1 Bõsbudạ 12:18 - সান্তালী বাইবেল

¹⁸ Okoe do tayomte “Pegel” dolkoren mukhiyại hoylen uni Amasae cetanre Probhu Isorren Jiu doe hecʼena. Ar unre uni doe menkeda, “E Dạud, ale do amren kangeale! E Jisạiren hopon, Ale do am secʼrege menakʼlea. Bhạlại hoyokʼtam ma, amakʼ bhạlạige baṛe hoyokʼma, onkoakʼ bhạlại hõ hoyokʼtakoma, okoe do amko goṛowam kan, ente amren Isor do ame goṛowam kana.” Unre Dạud do onkoe ataṅketʼkote acʼren bạiriko cetanren mukhiyạkoe benaoketʼkoa.”

1 Bõsbudạ 12:18 Referans Kwoze

Bikʼcạrko 6:34

Unre Probhu Isorren Jiu do Gideone daṛe ocokedea. Ar Gideon do sakwae oroṅkeda ar Abieser gusṭirenko acʼ ṭhen hecʼkateko jarwayena.

Bikʼcạrko 3:10

Probhu Isorren Jiu do uni cetanreye hecʼena ar uni do Israelkoren raje hoyena. Uni do tinre lạṛhại lạgitʼe oḍok senena unre Probhu Isor Aramren raj Kusan-Risithayim do uniyakʼ tireye jimạkedea, ar onate uni doe bhagaokedea.

2 Samuel 17:25

Absalom do acʼren lạṛhại phạdko cetanre Joab bodolte Amasae bahalkedea. Amasae do Ithra ńutuman mitʼṭen Israelren hopone tahẽkana. Ithra do Nahasren hoponera Abigaele baplaledea. Abigael do Joabren eṅgattetʼ Seruyaren miserate tahẽkana.

Rut reakʼ kạhini 1:16

Menkhan Rute menkeda, “Ńelben, aben bạgikate calakʼ lạgitʼ do alo ben jormoṭ lińạ, se aben sãote senokʼ lạgitʼ hõ alo ben baron lińạ. Aben okate ben calakʼa ạliń hõ onḍege liń calakʼa ar okare ben tahena ạliń hõ onḍege liń tahena. Abenren hoṛge ạlińren hoṛko hoyokʼa ar abenren Isorge ạlińren Isore hoyokʼa.

Galathiko lạgitʼ Pạul Apostolakʼ ciṭhi 6:16

Okoe hoṛ noa ạn lekateko calakʼkan onkore, metakʼme Isorren sạri Israelko uni do suluk ar mãyãe dan akoma.

Mathae 12:30

“Okoe iń secʼrene baṅkan hoṛ do iń upạrten kanae. Okoe iń sãote bae samṭao uni doe chiṭiạua.

Jesaea 59:17

Uni do koṛam aḍtae lạgitʼ dhoromgeye horokʼana ar bohokʼre do babańcaoge. Uni do hala hạli reakʼ kicricʼe horokʼkeda ar edre do kicricʼ leka hoṛmoreye oyowana.

1 Bõsbudạ 2:17

Abigol do Amasaren eṅgattetʼe tahẽkana, ar Ismaelren Jethor do Amasaren apate tahẽkana.

2 Rapajko 10:5

Onate raj oṛakʼren sordar, nagraharen murubbiko ar Ahab bõsren rurukhiyạko do niạ katha Jihuko roṛ gotʼadea, “Ale do amren golam kanale. Am cetʼem metale onagele onkaea. Ale do okoege bale rajkoa; am okaṭakʼ bhagem hudisetʼkan onage onkaeme.”

2 Rapajko 9:32

Jihu do jalna secʼ beṅgetʼ rakapʼkateye menkeda, “Iń secʼ okoe menakʼpea? Okoe menakʼpea?” Unre adom mạ̃yạ̃ṛiko do uniko oyoṅkedea.

1 Rapajko 9:22

Menkhan uni do Israelko modren okoe hõ golam do bae benaoletʼkoa; onko do acʼren lạṛhại birko, acʼren kạmiyạko, acʼ latarren subedarko, mukhiyạko, rãt gạḍi cakʼlaoko ar aswarikoko tahẽkantaea.

Sakariạ 8:23

Ona jokhecʼ aema pạrsi ar jạtkoren gel goṭen hoṛ do mitʼṭen Jihudi hoṛakʼ kicricʼ ańcar sapʼkateko mena, ‘ale hõ ape sãotele calakʼa, ente alele ańjom akada, Isor do ape sãorege menaea.’ Iń phạdkoren Probhu Isorge noa katha doń meneda.”

