1 Bõsbudạ 11:9 - সান্তালী বাইবেল

⁹ Dạud do din din arhõe daṛe idiyena, ente phạdkoren Probhu Isor do uni sãoteye tahẽkana.

1 Bõsbudạ 11:9 Referans Kwoze

2 Samuel 3:1

Sạul ar Dạudren lạṛhại phạdko talare ḍher din hạbicʼ lạṛhại calaoena. Dạud doe daṛe idiyena ar Sạulren lạṛhại phạdko doko nijor idiyena.

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Ester 9:4

Mordekai do raj doṅgolre maraṅicʼe hoyena; uniyakʼ ńutum do sanam tabe disạmkore pasnao idiyena ar dinke dine daṛe idiyena.

1 Bõsbudạ 9:20

Ona jokhecʼ Eliaserren hopon Pinehas cetanre do rurukhiyạko ńel todarotko reakʼ bhar tahẽkana ar Probhu Isor hõ uni sãoteye tahẽkana.

2 Samuel 5:10

Uni do dinke dine daṛe idiyena, ente sanam daṛean Probhu Isor do uni sãoteye tahẽkana.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Sereńko 46:7

Sanam daṛeanicʼ Isor do abo soṅgere menaea; Jakobren Isorge aboren gaṛ do. (Sela)

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

1 Bõsbudạ 11:8

Uni do Millo ṭhen nagrahae benao rakapʼkeda ar Joab nagraha reakʼ sarecʼakʼ hĩskoe jut arokeda.