1Timothi 6:4 - সান্তালী বাইবেল

⁴ Uni do cetʼge bae baḍaere hõ jhogṛa ar katha rapṭa rạpṭire ạḍi bạ̃ṛtiye capao akana. Noako reakʼ jo do hiskạ, jhogṛa, nindạu, bạṛicʼ hudis,

Santali Common Language New Testament

⁴ Uni do cetʼge bae baḍaere hõ jhogṛa ar katha rapṭa rạpṭire ạḍi bạ̃ṛtiye capao akana. Noako reakʼ jo do hiskạ, jhogṛa, nindạu, bạṛicʼ hudis,

1Timothi 6:4 Referans Kwoze

2Timothi 2:23

Lelha, hohakʼ ar reṭe peṭekʼre alom seledokʼa, ente am dom baḍaegea onako do jhogṛae janam ocoya.

2Timothi 3:4

Onko do eṛe, ṭhok ar bạḍạite phulạu akanko hoyokʼa. Isor bạgikate rij-roṅge bạ̃ṛtiko dulạṛa.

1Timothi 3:6

Manḍerren ạyuricʼ do nãwã biswạsi hoṛ hõ alo jemone hoyokʼ, ente nãwã biswạsicʼ do bạḍạiteye phulạukʼa ar Soetan reakʼ bicạrreye khańjo botecʼkokʼa.

Jihudạwakʼ ciṭhi 1:10

Menkhan noko bhonḍ cecetʼko do oka bako bujhạu akatʼ ona reaṅ bạṛicʼ kathako roṛa ar bebuj janwarko leka akote okaṭakʼko bujhạuakatʼ onategeko marao utạrokʼa.

2 Patras 2:12

Menkhan bin buj janwarko leka okoe do sobhabtege sapʼocokʼ ar gocʼ ocokʼ lạgitʼko janam akan, noko eṛe cecetʼko hõ onko lekage. Onko do okaṭakʼ bako bujhạu akatʼ ona reaṅ bạṛicʼ kathako roṛa. Ar akoakʼ bạṛicʼakʼrege onko doko ḍahao maraokʼa.

2Timothi 2:14

Noako katha do hoṛko disạ ocokom. Ar Isor samaṅre sontorkom jemon ạuṛiyakʼ kathakote aloko reṭepeṭekʼ. Noa reakʼ do cetʼ damge bạnukʼa, bickom okoe onako ańjom onko doko bangla bhaṭokʼa.

Jihudạwakʼ ciṭhi 1:16

Noko hoṛ do jaogeko karacʼ kurujokʼa, ar akoakʼ bhạgko dusiya ar ontor reakʼ bạṛicʼ sana lekako calakʼa. Onko do akoteko sarhaokʼa ar lab joṅ lạgitʼ hoṛko heṛemakoa.

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.

1Timothi 1:7

Onko do nijạrakʼ kathage bako bujhạueda ar okaṭakʼ reaṅ murukteko roṛetʼkan ona do bako baḍaere hõ Moseyakʼ ạn-ạriren guru hoyokʼko menjoṅkana.

1Timothi 1:4

Ar noa hõm hukumakoa jemon onko do kạhniko ar maraṅ maraṅ bõsbudạkore mon aloko lagao. Noako do Isorakʼ kạmi baṅkate ạḍi lekan roṛ ropoṛe janam ocoya menkhan Isor cetʼlekate acʼakʼ kạmiye ạyura ona do biswạs hotetege baḍaeyokʼa.

Jakob 1:19

Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Titus lạgitʼ Pạul Apostolakʼ ciṭhi 3:9

Menkhan bebuj leka ṭheṭa baṛae, bõs budạ, jhogṛa-jhạṭi ar ạn-ạrikote reṭepeṭekʼ khon am do sạṅgińre tahenme, ente noakore jãhãn lab do bạnukʼa; ar noako do ạuṛiyakʼgea.

Aposkạmi 15:2

Onate Pạul ar Barnabas sãote onko hoṛ doko apṭha ạpṭhiyena. Onko doko goṭakeda je, Pạul ar Barnabas do Antiokiạren thoṛa biswạsiko soṅgekate Jerusalemkin calakʼa ar apostolko ar manḍerren mukhiyạko tulucʼ noa reaṅko galmaraoa.

Johan sodor 3:17

Am dom meneda, kisạ̃ṛgeạń; ar maraṅ hoṛiń hoyakana, onate ińakʼ do cetʼ reakʼ reṅgecʼ hõ bạnukʼtińạ. Bogegea, menkhan bam baḍaea je, am dom reṅgecʼgea, kãṛãgea arem laṅgaṭgea mente.

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

Kolossiko lạgitʼ Pạul Apostolakʼ ciṭhi 2:18

Okoe apnarakʼ hoṛmo kosṭoko emakʼkan ar serma goḍet sewawako reakʼ jạruṛko bujhạuetʼkan onko do apeakʼ jit siropa ńamokʼ horre tạkicʼakʼ jemon aloko hoyocoe. Nonkan hoṛ do okako ńelakatʼ menteko hudisetʼkan ona reaṅ ạḍi maraṅ maraṅ kathako roṛa ar ạuṛi bạḍạiteko phulạukʼa, ente onkoakʼ mon do jel reakʼ sanare gobol akantakoa.

