1 Bõsbudạ 10:9 - সান্তালী বাইবেল

⁹ Onko do Sạulakʼ bohokʼko makʼ kuṭrạketʼte uniyakʼ sajbaj ar khanḍa bhanḍako hataoketʼtaea. Ar akoren sanam debotako ar hoṛko ṭhen lại pasnao lạgitʼ onko do Philisṭi disạm reakʼ sanam jaegate sombatko kolkeda.

1 Bõsbudạ 10:9 Referans Kwoze

Mathae 14:11

Ar thạrire uniyakʼ bohokʼ ạgukate kuṛiko emade khan uni do eṅgattetʼe caladea.

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

1 Bõsbudạ 10:4

Unre Sạul do acʼren khanḍa bhanḍa akʼsenicʼ hoṛe metadea, “Amakʼ tarwaṛe oḍokkate ińakʼ hoṛmo sobokʼ tabme. Ar baṅkhan onko bin khatna hoṛko hecʼkateko henostayińạ.” Menkhan uniren khanḍa bhanḍa asenicʼ hoṛ do bae rebenlena, ente uni do ạḍitetʼge botor caṛhao akawade tahẽkana. Unre Sạul do acʼakʼ tarwaṛe cetanreye bhindạṛena.

2 Samuel 1:20

Gatre niạ khobor do alope lạiya, ar Askelon reakʼ hor horte hõ alope lại sodora; arpe onkae khan Philisṭikoren hoponera doko rạskạ joṅa, onko bin khatna hoṛkoren hoponera doko hulạs joṅa.

1 Bõsbudạ 10:8

Dosar hilokʼ Philisṭiko do gocʼ hoṛkoakʼ jinisko luṭ idijoṅ lạgitʼko hecʼen khan Gilboa burure Sạul ar uniren hoponkoakʼ mạ̃ṛĩ do giḍi akanko ńelkeda.

1 Bõsbudạ 10:10

Ona tayom onko do Sạulakʼ khanḍa bhanḍa hataokate akoren debotakoakʼ mundilreko dohokada ar uniyakʼ bohokʼ do Dagon debotawakʼ mundilreko aka dohokada.