1Timothi 5:13 - সান্তালী বাইবেল

¹³ Ona chaḍa onko do oṛakʼ oṛakʼko ajare baṛaete kuṛhnikʼko ceda. Eken kuṛhnikʼko ceda ona do baṅ, menkhan nilạjiạ kathako roṛa ar eṭakʼkoakʼko oktawa ar baṅ ganokʼakʼ katha hõko roṛa.

Santali Common Language New Testament

¹³ Ona chaḍa onko do oṛakʼ oṛakʼko ajare baṛaete kuṛhnikʼko ceda. Eken kuṛhnikʼko ceda ona do baṅ, menkhan nilạjiạ katha ar eṭakʼkoakʼko oktawa ar baṅ ganoakʼ kathakoko roṛa.

1Timothi 5:13 Referans Kwoze

Kạhtukko 20:19

Nisṛạukan hoṛ do okoakʼ kathae sodora; onate bạ̃ṛti katha roroṛ hoṛ tulucʼ do alom gatekʼa.

Aposkạmi 20:30

Ape bhitriko khon hõ hoṛko teṅgonte Isorakʼ sạriyakʼtetʼ do eṛeteakʼ benaoko kurumuṭuya jemon pạtiạu akanko ako secʼko or idi daṛeako.

Kạhtukko 31:27

Uni do gharońj reakʼ sanam secʼe ạribạndhiya; ar khaṭaokateye joma.

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

Aposkạmi 20:20

Apeakʼ okaṭakʼte porhoanakʼ hoyokʼ nonkan jãhãnakʼge ape baḍae ocope lạgitʼ do bạń pạclena, bickom bahrere sodorte apeakʼ oṛakʼreń cetʼakawatʼpea ariń porcar akada.

Luk 10:7

Ona oṛakʼrege tahenpe ar okako emape onage jompe, ente okoeye kạmikan uni do acʼakʼ kuṛại ńam lek kanae. Ar mitʼ oṛakʼ bạgikate eṭakʼ oṛakʼte alope calakʼa.

Levitikus 19:16

Okoe hoṛakʼ hõ alom nindạua. Ar am aḍepaseren hoṛakʼ jiwi upạrte hõ alom teṅgona. Iń kangeạń aperen Probhu Isor do.

3 Johan 1:10

Onate uni okaṭakʼe cekayetʼ ona do iń hecʼ tayom sanamkoń baḍae ocokoa. Uni do ale upạrte hiskạte aema eṛe kathae roṛakada. Onate hõ bae suklente boehako hõ bae ataṅetʼkoa ar okoe onkoko ataṅetʼko onko hõe tạkicʼ darametʼkoa ar manḍer khone oḍoketʼkoa.

1 Patras 4:15

Ape modre okoe hõ khũniạhi, kombṛo, bạṛicʼ kạmiyicʼ se eṭakʼkoakʼ babotre duk aloe jomma.

Jakob 3:10

Aboakʼ inạ moca khonge sarhao ar sarap noa banarge oḍokokʼ kana. E ińren boehako, nonka hoyokʼ do baṅ bhagea.

Kạhtukko 7:11

Uni doe bạṛicʼ maejiu kana, ar ãṭ aṛaṅte kathae roṛeda, uniyakʼ jaṅga do oṛakʼre baṅ tahẽ thirokʼkantaea;

Kạhtukko 11:13

Okoe eṭakʼko reaṅe khaekhoyetʼkan uni do oko kathakoe lạiyetʼkana menkhan pạtiạr hoṛ do kathae dapala.

1Timothi 5:12

Noate onko do lahateakʼ gokʼakʼ rạputʼkate akore sạjạiko ạgujoṅa.