Biblia Todo Logo
Bib sou entènèt

- Piblisite -




1 Bõsbudạ 12:8 - সান্তালী বাইবেল

8 Gadiạkoren thoṛa hoṛ do akoakʼ dol bạgikate hahaṅkar ṭoṭha reakʼ gạṛ lekanakʼ jaegare Dạud ṭhenko hecʼlena. Onko do lạṛhạiko cetʼakatʼ daṛean birko tahẽkana. Onko do ḍhal ar borlom ṭhik lekako calao daṛeakʼkan tahẽkana. Onkoakʼ mẽtʼãhã do dhạcri kul leka botorge tahẽkana ar birren jel leka onko do ạḍi murukko dạṛ daṛeakʼkan tahẽkana.

Gade chapit la Kopi




1 Bõsbudạ 12:8
17 Referans Kwoze  

Joab, Abisae ar Asahel ńutuman Seruaren pea hopon onḍeko tahẽkana. Asahel do birren jel leka murukteye dạṛ daṛeakʼkan tahẽkana.


Kabsilren Jehoyada hopon Bonae do mitʼṭecʼ birbanṭa hoṛe tahẽkana. Uni hõ maraṅ maraṅakʼkoe kạmileda. Moab Ariyelren barea hopone gocʼletʼkinạ. Mitʼdin him ńurokʼ hilokʼ uni do mitʼṭecʼ danderte bolokate mitʼṭecʼ dhạcri kule gocʼledea.


Unre joto khon daṛean ar dhạcri kul leka dilan lạṛhại phạd hõ botorte disạ adokʼtaea, ente Israelren sanam hoṛkogeko baḍaea, ạpum do mitʼṭen lạṛhại bir kanae ar uni sãote okoe menakʼko onko hõko daṛeangea.


E sadomko, ape do ńir bhiṛạukʼpe. E rãt gạḍiko, ape do giṛgiṛạu baṛaepe. E birbanṭako, ḍhal akʼsenkan Kusren ar Puṭren hoṛko, ar Ludren dhinkiạko, ape do laha idikʼpe.


E dulạṛiạtiń, dela hijukʼme; jut so mosolate perecʼ buru coṭre selepʼ jel leka, juạn jhaṅkaṛ jel leka baṛe hoyokʼme.


Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.


Sikạriwakʼ ti khon jel hopon leka, laoṭa oḍaoicʼakʼ ti khon cẽṛẽ leka am do paskao oḍokokʼme.


Amasiạ do Jihudạren sanam hoṛkoe hoho jarwaketʼkote bõsko lekate goṭa Jihudạ ar Benjạminren hoṛko mod khon hajarko cetanren subedarko ar saeko cetanren lạṛhại phạdkoren subedarko do gobolreye dohokatʼkoa. Uni do bargel bochor se arhõ bạ̃ṛti umerren hoṛko lekha kateye ńelketʼkoa, pe lakh hoṛ do lạṛhạite oḍok calakʼ leka menakʼkoa ar onko do borlom ar ḍhalko beohar daṛeakʼa.


Ona chaḍa Benjạmin gusṭiren eṭakʼ hoṛko ar Jihudạren thoṛa hoṛko do Dạudakʼ gaṛ lekan jaegare uni ṭhenko hecʼlena.


Kabsilren Jehoyada hopon Bonae hõ mitʼṭen birbanṭa hoṛe tahẽkana. Uni hõ maraṅ maraṅakʼkoe kạmileda. Uni do Moab Ariyelren barea hopone gocʼletʼkinạ. Ar him ńurokʼ hilokʼ uni do mitʼṭecʼ danderte bolokate mitʼṭen dhạcri kule gocʼledea.


Un jokhecʼ Dạud do hahaṅkar reakʼ gaṛ lekan mitʼṭecʼ jaegareye tahẽkana ar Philisṭiren lạṛhại phạdko do Bethlehemreko tahẽkana.


Jiwetʼ tahenre Sạul ar Jonathan do dulạṛiạ ar bhage hoṛkin tahẽkana; unkin do gujukʼre hõ bạkin begarlena. Unkinakʼ tạpis do pajhaṛ cẽṛẽ khon hõ tạpisge, ar daṛe do dhạcri kul khon hõ bạ̃ṛtige tahẽkana.


Ar Dạud do Sạul ṭhen onageye kiriạyena. Ona tayom Sạul do oṛakʼteye ruạṛ calaoena, ar Dạud do acʼren hoṛkoante gaṛko metakʼkan ona buruteye rakapʼ calaoena.


Dạud do onḍe khone uṭhạuente En gedi reakʼ buru gaṛkore senkateye tahẽyena.


Dạud do hahaṅkar reakʼ buru gaṛkore ar Siph hahaṅkar reakʼ buru ṭoṭhareye tahẽyena. Ar Sạul do dinke din Dạude sendra baṛakedea menkhan Isor do uniyakʼ tire Dạud bae soprotledea.


Gadoriạ Jirohamren hopon Joyela ar Sabdiạ.


Hudạ secʼ lekate onko doko tahẽkana: Pạhilicʼ do Esor, dosaricʼ do Obidiạ, tesaricʼ do Eliab,


Swiv nou:

Piblisite


Piblisite