1Timothi 5:10 - সান্তালী বাইবেল

¹⁰ Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

Santali Common Language New Testament

¹⁰ Ona chaḍa bhage kạmire uniakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiạ paṛao akae jemone tahen.

1Timothi 5:10 Referans Kwoze

1Timothi 6:18

Kisạ̃ṛko hukumakome onko do eṭakʼ hoṛ jemonko bhạlạiko, ar bhage kạmikoreko kisạ̃ṛokʼ, ar em hạṭińko ar mãyã monanko hoyokʼ.

Titus lạgitʼ Pạul Apostolakʼ ciṭhi 3:8

Noa do sạri katha kangea. Ińakʼ monejoṅakʼ do noage, am do noako babotre jor emakʼme, jemon Isorre okoeko biswạs akan onko do eṭakʼko bhạlạiko reakʼ kạmire lạgiạ paṛao akanko tahen. Noako do bhagegea ar hoṛko lạgitʼ porhoanakʼ kana.

Aposkạmi 9:36

Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛowako kan tahẽkana.

Titus lạgitʼ Pạul Apostolakʼ ciṭhi 3:1

Isorren hoṛko disạ ocokom jemon onko do mạliki ar ektiạri menakʼtako hoṛ gobolreko tahente, onkoakʼ hukumko batao ar hoṛkoakʼ sanam lekan bhage kạmi lạgitʼ sapṛao akanko tahen.

Titus lạgitʼ Pạul Apostolakʼ ciṭhi 2:7

Sanamakʼrege am do onko ṭhen bhage kạmi reakʼ nạmuna hoyokʼme. Amakʼ cecetʼakʼre bạṛicʼ monsubạ ar baṅ moneyakʼ mon jemon alo tahen.

2Timothi 3:17

jemon Isorren hoṛ purạte lek leka hoykate bhage kạmi lạgitʼ sajakanicʼe hoydaṛeakʼ.

Romiko lạgitʼ Pạul Apostolakʼ ciṭhi 12:13

Isorren hoṛko reṅgejokʼ oktere goṛowakope. Ar peṛakʼ gun dohojoṅpe.

Luk 7:44

Ona tayom Jisu do maejiu secʼ beṅgetʼkate Simone metadea, “Nui maejiu baṛe ńeleme. Iń do amakʼ oṛakʼteń hecʼena ar jaṅga ạbukokʼ lạgitʼ dakʼ hõ bam emadińạ, menkhan uni do mẽtʼ dakʼte ińakʼ jaṅgakine ạbukkeda ar acʼakʼ upʼteye jotʼketʼtińạ.

Mathae 5:16

Onkage apeakʼ marsal do hoṛko samaṅre jolokʼtapema, jemon apeakʼ bhage kạmi ńelte aperen sermaren Babako sarhaoe.

1 Patras 2:12

ente onako do aperen Jiu upạrteye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Ibriko 13:2

Ar peṛakʼ do alope hiṛińa; adom adomko do begor baḍaetege serma goḍetkoko peṛaletʼkoa.

Ibriko 10:24

Dela, mimitʼko reaṅ bon dạndikʼma jemon dulạṛ ar bhage kạmi lạgitʼ mimitʼko uskur bon emako.

Titus lạgitʼ Pạul Apostolakʼ ciṭhi 3:14

Eṭakʼko bhạlạiko reakʼ kạmire lạgiyạ paṛao akae tahen lạgitʼ aboren hoṛko cetʼako hoyokʼa, jemon onko do eṭakʼkoakʼ reṅgejokʼreko goṛo daṛeako. Arko nonka lekhan onko do jionreko jo bahakʼa.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Luk 7:38

Ar Jisu tayom secʼre uniyakʼ jaṅga ṭhen senkate teṅgoyente rakʼ rakʼte acʼakʼ mẽtʼ dakʼte uniyakʼ jaṅgakine lohotʼketʼtaea. Ar inạ tayom uni do acʼakʼ upʼte jaṅgae jotʼketʼtaea ar jaṅgareye cokʼadete ona mahkaokʼ sunume duladea.

Genesis 18:4

Iń do dakʼiń ạguyeda, ar ape do jaṅga ạbukokʼpe. Ar ona tayom do noa dare buṭạre mitʼ ghạṛi jirạu hataṛokʼpe.

3 Johan 1:12

Sanamkoge Demetriusko sarhaoede kana, ar Isorakʼ sạriyakʼtetʼ hõe onkawae kana. Ale hõ unile sarhaoede kana. Am dom baḍaegea ale okaṭakʼle lại ona do sạrigea mente.

1 Patras 4:9

Begor karacʼ kurujokʼte ape apere peṛakʼpe.

2Timothi 3:15

Huḍiń tahen khonge am do sonot sostor khonem cetʼakawana. Ar noa sonot sostorge am do Jisu Mạsire biswạs iạte kại khon bańcao ńam reakʼ bude danama.

2Timothi 2:21

Okoe do noako bemanotakʼ bhajan leka kanko, onko khon pharakokʼte jãhãe apnare saphakʼ enḍekhan uni do nonkanakʼ bhajan lekae hoyokʼa okaṭakʼ do manot lạgitʼ beoharokʼkan. Sonot lạgitʼge uni doe bachao doho ocokʼa, uni do Probhu Isorakʼ kạmireye lagaokʼa ar sanam lekan bhage kạmi lạgitʼ tear akane tahena.

