1Timothi 6:6 - সান্তালী বাইবেল

⁶ Menkhan kusi monte Mạsiyakʼ dhorom biswạs lekate colonle khan do maraṅ labjoṅakʼ kangea.

Santali Common Language New Testament

⁶ Menkhan kusi monte Mạsiakʼ dhorom biswạs lekate colonle khan do maraṅ labjoṅakʼ kangea.

1Timothi 6:6 Referans Kwoze

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

1Timothi 6:8

Onate jomakʼ ar horokʼ bandeakʼ tahen khan abo do dhirpur akae bon tahenma.

Kạhtukko 16:8

Behokakʼte ḍher arjao khon hokte thoṛa arjaoakʼge bhagea.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

Philipiko lạgitʼ Pạul apostolakʼ ciṭhi 1:21

ente iń lạgitʼ jion do hoyokʼ kana Mạsige ar moron do porhotetʼ.

Kạhtukko 15:16

Be suluk sãote ḍher dhon lab joṅ khon Probhu botorae tulucʼ thoṛawakʼge bhagea.

Sereńko 37:16

Ḍher bạṛicʼ hoṛkoakʼ do asambheṛ dhon menakʼa, menkhan Isor botoraeko do tinạkʼ menakʼtako onage ḍhera.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Luk 3:14

Ar palṭonko hõko kulikedea, “Ale do cetʼle cekaea?” Uni doe metatʼkoa, “Jor julumkate se behok lekate dusikate okoe ṭhen khon hõ cetʼge alope hataoa ar apeakʼ kuṛạirege kusi akae tahenpe.”

Exodus 2:21

Mose do uni naeke ṭhen tahen lạgitʼe rạjiyena ar naeke do Mose tulucʼ acʼren hoponera Silpại baplakadea.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

Kạhtukko 28:25

Laloc menakʼtae hoṛ doe jhogṛakʼa, menkhan okoe Probhu Isorreye bhorsakʼ uni doe jo bahakʼa,

Jirimiạ 35:9

ar girobasokʼ lạgitʼ oṛakʼ hõ bale benaoleda se darkha bagwan, anaj se phosol reakʼ khet hõ bale benao joṅan tahẽkana.

Luk 12:15

Ona tayom Jisu do gadel hoṛkoe metatʼkoa, “Men cehaokʼpe! Ar sanam lekan lob-laloc khon sontor akae tahenpe, ente manwakoakʼ jionre ḍher sompotti tahen do sanam khon jạruṛteakʼ do baṅkana.”

2 Rapajko 6:2

Onate amem hukumale khan ale do jordan gaḍa ṭhen senkate mitʼṭecʼkate khunṭi jogaṛ ạgukate abo lạgitʼ mitʼṭecʼ tahen jaegale benaoa.”