1 Bõsbudạ 11:8 - সান্তালী বাইবেল

⁸ Uni do Millo ṭhen nagrahae benao rakapʼkeda ar Joab nagraha reakʼ sarecʼakʼ hĩskoe jut arokeda.

1 Bõsbudạ 11:8 Referans Kwoze

Nehemiạ 4:2

Uni do acʼ sãoten hoṛko ar Samariạren lạṛhại phạdko samaṅreye menkeda, “Noko nijor Jihudiko do cetʼko cekayeda? Noko do cetʼ arhõ benao ruạṛ lạgitʼko muruk akada? Isorakʼ goṛo ńam lạgitʼ cetʼ janwarkoko samaṅkoa? Onko do cetʼ mitʼ dintegeko sạta? Jobra ḍạṅ khon cetʼ jiwetʼ dhiriko oḍok ocoya? Onako ma rapakʼ roṅgo akan coṅ!”

2 Rapajko 12:20

Uniren gutikin do uni upạrte soṛojontrokate Silla calakʼ horre Bet-milore unikin gocʼkedea.

1 Rapajko 11:27

Raj upạrte Jerobiamakʼ hul reakʼ do mitʼṭecʼ karon tahẽkana. Solomon do Milo nagraha tinreye benaoetʼ tahẽkana ar acʼren apat Dạudakʼ nagraha reakʼ pạcrikoe jut aro ocoyetʼ tahẽkana.

1 Rapajko 9:15

Solomon raj do Probhu Isorakʼ oṛakʼ, acʼakʼ raj dolan, Milo, Jerusalem reakʼ pạcri, Hasor, Megido ar Geser benao lạgitʼ ạḍi utạr hoṛko kạmireye jormoṭketʼkoa.

Bikʼcạrko 9:20

Menkhan bape onka akatʼ khan Abimelek bhitri khon seṅgel oḍokʼ hijukʼte apeko, metakʼme Sikemren ar Bet-Miloren hoṛkoe atarpea; metakʼme Sikemren ar Bet-Miloren hoṛko khon hõ seṅgel oḍok hijukʼte Abimeleke lo torojea.”

Bikʼcạrko 9:6

Ona tayom Sikem ar Bet-Miloren sanam hoṛko mitʼente Sikem reakʼ khunṭi ṭhen Elon dare aṛere senkate Abimelekko rajkedea.

1 Bõsbudạ 11:7

Inạ tayom Dạud do ona gaṛre girobasokʼe ehopʼena; onate ona nagraha do Dạud nagrahako metatʼa.

1 Bõsbudạ 11:9

Dạud do din din arhõe daṛe idiyena, ente phạdkoren Probhu Isor do uni sãoteye tahẽkana.