2 Samuel 19:13

Ape do Amasa iń reakʼ niạ kathape metaea, ‘am do cetʼ ińakʼ jel ar jaṅ dom baṅ kana? Isorre kiriạkateń metam kana, ńit khon am do Joab bodolte ińren lạṛhại phạdkoren subedarem hoyokʼa.’ ”

2 Samuel 15:21

Menkhan Itaiye do raje roṛ ruạṛadea, “Jiwetʼ Probhu Isor ńutumte kiriạkateń meneda ar ińren mạlik ńutumte kiriạkateń meneda, baṅ doń gujukʼ baṅ doń jiwedokʼ, ińren mạlik maharaj jãhãregeye tahen iń amren guti hõ onḍegeń tahena.”

2 Samuel 5:2

Sạul do aleren raje tahẽkanre Israelkoren lạṛhại phạdko do amgem ạyuretʼko tahẽkana; ar Probhu Isor do amgeye metatʼme tahẽkana acʼren hoṛko, metatʼme Israelko ńel todarotkom ar onkoren mukhiyạ hoyokʼme.”

1 Samuel 22:7

Uni do onkoe metatʼkoa, “Benjamin gusṭiren hoṛko ańjompe, Jisạiren hopon do cetʼ jaega-jumi ar darkha bagwankoe emakatʼpea? Uni do cetʼ hajarko cetanre ar sae saeko cetanre subedare bahalpea?

1 Samuel 8:12

Uni do acʼ lạgitʼ adom do hajarko cetanre, adomko do mõṛẽgelko cetanre senaputiye dohokoa. Ar eṭakʼko do acʼakʼ jumi cas ar phosol samṭao kạmire ar lạṛhại reakʼ khanḍa bhanḍa ar rãt gạḍiko reakʼ soroṅjamko benao lạgitʼe lagaokoa.

Bikʼcạrko 13:25

Samson do tinre Sora ar Estaol tala reakʼ Mahan-dan ńutumanakʼ mitʼṭecʼ jaegareye tahẽkana unre Probhu Isorren Jiu do uniye uskurkedea.

1 Samuel 16:4

Sạmuel do Probhu Isorakʼ katha lekageye kạmikeda. Ar tinre Bethlehemteye seṭerena unre atoren murubbiko do botorte thar tharaokʼ tulucʼ uni sãote ńapamokʼko oḍok hecʼena. Onko doko kulikedea, “Am do cetʼ suluk montegem hecʼakana?”

1 Bõsbudạ 12:17

Ar Dạud do onko sãote ńapamokʼ lạgitʼ oḍok hecʼenteye menkeda, “jodi sulukokʼ lạgitʼ iń goṛowạń lạgitʼpe hecʼakan khan enḍekhan ape sãote midokʼ iń khaṛagea, menkhan jãhãn behokakʼ bạń kạmi akatʼre hõ jodi calaki kate bạirikoakʼ tire jimạyiń lạgitʼ nonḍepe hecʼakan enḍekhan aperen hapṛamkoren Isor do onae ńelma ar apeye bicạrpema.”

1 Samuel 16:5

Sạmuele roṛ ruạṛkeda, “Hẽ, iń do suluk montegeń hecʼakana. Iń do Probhu Isor ńutumte janwar samaṅokʼakʼ lạgitʼgeń hecʼakana. Ape do sonotokʼpe iń sãote niạ samaṅokʼakʼre seledokʼpe.” Niạ menkate uni do Jisại ar uniren hoponkoe sonot ocoketʼkoa ar ona samaṅokʼakʼre seledokʼ lạgitʼe neotaketʼkoa.

1 Samuel 24:12

Probhu Isorge aben ar ạliń reakʼ baṛeye bicạrma ar ạliń upạrte okaben behok akatʼ ona reakʼ kuṛạiye emaben ma; enhõ aben upạrte ti do bạliń rakab tạlińa.

1 Samuel 24:13

Sedaeren hoṛkoakʼ kạhtuk menakʼa, ‘bedhorom khonge bedhorom do oḍok hijukʼa,’ ona iạte ạliń do aben upạrte ti bạliń rakab tạlińa.

1 Samuel 24:16

Dạud do kathae mucạtʼketʼ khan Sạule menkeda, “E jãwãe, noa do cetʼ katha ben meneda?” Ar noa menkate Sạul do ãṭ aṛaṅte rarakʼe ehopʼena.

2 Rapajko 10:15

Ar Jihu do onḍe khone calaoen khan Rekabren hopon Jehonadab sãoteye ńapamena. Uni do Jihu sãote ńapamokʼ lạgitʼgeye hecʼlena. Jihu do uni joharadeteye metadea, “Cetʼ leka am secʼ minạń onkage cetʼ amhõ iń secʼ menama?” Jehonadabe roṛ ruạrkeda, “Hẽ, minạńgea.” Jihui menkeda, “Onka khan ti baṛe tiạrtam.” Jehonadab tiye tiạrketʼtae khan Jihu do acʼakʼ rãt gạḍireye rakapʼkedea.