1Timothi 5:4 - সান্তালী বাইবেল

⁴ Menkhan jãhãe rạnḍi maejiuren gidrạ se goṛom gidrạko tahen khan onko gidrạko se goṛom gidrạkoge pạhilte jemon apan apin gharońjre Isor bhoktiko udugma. Nonkate onko do eṅgat-apat se baba haṛamkoakʼ dulạṛ reakʼ rinko hala ruạṛ daṛeakʼa, ar noate Isor doe kusikʼa.

Santali Common Language New Testament

⁴ Menkhan jãhãe rạnḍi maejiuren gidrạ se goṛom gidrạko tahen khan onko gidrạko se goṛom gidrạkoge pạhilte jemon apan apin gharońjre Isor bhoktiko udugma. Nonkate onko do eṅgat-apat se baba haṛamkoakʼ dulạṛ reakʼ rinko hala ruạṛ daṛeakʼa, ar noatege Isor doe kusikʼa.

1Timothi 5:4 Referans Kwoze

Genesis 47:12

Joseph do acʼren apat, boehako ar onkoakʼ gharońjrenko jomakʼ jogao akoe ehopʼena. Uni do onkoren hopon ar hoponerakoakʼ hisạb lekateye emakokan tahẽkana.

1Timothi 2:3

Aboren babańcaoicʼ Isorakʼ mẽtʼãhã samaṅre ona do bhagegea ar onatege uni doe kusikʼa.

Luk 2:51

Inạ tayom uni do unkin sãote Nasaret atoteye ruạṛ calaoena ar unkinakʼ tabereye tahẽyena. Menkhan eṅgattetʼ do noako reaṅ monreye rebetʼ dohokada.

Kạhtukko 31:28

Uniren gidrạko do sanamko samaṅre bhạganko metaea; ar uniren jãwãe hõ uni sarhaoeteye mena,

Rut reakʼ kạhini 2:18

Ar onako hataokate atoteye ruạṛ calaoena. Ar tinạkʼ hulạkʼe halaṅketʼ ona do acʼren hanhartetʼe ńelkeda. Ar lacʼ bi jom tayom sarecʼ okae dohoakatʼ tahẽkan ona oḍok kate hanhartetʼe emadea.

Rut reakʼ kạhini 2:2

Mitʼ din Rut do Naomiye metadea, “Ạliń do cetʼ khette senkate hulạkʼ liń halaṅ ạguiya? Ar okoe ạlińreye dayakʼte onae halaṅ ocowạliń uni tayomrege liń tahena.” Naomi do uniye metadea, “Hẽ bạhu, ma calakʼ ben.”

Jesaea 14:22

Phạdkoren Probhu Isore meneda, “Iń do onko upạrteń teṅgona; Babel reakʼ ńutum ar onare jiwetʼ menakʼko hoṛ ar onko bõsren doń caba utạrkoa.

Jobakʼ 18:19

Uniren hoponko do apnar jạtrenko talare bako tahena; uni okareye tahẽkan onḍe do celehõ bako tahena.

Bikʼcạrko 12:14

Uniren do pongel hopon ar pegel goṛomtetʼ koṛako tahẽkana. Onko do eaegel gadhakoreko decʼ baṛaekan tahẽkana. Ar Adbon do irạl bochor Israelkoakʼe bicạrketʼtakoa.

Genesis 47:28

Jakob do Misor disạmre arhõ gel eae bochor jiwetʼe tahẽyena. Onate uni do mitʼ sae pon gel eae bochor jiwetʼe tahẽkana.

1Timothi 5:16

Mạsire biswạs akan jãhãe maejiuakʼ oṛakʼre rạnḍi maejiuko tahen khan unige onko maejiukoe ńel todarotko ma. Noko rạnḍi maejiuakʼ dạyik do manḍerre alo paṛaokʼma, menkhan okoe rạnḍi maejiuren celege bạnukʼko manḍer do onkoe ńel todarotkoma.

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.