1 Bõsbudạ 11:3 - সান্তালী বাইবেল

³ Unre Israel disạmren sanam murubbiko do Hebronre Dạud ṭhenko jarwayena. Unre Dạud do Probhu Isorge gohayicʼ dohokate onko sãote mitʼṭecʼ bondobose bandhaokeda, ar Samuel hotete roṛakʼ Probhu Isorakʼ katha lekate onko do Israel disạmren raj lekate Dạudko ojokʼ bahalkedea.

1 Bõsbudạ 11:3 Referans Kwoze

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

2 Samuel 5:3

Israel disạmren sanam murubbiko do Hebronren raj Dạud ṭhenko jarwayena. Unre raj do Probhu Isorge gohayicʼe dohokedete onko sãote mitʼṭecʼ bondobose bandhaokeda. Ar onko do Israel cetanre Dạudko rajkedea.

2 Samuel 2:4

Unre Jihudạren hoṛko do Hebronteko hecʼena ar Dạud do Jihudạ gusṭiren raj menteko ojokʼ bahalkedea. Hoṛko do Dạud niạ sombatko lạiyadea, Jabes-Gileadren hoṛge Sạul doko topa akadea.

1 Samuel 16:3

Ar ona samaṅokʼakʼem samaṅ jokhecʼ Jisạiyem neotaea. Ona tayom cetʼ cekae hoyokʼtama onań lạiyama. Ar okoeyakʼ kathań lạiyam unige iń ńutumtem ojokʼ bahalea.”

2 Rapajko 23:30

Josiạren lạṛhại phạdko do rãt gạḍire uniyakʼ mạ̃ṛĩko ladeketʼte Megido khon Jerusalemteko ạgukeda ar uniye ṭhik dohoakatʼ topareko baekadea. Tayomte disạmren hoṛko do uniren hopon Jehoahasko ojokʼ bahalkedete uniren apatakʼ jaegareko rajkedea.

2 Rapajko 11:17

Ona tayom Jehoyada do raj ar hoṛko talare noa bondobose bandhaokeda, onko do Probhu Isorren hoṛ lekako calakʼa. Ona chaḍa uni do raj ar hoṛko talare mitʼṭecʼ bondobose bandhaokeda.

1 Samuel 28:17

Iń hotete uni okaṭakʼe roṛletʼ onageye kạmi akada. Uni do amakʼ ti khon rajosṭiye hatao akada ar am pheḍren hoṛ Dạude emakawadea.

1 Samuel 23:18

Ar unkin bana hoṛ do Probhu Isor samaṅre mitʼṭecʼ bondobos kin dohokeda. Ar Jonathan do oṛakʼe ruạṛ calaoena menkhan Dạud do Horesregeye tahẽyena.

1 Samuel 15:28

Unre Sạmuel do uniye metadea, “Probhu Isor do teheń am ṭhen khon Israelkoakʼ rajosṭi hõ nonkageye recʼ hataokeda ar am khon hõ bhage amakʼ disạmren mitʼ hoṛe emadea.

1 Samuel 11:15

Onate hoṛko do Gilgolte senkate Probhu Isor samaṅre Sạul do raj hudạreko bahalkedea. Ar onḍe Probhu Isor ńutumte sulukren samaṅokʼakʼko samaṅkeda ar Sạul ar Israelrenko do ạḍiko rạskạyena.

Bikʼcạrko 11:11

Onate Jiptha do Gileadren murubbiko sãoteye senena ar hoṛko do akoren matha ar senaputiko hoe ocokedea. Uni do Mispare senkate Probhu Isor samaṅre onako kathae roṛkeda.

2 Samuel 5:5

Uni do Hebron khon Jihudạ disạm cetanre eae bochor tala ar Jerusalem khon goṭa Israel ar Jihudạ cetanre pegel bochore rajlena.

1 Bõsbudạ 11:10

Probhu Isorakʼ gokʼakʼ lekate Dạud jemon goṭa disạm cetanre acʼakʼ ạidạriye teṅgo daṛeakʼ ona lạgitʼ daṛean hoṛko modre okoe mukhiyạko tahẽkan onko do sanam Israelko soṅgekate uni secʼko hoyente uniyakʼ raj daṛeko keṭecʼketʼtaea. Onko daṛean hoṛkoakʼ katha do noa kana: Jasbiam ńutuman Hokmoniạkoren mitʼṭen hoṛe tahẽkan uni do “Pe gel” ńutuman bir banṭaren mukhiyại tahẽkana. Uni do mitʼ dhao borlomte pe sae hoṛe sobokʼ gocʼletʼkoa.