1 Bõsbudạ 12:40 - সান্তালী বাইবেল

⁴⁰ Ona chaḍa Isakar, Sebulon ar Napthali ṭoṭha khon hõ hoṛko do ũṭko, gadhako, khaccarko ar ḍaṅgrako cetanre decʼkate onko lạgitʼ jomakʼko ạguleda. Israel disạmren hoṛkoakʼ monre rạskạ tahẽkante onko do ḍher holoṅ, loa ar kismis, darkha rasa, sunum ar ḍaṅgrako, meromko ar bheḍako anteko hecʼlena.

1 Bõsbudạ 12:40 Referans Kwoze

1 Samuel 25:18

Abigael do noa katha ańjomkate ar bae bilomleda. Uni do bar sae piṭhạ, bar kum darkha rasa, isin tearakʼ mõṛẽ goṭen bhiḍi reakʼ jel, mõṛẽ bosta atawakʼ anaj, mitʼsae thopa kismis ar bar sae thopa loa hataokate gadhakoreye ladekeda.

2 Samuel 16:1

Dạud do buru muthni khon thoṛae laha idiyen khan Mephibosetren guti Siba sãoteye ńapamena. Uni soṅgete do barea gadhakin tahẽkana ar unkinre do bojha lade tahẽkana. Ona bojhakinre do barsae piṭhạ, mitʼsae thoka kismis, mitʼsae thoka loa reakʼ piṭhạ ar harta reakʼ thulire mitʼ thuli darkha rasa tahẽkana.

Kạhtukko 29:2

Dhoromkoko saṅgelen khan hoṛkoko rạskạkʼa, menkhan bedhoromko cakʼlaokoko hoylen khan hoṛko doko kũhrạukʼa.

Kạhtukko 11:10

Isor botoraekoakʼ bhạlại hoylen khan nagraha rạskạkʼa, ar bedhoromkoko ḍahao maraolenre hoṛko do rạskạteko andoṛa.

2 Rapajko 11:20

Onate disạmren sanam hoṛko rạskạyena ar nagraha do suluk ruạṛena. Ar Athaliạ do raj oṛakʼreye gocʼ ocoyena.

1 Rapajko 1:40

Ona tayom hoṛko do tiriyạ oroṅ oroṅte ar ạḍi rạskạ salakʼ Solomon tayom tayomteko ruạṛ hecʼena. Onko do nunạkʼko rạskạyena, onkoakʼ andoṛte ot hõ dal dalaoena.

1 Bõsbudạ 12:39

Noko hoṛko do pe din Dạud sãote tahẽkateko jom ńũkeda. Ar onḍenko hoṛ hõ onko lạgitʼ jom ńũiyakʼko bebostakeda.

1 Bõsbudạ 13:1

Dạud do acʼren mitʼke mitʼ mukhiyạko, metakʼme hajar lạṛhại phạdkoren subedar ar sae sae lạṛhại phạdkoren subedarko sãoteye sopolhawana.

Hosea 3:1

Probhu Isor do ińe metadińạ, “Amren bạhu do eṭakʼ hoṛ sãoteye loṭghuṭi akatʼre hõ enhõ senkate arhõ dulạṛem. Israelko do debotako secʼko ạcur akanre hõ ar pujạ reakʼ kismis piṭhạko kusiyakʼkanre hõ enhõ Probhu Isor cetʼlekae dulạṛetʼko, ṭhik onkage am hõ amren bạhum dulạṛea.”

1 Bõsbudạ 29:22

Enhilokʼ onko do Probhu Isor samaṅre rạskạ salakʼko jom ńũkeda. Onko do Dạudren hopon Solomon do dosar raj menteko aṅgockedea ar Sadok do naeke menkate Probhu Isor ńutumteko ojokʼ bahalkedea.