1 Bõsbudạ 11:5 - সান্তালী বাইবেল

⁵ Onko do Dạudko metadea, “Am do nonḍe ohom bolo daṛelena.” Enhõ Dạud do Sion reakʼ gaṛkoe ạidạri joṅana. Ar onage ńitokʼ do Dạud nagrahako metakʼkana.

1 Bõsbudạ 11:5 Referans Kwoze

Johan sodor 14:1

Ona tayom iń ńelkeda, Bheḍa Hopon do Sion buru coṭreye teṅgo akana. Uni soṅgere mitʼ sae pongel pon hajar hoṛ menakʼkoa. Onkoakʼ cạndire do Bheḍa Hoponakʼ ar uniren Babawakʼ ńutum ol menakʼa.

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Romiko lạgitʼ Pạul Apostolakʼ ciṭhi 9:33

Noa reaṅ sonot sostorre olakana, Ńelpe, Sionre tohotʼakʼ dhiri ar tạkicʼakʼ cạṭạniń dohoyeda, unire pạtiạuicʼ do baṅgeye lajao ocokʼa.

Sereńko 132:13

Probhu Isor do Sione bachao akawana; uni do tahen lạgitʼ noageye khojleda.

Sereńko 122:5

Bicạr reakʼ siṅghạson do onḍege menakʼa, Dạud gharońjren hoṛkoakʼ siṅghạsonge.

Sereńko 87:5

Ar Sion reakʼ do lạiyogokʼa, “Eṭakʼ eṭakʼ jạtren hoṛko do onareko janam akana; maraṅ Isor acʼtetʼge Sion doe tul rakaba.”

Sereńko 87:2

Jakob bõsren eṭakʼ sanam tahen ṭhạ̃i khon uni do Sion reakʼ phaṭok duạrkogeye kusiyada.

Sereńko 78:68

Menkhan Jihudi bõsrenkoakʼ ṭhạ̃igeye bachaoana one okaṭakʼ Sion buru uni doe dulạṛetʼ tahẽkan.

Sereńko 48:2

Isorakʼ tahen jaega do ona Sion burure, ar coṭre benaoakʼ maraṅ rajakʼ nagraha do ńelokʼte ạḍi mońjgea; ona do goṭa dhạrtiye rạskạ ocoyeda.

Sereńko 9:11

Probhu Isor do Sionre menaea; ape do unige õṛhẽ sereńaepe. Ar uni okae kạmiakatʼ ona do eṭakʼ jạtrenko ṭhen lại sodorpe;

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

2 Bõsbudạ 5:2

Inạ tayom Solomon raj do Dạud nagraha, metakʼme Sion khon Probhu Isorakʼ bondobos sinduk ạgui lạgitʼ Israelren murubbiko, gusṭiren mathako ar Israelren mukhiyạko Jerusalemre acʼ ṭhene jarwaketʼkoa.

1 Bõsbudạ 11:7

Inạ tayom Dạud do ona gaṛre girobasokʼe ehopʼena; onate ona nagraha do Dạud nagrahako metatʼa.

1 Rapajko 8:1

Inạ tayom Solomon raj do Dạud nagraha, metakʼme Sion khon Probhu Isorakʼ bondobos sinduk ạgui lạgitʼ Israelren murubbiko, gusṭiren mathako ar Israelren mukhiyạko Jerusalemre acʼ ṭhene jarwaketʼkoa.

2 Samuel 6:12

Dạud raj doe ańjom ńamkeda je Isorakʼ sinduk Obed-Idomakʼ oṛakʼre tahẽkan iạte Probhu do uniyakʼ oṛakʼren sanamko ar uniyakʼ sanamakʼkoe bhorada.

2 Samuel 6:10

Unre Dạud do Probhu Isorakʼ sinduk acʼakʼ nagrahate ạgu bae rebenlena. Uni do ona Gatren Obed-Idomakʼ oṛakʼreye doho oṭokada.

2 Samuel 5:9

Inạ tayom Dạud do ona gaṛre girobasokʼe ehopʼena ar ona reakʼ ńutum do Dạud nagrahae dohokeda. Millo khon ehopʼkate ona gaṛ reakʼ beṛhaete uni do nagrahae benaokeda.

1 Samuel 17:36

Dhạcri kul ar banako do amren golamakʼ tite cetʼlekako gocʼ ocoakan, onkage nui bin khatna akan Philisṭi hoṛakʼ dosa hõ hoyokʼtaea, ente uni do jiwetʼ Isorren lạṛhại phạdkoe henosta akatʼkoa.”

1 Samuel 17:26

Okoeko hoṛ sorreko teṅgo akan tahẽkan Dạud do onkoe kuliketʼkoa, “Uni Philisṭi gocʼkate Israelko cetan khon niạ henostae ocokʼ lekhan uni do cetʼ cekawaea? Ar nui bin khanta akan Philisṭi doe cele kante jiwetʼ Isorren lạṛhại phạdkoe henostawako kana?”

Bikʼcạrko 19:10

Menkhan uni hoṛ do onḍe tahẽ aṅgakʼ bae kusilena. Onate uni do gadhae palanketʼkinte acʼren chuṭki erawante onḍe khon ruạṛokʼe ehopʼena. Onko do tinre Jebusi, metakʼme Jerusalem sorko seṭerena unre bela doe hạsurokʼkan tahẽkana. Unre guti do acʼren kisạ̃ṛe metadea, “Dela bon, Jebusikoakʼ nagrahare senkate bon tahẽ aṅgakʼa.”

1 Bõsbudạ 11:4

Tayomte Dạud ar sanam Israelko do Jerusalemre, metakʼme Jebusiteko calaoena. Ar onḍe do Jebusirenko girobasokʼ kan tahẽkana.

1 Bõsbudạ 11:6

Dạude menleda, “Okoeṭakʼ hoṛ pạhilte Jebusiko cetanre jhãpe em unige maraṅ subedar doe hoyokʼa” Onate Seruạre hopon Joab do onko cetanre jhãp em lạgitʼe calaoena, ar onate uni do maraṅ subedarko hoyocokedea.