1Timothi 6:18 - সান্তালী বাইবেল

¹⁸ Kisạ̃ṛko hukumakome onko do eṭakʼ hoṛ jemonko bhạlạiko, ar bhage kạmikoreko kisạ̃ṛokʼ, ar em hạṭińko ar mãyã monanko hoyokʼ.

Santali Common Language New Testament

¹⁸ Kisạ̃ṛko hukumakome onko do eṭakʼ hoṛ jemonko bhạlạiko, ar bhage kạmikoreko kisạ̃ṛokʼ, ar em hạṭińko ar mãyã monanko hoyokʼ.

1Timothi 6:18 Referans Kwoze

Ibriko 13:16

Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

1 Johan 3:17

Noa dhạrtire jiwetʼ tahen lạgitʼ okoeyakʼ ạsulokʼakʼko menakʼtae, ar acʼren boehawakʼ reṅgecʼ ńelkate hõ bae beṅgetʼae enḍekhan cekate uniyakʼ ontorre Isorakʼ dulạṛ do tahẽ daṛekokʼa?

Romiko lạgitʼ Pạul Apostolakʼ ciṭhi 12:8

okoe sikhạu paṛhao reakʼ daṛeye ńamakatʼ uni doe sikhạu paṛhaokoma; okoe eṭakʼko danako reakʼ daṛeye ńamakatʼ, uni do soṛa monteye emokʼma; okoe mukhiyạ hoyokʼ reakʼ daṛeye ńamakatʼ uni do jidkateye calaoma; ar okoe eṭakʼko goṛowako lạgitʼ daṛeye ńamakatʼ uni do kharsala monteye goṛowakoma.

Sereńko 37:3

Probhu Isorre biswạs dohoyme ar bhageakʼ kạmime; amakʼ disạmrege tahenme, ar pạtiạrte taṛamme.

Titus lạgitʼ Pạul Apostolakʼ ciṭhi 3:8

Noa do sạri katha kangea. Ińakʼ monejoṅakʼ do noage, am do noako babotre jor emakʼme, jemon Isorre okoeko biswạs akan onko do eṭakʼko bhạlạiko reakʼ kạmire lạgiạ paṛao akanko tahen. Noako do bhagegea ar hoṛko lạgitʼ porhoanakʼ kana.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Luk 12:21

Ado mucạtʼre Jisui menkeda, “Okoe hoṛ apnar lạgitʼ dhone jarwae ar Isor samaṅre kisạ̃ṛicʼe baṅkan, enḍekhan uniyakʼ dosa hõ onkage hoyokʼtaea.”

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

Romiko lạgitʼ Pạul Apostolakʼ ciṭhi 12:13

Isorren hoṛko reṅgejokʼ oktere goṛowakope. Ar peṛakʼ gun dohojoṅpe.

1Timothi 5:10

Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

2 Korinthiko 8:9

Ape do aboren Probhu Jisu Mạsiyakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniyakʼ reṅgejokʼ hotete apepe kisạ̃ṛ daṛeakʼ.

2 Korinthiko 8:12

Jãhãe emokʼ reakʼ monejoṅakʼ tahentae khan enḍekhan uni oka menakʼtae ona lekage Isor do uniyakʼ dane ataṅtaea, ar oka bạnukʼtae ona do Isor hõ bae khojkana.

1 Korinthiko 16:2

Ape mimitʼko hõ apeakʼ daṛe leka thoṛa thoṛate doho jarwaepe hapta reakʼ pạhil dinre, jemon ińiń hecʼlenre dan uṭhạu alo lagaoape.

Jesaea 58:7

reṅgecʼ hoṛko apeakʼ jomakʼ khon hạṭińakope, ar asray bạnukʼtako hoṛko apeakʼ oṛakʼre asray emakope, jãhãe uluṅpe ńellekore kiricʼ horokʼakope, ar aperen peṛa pạrbhạko alope dea giḍikoa. Niạkope kạmi lekhan apeakʼ do sạriyakʼ reakʼ upạs hoyokʼtapea.

Sosolhayic̕ 11:6

Am do setakʼ jokhecʼ itạ er me, ar ạyupʼ jokhecʼ hõ amakʼ ti doe onkaema, ente oka okte reakʼ kạmi jo bahakʼa se banarge soman hoyokʼa, ona do bam baḍaea.

Sereńko 112:9

Uni do chiṭiạukedae, reṅgecʼ orecʼkoe ematʼkoa; uniyakʼ dhorom do jaejug hạbicʼ tahenkana, uniyakʼ daṛe ar man do ḍher idikʼtaea.

3 Johan 1:11

Dulạṛiạ gateko, bạṛicʼakʼko pańja baṅkate bickom bhageakʼ pańjaepe. Okoe bhageakʼe kạmikan uni doe Isorren hoṛ kana, ar okoe bạṛicʼakʼe kạmikan uni do Isor bae ńelakadea.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Aposkạmi 9:36

Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛowako kan tahẽkana.

Jesaea 32:8

Menkhan bhage hoṛ do bhageakʼe goṭaea ar acʼakʼ bhage kạmirege lạgiạ paṛao akane tahena.

Sosolhayic̕ 3:12

Ińiń baḍaea, manwa jionre rạskạ ar bhage kạmi chaḍa uni lạgitʼ bhageakʼ do ar cetʼhõ bạnukʼa.

2 Bõsbudạ 24:16

Israelko modre Isor ar uniyakʼ oṛakʼ lạgitʼ bhageakʼe kạmiletʼte uni do Dạudakʼ nagrahare rapajko sãoteko topakedea.

1 Patras 3:11

Uni do bạṛicʼ kạmi khone sahaṛokʼ ma, ar bhageakʼe kạmima; suluk ńam lạgitʼe kurumuṭuiyma. Ar ona do aloe bạgiyakʼ ma.

Aposkạmi 11:29

Unre celako doko goṭakeda, Jihudạ disạmren biswạsi boehako goṛowako lạgitʼ apan ạpin daṛe leka onko do jemon ṭakako kol. Arko onkaletʼgea.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Mathae 5:42

Koyetʼmekạnicʼ do emaeme, ar okoe am ṭhen pańcae khojkan uni hõ alom dea giḍikaea.

Luk 3:11

Metatʼkoae, “Jãhãeakʼ barea aṅgrop menakʼtae khan, uni do bạnukʼtaeicʼe hạṭińaema. Ar jomakʼ menakʼtaeicʼ hõe onkaema.”

Ephesiko lạgitʼ Pạul Apostolakʼ ciṭhi 4:28

Kombṛoyicʼ do ar aloe kombṛoe ma, bickom acʼakʼ nij tite bhageakʼ kạmikoreye khaṭaokʼma jemon okulạnan hoṛko em hạṭińako lạgitʼ tahentae.