1Timothi 5:1 - সান্তালী বাইবেল

¹ Haṛam hoṛko dos udukʼakore ãṭ kathate alope metakoa; bickom baba leka ạjijakope. Ar juạnko do aperen boehako leka bujhạukope.

Santali Common Language New Testament

¹ Haṛam hoṛko dos udukʼakore ãṭ kathate alope metakoa; bickom baba leka ạjijakope. Ar juạnko do aperen boehako leka bujhạukope.

1Timothi 5:1 Referans Kwoze

Levitikus 19:32

“Haṛam hoṛkoko hecʼlenre teṅgokʼpe ar onko manotkope. Ar aperen Isor botoraepe. Iń kangeạń aperen Probhu Isor do.

Titus lạgitʼ Pạul Apostolakʼ ciṭhi 2:2

Haṛam hoṛ do jotowakʼre soteko tahen ma; ar manot ńam lekko hoyokʼma; onko do bhage akelanko, sạri pạtiạu, dulạṛ ar sombhuri mon tahentako.

1 Patras 5:1

Iń do Mạsiyakʼ duk sasetren goha kạnạń ar Mạsiyakʼ oka ṭhonok sodorokʼ onaren hõ bhạgiyạdar kạnạń. Onate ape modre okoe doko manḍerren maraṅ mukhiyạko kan iń do onkoren ar mitʼṭen maraṅ mukhiyạ lekate noa sikhạunań emako kana.

Galathiko lạgitʼ Pạul Apostolakʼ ciṭhi 6:1

E boehako, ape modre jãhãe hoṛ jãhãn dosreye paṛaolenre, enḍekhan okoe sonot Jiu tabere menakʼpe ape do onkanicʼ jut ruạṛepe. Menkhan dulạṛ monte noa kạmipe ar apnartetʼ sontor tahenpe jemon ape hõ kạire alope ńurokʼ.

Titus lạgitʼ Pạul Apostolakʼ ciṭhi 2:6

Onkage juạnko hõ hukumakome jemon apnartetʼko sambṛaokʼ.

Mathae 23:8

“Ape do guru mente alope hoho ocokʼa, ente mitʼṭengeae aperen Guru do, ar ape do jotokogepe boeha kana.

1Timothi 5:17

Manḍerren maraṅ mukhiyạko okoe bes okocʼte manḍerko calaoetʼkan, ar okoe do Isorakʼ kathako porcaretʼkan ar lại cecetʼreko mehnotetʼkan, onko do dobṛa manot ocokʼ lek kanako.

Romiko lạgitʼ Pạul Apostolakʼ ciṭhi 13:7

Okoeyakʼ oka bakhrakan uni do ona emkataepe. Khajna hataoicʼ do khajna; mạsul uṭhạuicʼ do mạsul; botorae lekicʼ do botor; ar manot emae lekicʼ do manot emaepe.

Aposkạmi 15:4

Pạul ar Barnabas Jerusalemtekin hecʼen khan manḍerren hoṛko, mukhiyạko ar apostolko do ạḍi rạskạ salakʼko ataṅ daramketʼkinạ. Ar unkin hotete Isor okakoe cekaletʼ tahẽkan ona sanamakʼkin lạiyatʼkoa.

Aposkạmi 14:23

Unkin do mitʼke mitʼ manḍerre maraṅ mukhiyạkin bahalketʼkoa ar okoe Probhu Isor cetanreko biswạs akan tahẽkan, koejoṅ ar upạste uni Probhu Isorakʼ tirege manḍerren hoṛkokin jimạkatʼkoa.

Johan sodor 4:4

Ona siṅghạson reakʼ beṛhaete arhõ bargel pon siṅghạson tahẽkana, ar ona siṅghạsonkore do bargel pon murubbiko duṛupʼakan tahẽkana. Onkoakʼ kicricʼko do ponḍge tahẽkana ar bohokʼre do sona reakʼ mukuṭ tahẽkantakoa.

3 Johan 1:1

Isorakʼ sạriyakʼtetʼ iạte okoeyiń dulạṛ edekan, ińren uni dulạṛiạ gate Gạius ṭhen iń murubbi do noa ciṭhiń oleda.

2 Johan 1:1

Isor okoeye bachao akade uni maejiu ar uniren hoponko ṭhen iń murubbi do noa ciṭhiń oletʼkana. Isorakʼ sạriạkʼtetʼ iạte iń do ape sanamkoń dulạṛetʼpea. Eken ińiń dulạṛetʼpea ona do baṅ, menkhan okoe Isorakʼ sạriyakʼtetʼko baḍae oromakatʼ onko sanamkoge apeko dulạṛetʼpea.

Jakob 5:14

Uni doe sarhao sereń ma. Jãhãe ruạreye paṛao akana? Uni do manḍerren mukhiyạkoe hoho jarwakoma. Onko do Probhu Isor ńutumte uniyakʼ bohokʼre sunumko ojokʼaete uniko koeyae ma.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Aposkạmi 20:17

Pạul do Miletus khon Ephesuste hoṛ kolkate ona manḍerren murubbikoe hoho ạgu ocoketʼkoa.

Aposkạmi 15:6

Unre apostolko ar manḍerren mukhiyạko do noa reaṅ hudis lạgitʼ mitʼ ṭhenko jarwayena.

Dosar Biboron 33:9

One uni acʼ eṅgat apat reakʼe menketʼ, bạń bạsutạkin kana, Ar acʼren boehako bae puchạuletʼko, ar acʼren hoponko bae baḍaeletʼko, uni do amakʼ kathakoe dohoyeda ar amakʼ bondoboskoe manaoeda.

1Timothi 5:2

Buḍhi hoṛko do gogo leka, ar kom umerren maejiuko do miserako leka napaete bujhạukope.