Philipiko lạgitʼ Pạul apostolakʼ ciṭhi 2:14

Ape do begor karacʼ kurucʼ ar begor rapṭha rạpṭhite jotowakʼ kạmipe,

Philipiko lạgitʼ Pạul apostolakʼ ciṭhi 2:3

Apnarakʼ porho lạgitʼ se michạ bạḍạite cetʼ hõ alope cekaya, bickom nindhạn monte eṭakʼko apnar khon soros mente bujhạukope.

Philipiko lạgitʼ Pạul apostolakʼ ciṭhi 1:15

Onko modre adomko do hiskạ ar dola doli monte Mạsi reaṅko porcareda, menkhan eṭakʼko do bhage monsubạtegeko kạmikana.

Galathiko lạgitʼ Pạul Apostolakʼ ciṭhi 6:3

Jãhãe jãhãnicʼe baṅkanre hõ apnartetʼ jãhãnicʼ menteye hudisokʼkan khan uni do apnartegeye bulạukʼ kana.

Galathiko lạgitʼ Pạul Apostolakʼ ciṭhi 5:26

Michạ man ńam baṛako leka do alo bon hoyokʼma, ar alo bon ạṛis ocokoma ar alo bon hipiskạma.

Galathiko lạgitʼ Pạul Apostolakʼ ciṭhi 5:15

Menkhan ape apepe jhogṛakʼ arpe hipiskạ kan khan men sontorokʼpe! Arpe nonkae khan ape do apetegepe maraokʼa.

2 Korinthiko 11:20

Ar eken ona do baṅ, jãhãege golame benaolepere, jãhãegeye jom reṅgecʼlepere, jãhãegeye sapʼlepere, jãhãege acʼteye maraṅlenre ar jãhãege mẽtʼãhãreye thapalepere, ape dope sahaoetʼtakoa.

1 Korinthiko 11:18

Pạhilreń ańjomeda, manḍer jarwakʼre ape talare dola doli tahenkana, ar iń do thoṛ pạtiạu hõń pạtiạukʼkangea.

1 Korinthiko 11:16

Ar jãhãe noa iạteko ṭhapa ṭhugokʼ khan noań menkea, eṭakʼ jãhãn niạm do abo talare bạnukʼa ar Isorakʼ manḍerkore hõ bạnukʼa.

1 Korinthiko 3:18

Okoe hõ apnarte aloe bulạukʼ ma. Ape modren jãhãe niạ jugren akelanicʼ menteye hudisokʼkan khan, enḍekhan uni do lelhayicʼ lekae hoyokʼma, jemon sạri akelanicʼe hoydaṛeakʼ,

1 Korinthiko 3:3

ente ńit hõ jel gobolrege menakʼpea. Ape talare hiskạ ar reṭha reṭhiko menakʼ khan enḍekhan cetʼ jelrenko dope baṅkana? Manwako leka do cetʼ bape coloneda?

Romiko lạgitʼ Pạul Apostolakʼ ciṭhi 14:1

Pạtiạure okoeye nijorge uni do ataṅ sãohãyepe; uniyakʼ hudis bundis joṅre uni tulucʼ alope reṭe peṭekʼa.

Romiko lạgitʼ Pạul Apostolakʼ ciṭhi 13:13

Rij roṅ ar ńu bulokʼte do baṅ, loṭghuṭi ar lucạ lamoṭte do baṅ, reṭha reṭhi ar hiskạte do baṅ, menkhan siń marsalre dãṛãnkanko leka jion bon khemao ma.

Romiko lạgitʼ Pạul Apostolakʼ ciṭhi 12:16

Ape apere mitʼ mon tahentape ma. Usulakʼko do alope moneyakʼa bickom nindhạnko tulucʼ helmelokʼpe. Ar apnarte budanko mente do alope hudisokʼa.

Romiko lạgitʼ Pạul Apostolakʼ ciṭhi 2:8

Menkhan okoe akoakʼ sana lekako senokʼ, ar sạriyakʼ baṅ bataokate bedhoromakʼko bataoetʼkan, Isor do onko ạḍi bạṛicʼe sạjạikoa.

Aposkạmi 18:15

Menkhan jãhãnakʼ katha reakʼ, jãhãeakʼ ńutum reakʼ ar apeakʼ ạn-ạriko babot reakʼ kan khan, enḍekhan apetege phanḍaope baṛe. Onako babot reakʼ do bạń bicạrkatapea.”

Aposkạmi 8:9

Ona nagrahare Simon ńutuman mitʼṭen hoṛ do ḍher din khon jạdukoe udukʼ ạguyetʼkan tahẽkana. Onate Samariạren sanam hoṛkoko ṭhak caba akan tahẽkana.

Jesaea 58:4

Ńelpe jhogṛa ar reṭepeṭe lạgitʼgepe upạseda arpe kuhạukʼ kana. Nonkan upạs do apeakʼ aṛaṅ coṭte bae ańjom ocoytapea.

Kạhtukko 26:12

Am do cetʼ nonkan hoṛkom ńel akatʼkoa okoe do apnarakʼ mẽtʼreye ạkilanicʼ kan? Ona khon boroṅ bebujicʼ reaṅge as menakʼa.

Kạhtukko 25:14

Okoe hoṛ dan reakʼ maraṅ maraṅ kathae roṛ menkhan acʼ do ona bae onkae, uni do nonkan kuṛhạ ar hoe leka kanae one onare jãhãn dakʼge bạnukʼ.

Kạhtukko 13:7

Apnarte kisạ̃ṛ udugokʼicʼ do acʼakʼ cetʼge bạnukʼtaea; menkhan reṅgecʼe udugokʼ hoṛ do ḍher dhon menakʼtaea.