1Timothi 5:15 - সান্তালী বাইবেল

¹⁵ Ente adom adom rạnḍi maejiuko do ńitrege Soetanakʼ hor secʼko ghańjeṛ akana.

Santali Common Language New Testament

¹⁵ Ente adom adom rạnḍi maejiuko do ńitrege Soetanakʼ hor secʼko ghańjeṛ akana.

1Timothi 5:15 Referans Kwoze

2 Patras 2:2

Ar ḍher hoṛge onko ńelte lucạ lamoṭkoko hoyokʼa. Onko iạtege sạriyakʼ reakʼ hor do nindạu ocokʼa.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

2Timothi 4:10

ente Demas do nonḍenakʼ dhạrtiye dulạṛetʼkante iń bạgikate Thessalonikiteye calaoena. Ona chaḍa Kreskes do Galatiạteye calaoena ar Titus do Dalmatiạte;

1Timothi 1:20

Onko hoṛ modre Humenaeos ar Aleksander hõ menakʼkinạ. Onate unkin do Soetanakʼ tireń aṛakʼ akatʼkinạ, jemon noa sikhạunakin ńam baṅma, Isor opomane do baṅ ṭhika.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

2 Patras 3:16

Uniyakʼ joto ciṭhirege noako reaṅ inạ mitʼ kathageye oletʼkana. Onako modre adomakʼko babotre menakʼakʼ as bujhạu do muskilgea. Onate baṅ cetʼakatʼ ar baṅ kajak hoṛko do eṭakʼ eṭakʼ sostorko leka noako reakʼ mane hõko pẽṛtayetʼte nijạte nosṭokʼko ạgujoṅ kana.

2Timothi 2:18

Nukin do Isorakʼ sạriyakʼ khonkin pharak akana. Unkin dokin meneda, biswạsiko do gocʼko khon laharegeko beretʼakana. Nukin do adomkoakʼ biswạskin nosṭoyetʼtakoa.

2Timothi 1:15

Noa dom baḍaegea, Ạsiạ disạmren sanamkoge ińko dea giḍiakadińa. Onko modre Phugelus ar Hermogenes hõ menakʼkinạ.

Mathae 4:10

Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”