1 Bõsbudạ 12:23 - সান্তালী বাইবেল

²³ Probhu Isorakʼ katha leka lạṛhạikate Sạulakʼ rajosṭi Dạudakʼ tire jimại lạgitʼ okoe do khanḍa bhanḍawante Hebronre Dạud ṭhenko hecʼlen onkoakʼ lekha do nonka tahẽkana:

1 Bõsbudạ 12:23 Referans Kwoze

1 Bõsbudạ 11:10

Probhu Isorakʼ gokʼakʼ lekate Dạud jemon goṭa disạm cetanre acʼakʼ ạidạriye teṅgo daṛeakʼ ona lạgitʼ daṛean hoṛko modre okoe mukhiyạko tahẽkan onko do sanam Israelko soṅgekate uni secʼko hoyente uniyakʼ raj daṛeko keṭecʼketʼtaea. Onko daṛean hoṛkoakʼ katha do noa kana: Jasbiam ńutuman Hokmoniạkoren mitʼṭen hoṛe tahẽkan uni do “Pe gel” ńutuman bir banṭaren mukhiyại tahẽkana. Uni do mitʼ dhao borlomte pe sae hoṛe sobokʼ gocʼletʼkoa.

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

1 Samuel 16:3

Ar ona samaṅokʼakʼem samaṅ jokhecʼ Jisạiyem neotaea. Ona tayom cetʼ cekae hoyokʼtama onań lạiyama. Ar okoeyakʼ kathań lạiyam unige iń ńutumtem ojokʼ bahalea.”

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

2 Samuel 3:18

Ńitokʼ do ma onage onkaepe. Probhu Isor do Dạud reaṅe kiriạ akana, uni do acʼren guti Dạud hotete Philisṭikoakʼ tite khon ar onkoren eṭakʼ sanam bạiriko khon uniren hoṛ Israelkoe bańcaokoa.”

1 Bõsbudạ 12:24

Lạṛhại lạgitʼ sajao sapṛao akan ḍhal ar borlomko calao daṛeakʼ Jihudạ gusṭiren turui hajar irạl sae hoṛko.

Genesis 32:3

Jakob do acʼ lahate Seyirte, metakʼme Edom disạmte acʼren boeha Esau ṭhen thoṛa hoṛe kolketʼkoa.