1 Bõsbudạ 12:20 - সান্তালী বাইবেল

²⁰ Dạud do Siglogteye ruạṛ calakʼ jokhecʼ Manase gusṭiren okoeko hoṛ do akoakʼ dol bạgikate uni ṭhenko senlen onko doko hoyokʼkana, Adon, Josabad, Jidiyel. Mikhayel, Josabad, Elihu ar Silthoy. Noko do Manase gusṭiren mimitʼ hajar lạṛhại phạdkoren subedarko tahẽkana.

1 Bõsbudạ 12:20 Referans Kwoze

1 Samuel 29:11

Onate Dạud ar uniren hoṛko do Philisṭikoakʼ disạmte ruạṛ calakʼ lạgitʼ setakʼreko beretʼena, ar Philisṭiko do Jisreyelteko rakapʼ calaoena.

Dosar Biboron 33:17

Uniren pạhil janam adar doe ṭhonokana, uniyakʼ bohokʼre kạpil gại reakʼ dereńge menakʼa. Onate uni do prithimiren sanam jạtrenkoe hoṭakʼ pạsirkoa, ar ses simạnare menakʼko jạtrenko hõ. Ephrayimren do lakh lakh ar Manaseren do hajar hajar hoṛko hoyokʼa.”

Dosar Biboron 1:15

Ona iạte aperen gusṭiko khon ạkilanko, bujhạntar hoṛko, namḍak hoṛko hataokate ape cetanre, hajarko cetanre, saeko cetanre, mõṛẽgelko cetanre, gelko cetanre mathako ar judạ judạ kạmiyạkoń bahalketʼkoa.

Exodus 18:21

Ona tayom sanam hoṛko tala khon nonkan lekman hoṛ ben bachaokoa okoe do Isorko batorae ar sạriyakʼreko tahenkan ar behokakʼko hirkhạwakʼ kan. Onkoge aben do mukhiyạ lekate ben bahalkoa, adom do hajarko cetanre, adom do saeko cetanre, adomko do mõṛẽgelko cetanre ar adomko do gelko cetanre.

1 Samuel 29:3

Onko ńelte Philisṭikoren subedar doko kuliyana, “Noko Israelko do nonḍe cedakʼ menakʼkoa?” Akise menkeda, “Nui do Israelren raj Sạulren golam Dạud kanae. Nui do ḍher din ar bochor khon iń ṭhen menaea. Uni do Sạule bhiṅgṛạu akade tayom khon teheń hạbicʼ unire jãhãn dosge bạń ńam akada.”

1 Bõsbudạ 12:19

Dạud do tinre Philisṭiko sãote Sạul upạrte lạṛhại lạgitʼe calakʼkan tahẽkana unre Manase gusṭiren thoṛa hoṛ do akoakʼ dol bạgikate Dạud ṭhenko senlena. Mekhan Dạud ar uniren hoṛko do Philisṭirenko bako goṛowatʼkoa, ente Philisṭiren cakʼlaoko do ako talare galmarao tayom Dạudko bidạkedea. Onkoko menkeda, “Uni do ale bạgikate acʼren kisạ̃ṛ Sạul sãoteye mitʼlen khan ale do bohokʼ ńurokʼ talea.”

1 Bõsbudạ 12:21

Eṭakʼ hạhạn bạiriko upạrte noko do Dạudko goṛowade tahẽkana. Noko sanamkoge maraṅ daṛean birko tahẽkana ar Dạudren lạṛhại phạdkoren subedarko tahẽkana.

1 Samuel 29:4

Niạ katha ańjomkate Philisṭi subedarko do Akis cetanre raṅgaoenteko menkeda, “Nui hoṛ do ruạṛkaeme. Okare jaegam emakawade onḍegeye ruạṛ calakʼma. Abo sãote lạṛhại do bae sen daṛeakʼa. Uni do lạṛhại senkate abo upạrteye teṅgokʼa. Uniren mạlike kusi ocoye khan aboren hoṛkoakʼ bohokʼtegeye kusi ocoyea.