1 Bõsbudạ 11:16 - সান্তালী বাইবেল

¹⁶ Un jokhecʼ Dạud do hahaṅkar reakʼ gaṛ lekan mitʼṭecʼ jaegareye tahẽkana ar Philisṭiren lạṛhại phạdko do Bethlehemreko tahẽkana.

1 Bõsbudạ 11:16 Referans Kwoze

1 Samuel 10:5

“Ona tayom am do Gibea-elohim nagrahatem calakʼa. Onḍe do Philisṭiren lạṛhại phạdkoakʼ mitʼṭecʼ ḍera menakʼa. Ar nagrahatem seṭerlen khan nonkan mitʼ dol nạbiko sãotem ńapamokʼa onko do Isorakʼ emakʼ katha roṛ roṛte sewae reakʼ cetan jaega khonko pheḍ hijukʼa. Ar onko dolren samaṅ secʼren hoṛko do binạ banam, peṛesaṅ, tiriạ ar tabla ru-ruteko calakʼa.

1 Samuel 13:23

Ar Philisṭiren lạṛhại phạdko do ḍera khon oḍokkate Mikmas reakʼ horre senkateko tahẽyena.

1 Samuel 13:4

Onate Israelren sanam hoṛko ańjomkeda, Sạul do Philisṭikoren lạṛhại phạdkoakʼ ḍerae akromon akada ar Philisṭiko do Israelkoko hirkhạwako kana. Unre Israelkoko hoho ocoyena jemon onko do Gilgolte senkate Sạul sãoteko midokʼ.

Sereńko 142:1

Iń do ãṭ aṛaṅte Probhu Isoriń rakʼae kana; ińakʼ ãṭ aṛaṅte Probhu Isor ṭheniń nehõrokʼ kana.

1 Samuel 23:25

Sạul ar uniren hoṛ do Dạud sendrayeko ehopʼena. Ar Dạud do ona khobor ańjomkate onḍe khon Maon hahaṅkar reakʼ huṭupʼ dhiri cạṭạnite senkateye tahẽyena. Ar Sạul do ona khobore ńamketʼ khan Dạude khudạukedea.

1 Samuel 22:1

Dạud do Gat khone dạṛketʼte Adulam ṭhenakʼ mitʼṭecʼ danderreye okoyena. Ona katha ańjomkate uniren dadattetʼtako ar uni apatakʼ bõsren hoṛ do uni ṭhenko calaoena.

2 Samuel 5:17

Philisṭiko do tinreko ańjomkeda, Dạud do Israelko cetanre raj hudạreye ojokʼ bahal akana unre onko do sanam lạṛhại phạdkoante uni hạne lạgitʼ sendra baṛayeko ehopʼena. Ar Dạud do ona kathae ańjomketʼ khan gaṛ ńutumanakʼ buruteye rakapʼ calaoena.

1 Bõsbudạ 11:17

Unre Dạud do ạḍi ãṭ tetaṅkedea, onate uni doe menkeda, “Jãhãege Bethlehem phaṭok-duạr ṭhenakʼ kuń khon thoṛa dakʼko ạguạń khan!”

1 Samuel 22:4

Ona tayom uni do acʼren eṅgat-apate ạguketʼkinte Moabren raj ṭhene doho oṭokatʼkinạ. Ar tinạkʼ din Dạud buru gaṛreye tahẽyen unạkʼ din unkin do Moab raj ṭhenkin tahẽyena.

1 Samuel 22:5

Ar Gad ńutuman mitʼṭen nạbi do Dạude metadea, “Buru gaṛre do ar alom tahena, am do Jihudạ disạmte calakʼme.” Unre Dạud do ona ṭhạ̃i bạgikate Heretʼ birteye boloyena.