2Timothi 1:5

Amakʼ ontorre menakʼ sạri biswạs reakʼ katha hõ disạ menakʼ getińa. Ar noa biswạs do amren goṛom ayo Loisre ar amren eṅgam Eunikere girobas akankin tahẽkana, ar ińiń baḍaea, noa biswạs do amakʼ ontorre hõ menakʼgea.

1Timothi 5:25

Onkaleka bhage kạmiko do pusṭạute sodorgea; ar okako eṭakʼ lekateakʼ kan, onako hõ danaṅ do baṅ tahena.

1Timothi 2:10

Ona bodol bhage kạmikoteko sajokʼma. Okoe maejiu apnar do Isor bhokti kanako menteko monejoṅkan onko maejiu lạgitʼ do onka hoyokʼge lek kana.

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhu Isorpe kusi ocoyete unire lek lekape colon.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

Aposkạmi 22:12

“Ado Ananiạs ńutuman mitʼṭen hoṛ iń ṭhene hecʼena. Uni do Moseyakʼ ạn-ạriko manot salakʼe pańjayetʼ tahẽkana, ar onḍenko sanam Jihudiko ạḍiko manotedekan tahẽkana.

Aposkạmi 10:22

Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Aposkạmi 9:39

Unre Patras do unkin soṅgeteye calaoena. Ar onḍeye seṭeren khan ona cetan koṭha kandhateko idikedea. Unre sanam rạnḍi maejiuko do Patras beṛhaete teṅgokate rarakʼko ehopʼena ar Dorkas jiwetʼe tahẽkanre okako aṅgrop ar eṭakʼ kicricʼkoe benao akatʼ tahẽkan onakoko udukʼadea.

Aposkạmi 6:3

E boehako, ape modkhon Jiu ar akelte perecʼ akan ar sanam hoṛko manotko nonkan eae goṭen hoṛ bachao joṅpe. Ale do onkoge noa sapʼdapʼ kạmi reakʼ bharle emakoa ar ale do koejoṅ ar Isorakʼ katha porcar lạgitʼ jamaṛ akanle tahena.”

Jesaea 1:17

Bhageakʼ kạmi reakʼ cetʼ joṅpe, hok reakʼ bicạrpe, sasantaoko sudhrạukope, reṅgecʼko secʼ tahenpe, ar rạnḍi maejiukoakʼ teṅgo goṛowakope.”

Sereńko 119:4

Am do ạn ạrikom ṭhik dohoakada jemon joton salakʼ onale manao.

Levitikus 25:35

“Aperen jãhãe Israel boeha reṅgecʼ iạte acʼakʼ jom ńũ reakʼ bae bebosta daṛeakʼ, enḍekhan uni do ape talarege jemone girobas daṛeakʼ ona lạgitʼ porjạtrenko cetʼlekape goṛowako onkage uni hõpe goṛowaea.

Genesis 24:32

Noa katha ańjomkate guti do uniyakʼ oṛakʼteye calaoena. Laban do ũṭkoakʼ bojhako pheḍkate busupʼ ar bhusiye jom ocoketʼkoa. Ar ona tayom do guti ar sãoten hoṛkoakʼ jaṅgae ạbukketʼtakoa.

Genesis 19:2

“Ńelben, laha secʼ do ar alo ben calakʼa dayakate abenren gutiyakʼ oṛakʼte bolokʼben ar ti jaṅga ạbukokʼte aṅga hạṭińokʼben. Ar ạḍi setakʼre beretʼkate arhõ calakʼ ben.” Unkin kin menkeda, “Baṅ, ạliń do noa nagraha reakʼ kulhirege liń tahẽ aṅgakʼa.”

1Timothi 5:16

Mạsire biswạs akan jãhãe maejiuakʼ oṛakʼre rạnḍi maejiuko tahen khan unige onko maejiukoe ńel todarotko ma. Noko rạnḍi maejiuakʼ dạyik do manḍerre alo paṛaokʼma, menkhan okoe rạnḍi maejiuren celege bạnukʼko manḍer do onkoe ńel todarotkoma.

1Timothi 3:7

Bahre hoṛko ṭhen uniyakʼ do bhage goha tahen jạruṛtaea, jemon durnamre ar Soetanakʼ jhạlire aloe ńurokʼ.

Genesis 43:24

Ona tayom uni do sanamko Josephakʼ oṛakʼ bhitriteye aderketʼkote ạbukokʼ lạgitʼ dakʼe ematʼkoa ar onko do jaṅgako ạbukena. Uni do onkoren gadhako hõe jom ocoketʼkoa.

1Timothi 3:2

Onate manḍer ạyuricʼ do nonkanicʼ hoyokʼ jạruṛa jemon okoe hõ uni do aloko dusi daṛeae. Uniren do mitʼṭen erae tahentaema. Uni do sote ar apnarte sambṛaokʼicʼ ar bhage bud akel tahen jạruṛtaea. Uni do soṛa ar pekʼṛayicʼ hoyokʼ jạruṛtaea. Ar eṭakʼko cetʼako reakʼ daṛe hõ tahen jạruṛtaea.

Mathae 25:17

Ar okoe bar hajar ṭakae ńamletʼ uni hõ onkakate arhõ bar hajar ṭakae labkeda.