1 Bõsbudạ 11:19 - সান্তালী বাইবেল

¹⁹ Uni doe menkeda, “E Isor, noa dakʼ iń ńũiya ona do baṅa. Ente okoe do jiwi cuputʼkate ạguko senlen onko hoṛkoakʼ mãyãm do cetʼ iń ńũiya?” Onko do akoakʼ jiwi cuputʼkate ona dakʼko ạguletʼte Dạud do ona ńuńu bae rebenlena. Ar onko pene birbanṭa hoṛkoakʼ kạmige nonka tahẽkana.

1 Bõsbudạ 11:19 Referans Kwoze

Sereńko 72:14

Santao ar khed reakʼ ti khon onkoakʼ jiwiye rukhiyại takoa; uniyakʼ mẽtʼre onkoakʼ mãyãm reakʼ dam do ḍhergea.

2 Samuel 23:17

Uni doe menkeda, “E Probhu Isor, noa dakʼ iń ńũ ona do iń khon sahaṛ akae tahenma. Noa do cetʼ onko hoṛkoakʼ mãyãm do baṅkana okoe do jiwi cuputʼkate ạguko senlen?” Dạud do ona ńũńũ bae rebenlena. Onko pene birbanṭa hoṛkoakʼ kạmige nonka tahẽkana.

1 Korinthiko 15:30

Ar cedakʼ jao ghuṛi muhinre bon paṛaokʼkana?

Romiko lạgitʼ Pạul Apostolakʼ ciṭhi 16:4

Unkin do ińakʼ jiwi rukhiyạ khạtirte ạkinakʼ hoṭokʼkin alaeletʼa. Eken iń eskar do baṅ, menkhan sanam boṅgan hoṛ jạtrenkoakʼ joto manḍerrenko hõ unkinko gunmanao johar ạkin kana.

Johan 6:55

Ińakʼ jel do sạri jomakʼ kana ar ińakʼ mãyãm do sạri ńũiyakʼ kana.

Mark 14:24

Unre Jisui metatʼkoa, “Noa do ińakʼ mãyãm kana, one okaṭakʼ do ạḍi hoṛko lạgitʼ emogokʼkan. Manwako lạgitʼ Isorakʼ nãwã bondobos do ińakʼ mãyãm hotetege bahal tahena.

Jobakʼ 31:31

Ińakʼ gharońjren hoṛko do niạ kathageko roṛetʼ tahẽkana, ‘Job emakʼ jelte okoe hale lacʼ do bae bi akatʼtaea?’

1 Rapajko 21:3

Menkhan Nabate roṛ ruạṛkeda, “Ạpuń ar goṛomiń ṭhen khoniń ńamakatʼ sompotti amiń emam ona Probhu Isor do aloe hoyocoyma.”

1 Samuel 19:5

Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”

Bikʼcạrko 9:17

Iń baba do acʼakʼ jiwi alaekate ape lạgitʼe lạṛhạilena ar Midiạnrenkoakʼ ti khone rukhiyạketʼpea.

Bikʼcạrko 5:18

Lạṛhạire Sebulonren hoṛko do gujukʼ hạbicʼ jiwiko alaekeda; Napthaliren hoṛko hõ ṭạnḍi reakʼ usul jaegakore.

Levitikus 17:10

“Jãhãe Israel hoṛ se onko talareye girobasokʼkan eṭakʼ jãhãn jạtren hoṛge mãyãme jom enḍekhan uni doń dea giḍikaea ar acʼakʼ jạtrenko khoniń meṭao utạrea,

Genesis 9:4

menkhan jiwi sudhạ, metakʼme mãyãm sudhạ jel do alope joma.

1 Bõsbudạ 11:18

Niạ katha ańjomkate onko pene birbanṭa hoṛ do Philisṭiren lạṛhại phạdko talate senkate Bethlehem reakʼ phaṭok-duạr ṭhenakʼ kuń khon dakʼ lo rakapʼkate Dạud ṭhenko idikeda. Menkhan Dạud do ona bae ńũleda; ona bodolte ona dakʼ do Probhu Isor ńutumte otreye dulkeda.

1 Bõsbudạ 11:20

Joabren boeha Abisae do onko pene hoṛren subedare tahẽkana. Uni do borlomte pesae hoṛe gocʼletʼkoa ar uni hõ onko pene birbanṭako leka ńutume hạran tahẽkana.