1Timothi 5:8 - সান্তালী বাইবেল

⁸ Okoe acʼren peṛako, asokaete apnar gharońjrenko bae ńel jutko uni do biswạse baṅ akada; ar bepạtiạuicʼ khon hoe bạṛicʼgea.

Santali Common Language New Testament

⁸ Okoe acʼren peṛako, asokaete apnar gharońjrenko bae ńel jutko uni do biswạse baṅ akada; ar bepạtiạuicʼ khon hoe bạṛicʼgea.

1Timothi 5:8 Referans Kwoze

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

2 Korinthiko 12:14

Iń do ńitokʼ tesar dhao ape ṭhen calakʼ lạgitʼiń sapṛaogea. Ińakʼ bojha do apere bạń ladeapea, ente apeakʼ dhon do bạń khojkana, bickom apegeń khojetʼpea. Gidrạko do go-baba lạgitʼ ṭaka-poesa jarwae reakʼ dạyik kanako ona do baṅ, bickom gidrạko lạgitʼ jarwae do go-baba koakʼge lek kana.

Jesaea 58:7

reṅgecʼ hoṛko apeakʼ jomakʼ khon hạṭińakope, ar asray bạnukʼtako hoṛko apeakʼ oṛakʼre asray emakope, jãhãe uluṅpe ńellekore kiricʼ horokʼakope, ar aperen peṛa pạrbhạko alope dea giḍikoa. Niạkope kạmi lekhan apeakʼ do sạriyakʼ reakʼ upạs hoyokʼtapea.

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyogokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

Mathae 7:11

Apepe bạṛicʼgere hõ aperen gidrạko bhage bhage jinisko emakope baḍaekan khan, enḍekhan sermare menae aperen Baba do tinạkʼ artetʼ acʼ koeye kanko bhageakʼkoe emakoa!

2Timothi 3:5

Onkoakʼ bahretetʼem ńelle khan Isor bhokti menakʼtakoa mentem bujhạukea, menkhan Isor bhokti reakʼ daṛe do bako aṅgoceda. Nonkan hoṛko khon do pharak akae tahenme.

Genesis 30:30

Ạliń hijukʼ lahare abenren mĩhũ-merom palko nunạkʼ ḍher do bako tahẽkana, menkhan ńitokʼ do ḍherko bạḍ akana. Ar ạliń jãhãrege liń dãṛã akatʼ onḍege Probhu Isor do abene bhor akatʼbena. Menkhan ńitokʼ do ạlińakʼ gharońj reakʼ katha hudis reakʼ okte hoyakan tạlińa.”

Johan sodor 3:8

uni do noa kathae meneda; iń do amakʼ kạmi reakʼ kathań baḍaegea. Ńelme, iń do am lạgitʼ jhicʼ akatʼ mitʼṭecʼ duạriń dohoakada, one oka siń reakʼ ektiạri do okoeyakʼ hõ bạnukʼtako. Ińiń baḍaea amakʼ daṛe do thoṛagetama, menkhan enhõ am do ińakʼ katham dohoakada ar bam baṅ akadińạ.

Johan sodor 2:13

Am okarem tahenkan ona doń baḍaegea; onḍe do Soetanakʼ siṅghạson menakʼa. Enhõ am do ińre pạtiạr menama ar iń cetanre amakʼ pạtiạu do bam baṅ akada. Okare Soetane tahenkan onḍe ińren pạtiạricʼ goha Antipas do ape samaṅreye khũn ocolenre hõ am do amakʼ pạtiạu bam baṅlakʼa.

2 Patras 2:1

Menkhan Israelko talare cetʼleka eṛe nạbikoko tahẽkan, onkage apeko talarehõ eṛe cecetʼkoko tahena. Onko do hape hapete nonkan bhul cecetʼakʼko ạguiya one okaṭakʼte manwako nosṭokʼ; ar okoeye kiriń chaḍao akatʼko uni Probhu Isor hõ bako aṅgocea. Nonkate onko do ạḍi usạra apnarte nosṭokʼko ạgujoṅa.

Johan 15:22

“Iń aloń hecʼlen khan ar bạń galmaraoako khan onko do ohoko dusikokʼa; menkhan ńitokʼ do kại reakʼ jãhãn ạnḍuṅge bạnukʼtakoa.

Jihudạwakʼ ciṭhi 1:4

Noa do jạruṛgea, ente sedaere okoe hoṛkoakʼ sạjại reaṅ katha sostorre olakan onko do ape talare hape hapeteko bolo akana. Noko hoṛkore Isor bhokti do bạnukʼanaṅ; ar aboren Isorakʼ daya do lucạ lamoṭ menteko ạnḍuṅeda ar okoe aboren mitʼ goṭen mạlik are Probhu kan uni Jisu Mạsi do bako aṅgoc edekana.

2 Korinthiko 6:15

Mạsi tulucʼ Beliạlakʼ, metakʼme Soetanakʼ aṛaṅ do cetʼ jurikʼ kangea? Isorren hoṛko lekate biswạsikoakʼ oka bakhra onare cetʼ bin biswạsikoakʼ bakhra do menakʼgea?

Mathae 18:17

Ar onkoakʼ katha hõ bae ańjomle khan enḍekhan manḍerrenko lạiyakome. Ar manḍerrenkoakʼ katha hõ bae ańjom khan uni do boṅgan hoṛ jạtren se mạsul uṭhạu hoṛko leka bujhạuem.

1 Korinthiko 6:6

Ona bodolte ape do boeha upạrtepe lạliskana, ar ona hõ bepạtiạrko ṭhenge!

2Timothi 2:12

Sombhurikate bon sahao daṛeakʼ khan, enḍekhan uni tulucʼ raj hõ bon calaoa. Ar uni bon baṅle khan, enḍekhan uni hõ aboe baṅbona.