1 Bõsbudạ 1:17 - সান্তালী বাইবেল

¹⁷ Shemren hoponko doko hoyokʼ kana Elam, Ạsur, Arpaksad, Lud, Aram, Us, Hul, Gether ar Mesek.

1 Bõsbudạ 1:17 Referans Kwoze

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

Jeheskel 32:24

“Elam hõ onḍege menaea; uniyakʼ topa beṛhaete do acʼren sanam hoṛko menakʼkoa. Onko sanamkoge lạṛhạireko gocʼ ocoakana. Onko do jiwetʼkoakʼ disạmre botorko unạn ocoletʼ tahẽkana, menkhan mucạtʼre onko sanamkoge bin khatna akan dosare dhạrti reakʼ khandṛaṅreko pheḍena. Ar okoe Seolteko pheḍ sen akan onko sãotege noko hoṛ do akoakʼ lajaoko dipil akada.

Jeheskel 32:22

“Ạsur do acʼren sanam lạṛhại phạdante onḍe menaea. Uni beṛhaete do acʼren sanam gocʼ hoṛkoakʼ topa menakʼa; noko sanamkoge lạṛhạireko gocʼlena.

Jeheskel 27:23

Haran, Kanne, Edon ar Sebaren bepariko ar Ạsur ar Kilmad hõ am sãoteko bạnijetʼ tahẽkana.

Jeheskel 27:10

“ ‘Paras, Lud ar Put disạmren hoṛko hõ amren lạṛhại phạdko sãote tahẽkateko lạṛhạikan tahẽkana. Onko do akoakʼ ḍhal ar bohokʼ rurukhiyạ reakʼ ṭupri amre ṭaṅgaokate amakʼ ṭhonoktetʼko maraṅetʼ tahẽkana.

Jirimiạ 25:25

Simri, Elam ar Madaeren sanam rapajko;

Jesaea 66:19

Probhu Isor do arhõe meneda, “Onko talare mitʼṭecʼ cinhạń dohoya ar okoe jiwetʼko tahen onko mod khon adom do boṅgan hoṛ jạtrenko ṭheniń kolkoa. Tạrsis, Put ar Ludren dhinkiạko, Tubal, Greece ar okako sạṅgiń disạmre ińakʼ ńutum bako ańjomakatʼ ar ińakʼ mạhima bako ńelakatʼ onko ṭheniń kolkoa. Onko do boṅgan hoṛ jạtrenko ṭhen ińakʼ mạhima reakʼ kathako lại jạhira.

Jesaea 22:6

Elamrenko do sar ṭhoṅgako gugukeda; rãt gạḍi ar aswarikoantege. Ar Kirrenko do ḍhalanteko sapṛao akana.

Jesaea 21:2

Mitʼṭecʼ botoranakʼ dorsongeń ńel ocoyena, luluṭicʼ doe luluṭkana, nonosṭoyicʼ doe nonosṭokana. E Elam, rakapʼ senokʼme, gherao esedme, E Madiạ. Iń do uniye hoyocoakatʼ sanam kurkurạuakʼkoń caba utạra.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Sereńko 83:8

onko do Ạsurrenko sãoteko mitʼakana ar Loṭren hoponko reakʼ sopoko hoyakana. (Sela)

Esra 4:2

Unre onko bạiriko do Serubabel ar bõskoren mathako ṭhen hecʼkateko menkeda, “Mundil oṛakʼ benao kạmire ale hõ ape sãotele kạmiya, ente ale hõ aperen Isorakʼ sana leka calakʼle kurumuṭuyeda. Ạsurren raj Esarhadon do nonḍeye ạgu akatʼle tayom khon ale hõ Isor ńutumte janwarkole samaṅetʼkoa.”

Numeri 23:7

Unre Biliam do Isor emakʼ noa katha roroṛe ehopʼena: “Balak do Aram disạm khon ińe ạgukedińạ, purub reakʼ buruko khon Moab raj do ińe ạgukedińạ. Uni doe menkeda, ‘iń ńutumte dela Jakob sarapaeme, Israelrenko upạrte bin bhạlạiyakʼ katha baṛe lạiyạńme.’

Genesis 14:1

Sinạr disạmren Amraphe raj, Elasarren Ariok raj, Elamren Kedarlaomer raj ar Goyimren Tidạl raj-

Genesis 11:10

Noa do hoyokʼ kana Shem bõsrenkoakʼ katha. Ḍubạ dakʼ bar bochor tayom Shemakʼ umer mitʼsae bochor tahẽkanre uniren do Arpaksad ńutuman mitʼṭen hopone janamena.

Daniel 8:2

Ona dorsonre iń do Elem Prodes reakʼ Susan gaṛiń ńelkeda. Ona dorson talare iń do Ulại gaḍa aṛereń tahẽkana.

Luk 3:36

Sạla do Kenanren hopon, Kenan do Arpaksadren hopon, Arpaksad do Semren hopon, Sem do Noharen hopon, Noha do Lamekren hopon;

1 Bõsbudạ 1:18

Arpaksadren hoponakʼ ńutum do Selah ar Selahren hoponakʼ ńutum do Eber.

Genesis 10:21

Japhetren dadattetʼ Shemren hõ hopon ar hoponerako hoylena. Shem doe tahẽkana Eberren hopon ar uniren hoponkoren ạgil hapṛam.