1 Bõsbudạ 12:2 - সান্তালী বাইবেল

² Noko do akʼsar sasapʼkoko tahẽkana ar onko do leṅga ti ar jojomtite hõ bạṭulko tuń daṛeakʼkan tahẽkana. Onko do Benjạmin gusṭiren Sạul bõsren hoṛko tahẽkana. Onko modre nokoko hoṛko tahẽkana:

1 Bõsbudạ 12:2 Referans Kwoze

Bikʼcạrko 20:16

Sanam lạṛhại phạdko modre eae sae leṅgṛa hoṛko tahẽkana okoe do gạkhuṛ salakʼ ginḍwạri hotete dhiriko capatʼ daṛeakʼkan tahẽkana.

Bikʼcạrko 3:15

Inạ tayom Israelko do arhõ Probhu Isor ṭhenko rakʼkeda ar uni do onko lạgitʼ Ehud ńutuman mitʼṭen babańcaoicʼe teṅgowatʼkoa. Uni doe tahẽkana Benjạmin gusṭiren Gera hopon. Uni do leṅgṛageye tahẽkana. Ar Israelko do Moabren raj Eglon ṭhen raj bheja emokʼ lạgitʼko kolkedea.

1 Bõsbudạ 12:29

Sạulakʼ nij gusṭiren, metakʼme Benjamin gusṭiren pe hajar hoṛ. Menkhan niạ gusṭiren ḍher hoṛge unhõ Sạul gharońjrenko secʼko tahẽkana.

1 Samuel 17:49

ar acʼakʼ jhola khon mitʼṭecʼ dhiriye hataoketʼte ginḍwạrireye dohokeda ar ghiriạ ghiriạte uni Philisṭi hoṛ do cạndireye capatʼkedea ar ona do uniyakʼ cạndire gạḍiạuena. Ar dhiriteye josen são sãote uni Philisṭi hoṛ do taberte otreye bhindạṛena.

1 Bõsbudạ 12:3

Gibitiạ Somaeren hopon Ahiyesor ar Joas nukin do mukhiyạ hoṛkin tahẽkana; Asmobothren hopon Jesiyel ar Pelot, Borakha, Anathotiạ Jehu:

Sereńko 78:9

Ephrayim hoponko do dhinkiạko tahẽkanre hõ lạṛhại hilokʼ doko pạc ruạṛlena.

1 Bõsbudạ 8:40

Ulomer hoponko do lạṛhại birko tahẽkana. Noko do akʼsarko beoharetʼ tahẽkana. Onkoren do ạḍi utạr hopon ar goṛomtetʼ hoponkoko tahẽkana. Onkoakʼ lekha do mitʼsae mõṛẽgel hoṛko tahẽkana.