1 Bõsbudạ 12:21 - সান্তালী বাইবেল

²¹ Eṭakʼ hạhạn bạiriko upạrte noko do Dạudko goṛowade tahẽkana. Noko sanamkoge maraṅ daṛean birko tahẽkana ar Dạudren lạṛhại phạdkoren subedarko tahẽkana.

1 Bõsbudạ 12:21 Referans Kwoze

1 Bõsbudạ 12:20

Dạud do Siglogteye ruạṛ calakʼ jokhecʼ Manase gusṭiren okoeko hoṛ do akoakʼ dol bạgikate uni ṭhenko senlen onko doko hoyokʼkana, Adon, Josabad, Jidiyel. Mikhayel, Josabad, Elihu ar Silthoy. Noko do Manase gusṭiren mimitʼ hajar lạṛhại phạdkoren subedarko tahẽkana.

1 Bõsbudạ 11:10

Probhu Isorakʼ gokʼakʼ lekate Dạud jemon goṭa disạm cetanre acʼakʼ ạidạriye teṅgo daṛeakʼ ona lạgitʼ daṛean hoṛko modre okoe mukhiyạko tahẽkan onko do sanam Israelko soṅgekate uni secʼko hoyente uniyakʼ raj daṛeko keṭecʼketʼtaea. Onko daṛean hoṛkoakʼ katha do noa kana: Jasbiam ńutuman Hokmoniạkoren mitʼṭen hoṛe tahẽkan uni do “Pe gel” ńutuman bir banṭaren mukhiyại tahẽkana. Uni do mitʼ dhao borlomte pe sae hoṛe sobokʼ gocʼletʼkoa.

1 Bõsbudạ 5:24

Onkoakʼ bõsren mathakoakʼ ńutum do nonka leka tahẽkana Ephor, Jisi Eliyel, Asriyel, Jirimiạ, Hodbiạ ar Johodiyel. Noko birbanṭa hoṛ do ạḍi namḍak hoṛko tahẽkana.