1 Bõsbudạ 13:11 - সান্তালী বাইবেল

¹¹ Us cetanre Probhu Isorakʼ niạ edre ńelte Dạud do bae kusilena. Ar teheń hạbicʼ hõ ona jaega do Peres-Usko metakʼkana.

1 Bõsbudạ 13:11 Referans Kwoze

Jona 4:9

Menkhan Isor do Jonae metadea, “Ona dare ńutumte pit caṛhaokʼ kantam dom ṭhiketʼgea?” Jonae menkeda, “Hẽ gujukʼ hạbicʼ pit caṛhaokʼkantiń doń ṭhiketʼgea.”

Jona 4:4

Probhu Isore roṛ ruạṛkeda, “Pit caṛhaokʼ kantamte dom ṭhiketʼgea?”

2 Samuel 6:9

Enhilokʼ Dạud do Probhu Isor ạḍiye botoradea. Uniye menkeda, “Probhu Isorakʼ sinduk do enḍekhan cekate iń ṭhen ạgukʼa?”

2 Samuel 6:7

Usakʼ niạ bebhukti kạmi ńelte Probhu Isorakʼ edre do uni cetanre paṛaoena. Ona iạte Probhu Isor do uniye ńẽtʼkedea, ar onate uni do Probhu Isorakʼ sinduk pheḍreye gocʼena.

Josuạ 4:9

Jordan gaḍa reakʼ oka ṭhạ̃ire goha-sinduk gogokʼ naekeko teṅgo akan tahẽkan onḍe Josuạ do arhõ gelbar goṭecʼ dhiriye dohokeda. Ona dhiriko do teheń hạbicʼ onḍege menakʼa.

Dosar Biboron 34:6

Moab disạm reakʼ Beth-peor ṭhen okaṭakʼ buru tala otet tahẽkan onḍege Probhu Isor do uniye topakadea, menkhan uniyakʼ topa okare menakʼa ona do teheń hạbicʼ okoehõ bako baḍaea.

Genesis 32:32

Onate Israelko do bulu joṛao cetan reakʼ jel teheń hạbicʼ bako joma, ente bulu reakʼ joṛao ṭhenge Jakob doe joṭetʼ ocolena.

1 Bõsbudạ 13:10

Onate Us cetanre Probhu Isor do edreteye perecʼena. Ar sinduke sapʼketʼ iạte uni doe hạnkedea. Ar onate uni do Isor samaṅre onḍegeye gocʼena.

1 Bõsbudạ 13:12

Enhilokʼ Dạud do Probhu Isor ạḍiye botoradea. Uniye menkeda, “Probhu Isorakʼ sinduk do enḍekhan cekate iń ṭhen ạgukʼa?”

Exodus 19:22

Ar Probhu Isor ṭhenko sorokʼkan naekeko hõko saphakʼma. Ar bako saphakʼ khan Probhu Isor do kajak sạjạiye emakoa.”

1 Bõsbudạ 15:13

Pạhil dhao ona bape ạgu daraletʼte abo cetanre aboren Probhu Isor do edreteye perecʼlen tahẽkana. Ar uniyakʼ hukum leka ona do cetʼlekate ạgui hoyokʼa ona do uni ṭhen khon baṅ baḍae hoylena.”