onko Philisṭikoń ńẽtʼkoa?” Probhu Isore roṛ ruạṛadea, “Hẽ, Do calakʼme. Philisṭiko ńẽtʼkate Kayila nagraha rukhiyạime.”

1 Samuel 22:15

Iń do cetʼ pạhil dhao enhilokʼge uni reaṅ Isorakʼ sana cetʼkana menteń kuliakawana? Tishõ baṅa. E maharaj, amren uni guti se uniren apatakʼ bõsren hoṛko hõ alom dusikoa. Niạko babotre amren nui guti do cetʼge bae baḍaea.”

1 Samuel 22:10

Ar Ahimelek do uni reaṅ Probhu Isorakʼ sana do cetʼ kana mente onae kuliyana. Uni do jomakʼ hõe emadea ar Philisṭi Goliạtakʼ tarwaṛe hõe emadea.”

1 Samuel 14:36

Tayomte Sạule menkeda, “Dela bon, teheń ńindạ do Philisṭiko bon lagakoa ar setakʼ hạbicʼ onkoakʼ jinisko bon luṭtakoa. Onkoren mitʼṭen hõ jiwetʼ do babon dohokoa.” Hoṛkoko roṛ ruạṛkeda, “Am okaṭakʼ bhagem hudisetʼ ona baṛe onkaeme.” Menkhan naekeye menkeda, “Dela bon, abo do pạhilre Isor ṭhen bon kuliyange.”

1 Samuel 14:18

Sạul do Ahiyại metadea, “Am do Isorakʼ sinduk ạguiyme.” (Onako dinre sinduk do Israelko ṭhenge tahẽkana.)

Sereńko 132:6

Abo do Ephrata khon gokʼakʼ sinduk reakʼ bon ańjomleda, ar Jayerakʼ ṭạnḍirege ona bon ńamleda;

1 Bõsbudạ 13:2

Ona tayom uni do Israelren goṭa dolkoe metatʼko, “Bhagepe hudisetʼ khan ar niạge aboren Probhu Isorakʼ sanakan khan dela, abo do Israel ṭoṭharen aboren sarecʼ boehako ṭhen ar onko sãote naekeko ar Liwiko okoe do onkoakʼ atokore ar janwarkoakʼ ạtiń ṭạnḍikore menakʼko onko ṭhen hõ khobor bon kola jemon onko hõ hecʼkate abo sãoteko seletʼ daṛeakʼ.

1 Bõsbudạ 13:4

Unre goṭa dolrenkoge ona ạgui lạgitʼko rạjiyena, ente joto hoṛko ṭhenge ona do lek kana menteko hudiskeda.

1 Bõsbudạ 15:13

Pạhil dhao ona bape ạgu daraletʼte abo cetanre aboren Probhu Isor do edreteye perecʼlen tahẽkana. Ar uniyakʼ hukum leka ona do cetʼlekate ạgui hoyokʼa ona do uni ṭhen khon baṅ baḍae hoylena.”