1Timothi 5:14 - সান্তালী বাইবেল

¹⁴ Onate iń do noań hukumape kana, kom umerren rạnḍi maejiu doko baplakʼma, arko gidrạ eṅgatokʼma, apan ạpin gharońjko ńel todarotma ar teṅgo daramicʼe oktae reakʼ jãhãn dão aloko emaema.

Santali Common Language New Testament

¹⁴ Onate iń do noań hukumape kana, kom umerren rạnḍi maejiu doko baplakʼma, arko gidrạ eṅgatokʼma, apan ạpin gharońjko ńel todarotma ar teṅgo daramicʼe oktae reakʼ jãhãn dão aloko emaema.

1Timothi 5:14 Referans Kwoze

Titus lạgitʼ Pạul Apostolakʼ ciṭhi 2:5

ar apnartetʼko sambṛaokʼma, napaeko tahenma, gharońjko disạima, dayakʼkoko hoyokʼma ar jãwãe gobolreko tahenma, jemon okoe hõ Isorakʼ katha aloko bemanot.

1Timothi 6:1

Okoe golamiko khạṭaokʼkan onko sanamkoge akoren kisạ̃ṛko manot ocokʼlek menteko bujhạukoma, jemon okoe hõ Isorakʼ ńutum ar aboakʼ sikhạuna aloko nindạu daṛeakʼ.

Titus lạgitʼ Pạul Apostolakʼ ciṭhi 2:8

Okoe hõ aloko dusạu daṛeam onate onkan sạri cecetʼakʼ emokʼme, jemon am upạrten hoṛko do lajaoreko paṛaokʼ, ente abon reaṅ bạṛicʼ roṛ reakʼ do cetʼge baṅ tahentakoa.

1Timothi 4:3

Noko do manwa baṅ baplakʼ lạgitʼko hukumako kana ar adom adom jomakʼ jojomko baron kana. Menkhan biswạsiko, okoe do Isorakʼ sạriyakʼtetʼko baḍae akatʼ, onko do gun manao joharkateko jomma ar ona iạtege Isor do noako jomakʼe sirjạu akada.

Daniel 6:4

Onate onko raj-ạkʼyurko ar onko disạm cakʼlaoko do sorkari kạmi babotre Danielakʼ dos ńam baṛaeko ehopʼena, menkhan bako daṛeada. Unire onko do jãhãn dosge bako ńam daṛeada, ente uni do pạtiạrgeye tahẽkana, jãhãn dos se bhul do unire baṅ tahẽkana.

Kạhtukko 14:1

Ạkilan maejiu do acʼakʼ soṅsare benao rakaba, menkhan bebuj maejiu do acʼakʼ titege soṅsare rạpuda.

Ibriko 13:4

Sanamkoge bapla do manot salakʼko beṅgetʼakʼma. Jãwãe ar bạhu talare bapla tonol do sonot dohoy lek kana, ente jãhãlekanakʼ laṭghaṭkange, ar jãhãe ona dusireko dusige khan Isor do onkoe sạjạikogea.

1Timothi 5:11

Kom umerren rạnḍi maejiuko do alope ol caṛhaokoa, ente tinre hoṛmo reakʼ jala rakapʼakoa unre Mạsi bako botoraete, jãwãeyokʼgeko khoja.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

2 Korinthiko 11:12

Okoe apnarko sarhaokʼre ale somanko udugokʼkan onko jemon ona ạt aloko ńam onate okań kạmikan onageń kạmi idiya.

Romiko lạgitʼ Pạul Apostolakʼ ciṭhi 14:13

Onate abo do mimitʼ hoṛakʼ dosko alo bon sabtakoma, ar nonkanakʼ alo bon kạmima one ona ńelte jãhãe boeha monreye tạkijokʼ se kạireye ńur botecʼkokʼ.

2 Samuel 12:14

Menkhan noam kạmi akatʼte am do Probhu Isorren bạiriko nindạu reakʼ ạtem ematʼkoa. Ona iạte amren okoeṭakʼ gidrại janam akan uni do khạṭigeye gujukʼa.”

Genesis 18:9

Onko do Abrahamko kulikedea, “Amren bạhu Sara do okare menaea?” Uniye menkeda, “Tạmbu bhitrire menaea.”

Genesis 18:6

Abraham do tạmbu bhitrite bolokate Sarae metadea, “Ma usạra gel irạl keji holoṅ sipime ar piṭhạ benaome.”

Jirimiạ 29:6

Baplakʼpe ar gidrạko janamkope; aperen hoponko bạhuakope ar hoponerako baplakakope jemon onkoren hõ gidrạko hoyokʼtako. Ape do onḍe saṅgekʼpe, ar alope komaokʼa.